Unicode
အခန်း ( ၁၀၄ )
“ဒါ Grand Princess Mary ရဲ့ ဓားမြှောင် မဟုတ်လား? ”
Marquis Borneau ၏ အကြည့်က နောက်ဆုံးတော့ Mary ဆီသို့ ရောက်ရှိလာခဲ့သည်။ Mary က အကြည့်ကို မလွှဲရှောင်ခဲ့ဘဲ ယင်းအစား သတိထားကာ ခေါင်းညိတ်ပြလိုက်၏။ Lucas က Mary လက်ကို တင်းတင်းဆုပ်ကိုင်ထားသည်အား Mary ခံစားနေရသည်။
ပျောက်ဆုံးသွားခဲ့တဲ့ ဓားမြှောင်က Marquis Borneau ဆီမှာ ဘာလို့ရှိနေရတာလဲ?
“Brian ပြောတာကတော့ ဒါကို Grand Princess ဆီကရခဲ့တာပါတဲ့”
“သြော် အပေါင်ပစ္စည်းအနေနဲ့လား? ”
“ဒီဓားမြှောင်ကို ကျွန်တော်သိတယ်။ Count Stein ကနေ လက်ဆောင်ရခဲ့တဲ့ ဓားမြှောင်နဲ့ဆင်တယ်။ ကမ္ဘာပေါ်မှာ ဒါမျိုး တစ်ခုတည်းရှိတာမို့ အရမ်းတန်ဖိုးရှိတယ်လို့ ပြောကြတယ်။ အဲ့လိုကြားတော့ ကျွန်တော်ကိုယ်တိုင် Count Stein ဆီကို ယူသွားပြီး စစ်ဆေးကြည့်တော့ တကယ်ပဲ မှန်ကန်နေတယ်။ တလောကလုံးမှာ ဒါမျိုးဓားမြှောင်တစ်ခုပဲ ရှိတယ်လို့ သူကပြောခဲ့တယ်။ ဒါကြောင့် ဒီဓားမြှောင်က Grand Princess ပိုင်ဆိုင်ထားတဲ့ ဓားမြှောင်ကို အတုလုပ်ထားတာလည်း ဖြစ်နိုင်တယ်။ အခု မင်းမှာ မင်းရဲ့ဓားမြှောင်ရှိနေလား? ကျွန်တော့် လက်ထဲမှာ ရှိနေတာက အတုဖြစ်ကြောင်း သက်သေပြပေးနိုင်မလား? ”
“...သမီးပျောက်သွားပြီ”
ထိုစကားမှာ တုံးအသော စကားတစ်ခွန်းမှန်း Mary သိပါသည်။
Marquis Borneau က Mary ၏ စကားကို ကြားသောအခါ သက်ပြင်းကို ခပ်ဖျော့ဖျော့ ချလိုက်လေသည်။ စကားဝိုင်းကို နားထောင်နေသော Lucas က Mary ၏ လက်ကို လွှတ်ကာ စကားစပြောပါသည်။
“Marquis ဗျ Brian နေခဲ့တဲ့ Textonက ကလေးတွေက တကယ့်ကို အကောင်းဆုံးဖြစ်တဲ့ ပညာရေးကို သင်ယူထားကြပါတယ်။ မျိုးရိုးမြင့်တဲ့ ကလေးတွေ တက်တဲ့ အကယ်ဒမီအဆင့်လောက် မဟုတ်ရင်တောင် သာမန်ကျောင်းအဆင့်ထက်တော့ ပိုမြင့်မယ်လို့ ကျွန်တော်ယုံကြည်တယ်။ ပြီးတော့ သူတို့အရွယ်ရောက်လို့ ဘဝကို ကိုယ့်ဘာသာရပ်တည်နိုင်အောင်လည်း အများကြီး ကူညီထောက်ပံ့ပေးထားတယ်။ Brian က ဒါကို ပိုသိမှာ သေချာပါတယ်။ ဒါပေမဲ့ ကမ္ဘာမှာ တစ်ခုတည်းရှိတဲ့ ဓားမြှောင်လေးတစ်ခုအတွက်နဲ့ အခုလို အန္တရာယ်ရှိတဲ့အလုပ်ကို လုပ်တာက အဓိပ္ပာယ်ရှိရဲ့လား? ”
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
