Unicode
အခန်း ( ၁၃၆ )
Mary မြေအောက်ကမ္ဘာ၏ နတ်ဘုရားနှင့် တွေ့ဆုံခဲ့ကြောင်း သိရှိကြသောအခါ သူမ၏ နောက်ဘက်တွင် ရုတ်ရုတ်သဲသဲ အသံအနည်းငယ် ဖြစ်ပေါ်လာသည်။
Theodore နှင့် Aiden တို့သည် ဒေါသထွက်နေကြပြီး ၎င်းသည် မည်သည့်နေရာ၌ ရှိကြောင်း သိလို၍ မေးမြန်းနေကြစဉ် Hestia သည် Mary ၏ ကျောပြင်ကို ညင်သာစွာ ပုတ်ပေးနေ၏။
Gilbert ကမူ တုန်လှုပ်နေပုံရကာ အစောပိုင်း အဖြစ်အပျက်နှင့်ပတ်သက်၍ Rex အား မေးမြန်းနေ၏။ သို့သော် Mary သည် Grand Duke Estin ၏ မျက်နှာကိုသာ တည့်တည့်ကြည့်၍ အာရုံစိုက်ထားခဲ့သည်။
Grand Duke Estin ၏ မျက်နှာအမူအရာသည် ဤအခြေအနေ၌ပင် ပြောင်းလဲခြင်းမရှိဘဲ ငြိမ်သက်နေ၏။ သူသည် စိတ်အေးလက်အေး ရှိနေပုံပါပင်။
“ဘာဖြစ်ခဲ့တာလဲ? ”
Grand Duke Estin ၏ မျက်ခုံးများက တွန့်ချိုးသွားခဲ့သည်။ သူ၏ မျက်ခုံးများကို ကြည့်ရင်း Mary သည် သူ့တွင် ချောချောမွေ့မွေ့ဖြစ်ရသည့် နေ့ တစ်ရက်မျှပင် ရှိပါဦးမလားဟု မတွေးဘဲ မနေနိုင်အောင်ဖြစ်သွားမိသည်။
အနည်းဆုံးတော့ Mary သည် Conler အိမ်တော်သို့ ပြောင်းရွှေ့လာပြီးနောက် ထိုသို့သော နေ့ရက်မျိုးကို မမှတ်မိတော့ပေ။
သူမသည် သူ၏ မျက်ခုံးကို စူးစူးစိုက်စိုက် ကြည့်ရင်း သတိမထားမိဘဲ ရေရွတ်လိုက်သည်။
“သမီးတို့ မိသားစုမှာ ကျိန်စာ တစ်မျိုးမျိုး ရှိနေတာလား? ”
Mary ထိုကျိန်စာအကြောင်းကို အလေးအနက် မေးမြန်းနေခြင်း မဟုတ်ပေ။ Grand Duke Estin သည် သိချင်စိတ်ပြင်းပြသောသူ မဟုတ်သောကြောင့် သူမသာ ပါးစပ်ပိတ်နေပါက ဤတစ်ကြိမ်တွင် အေးအေးချမ်းချမ်း ဖြတ်ကျော်သွားနိုင်မည်သာ ဖြစ်သည်။
“နတ်ဆိုးရဲ့ ကောင်းချီးကိုပြောတာလား? ”
“မဟုတ်ဘူး၊ အဲဒီလို မဟုတ်ဘူး ”
“တစ်ယောက်ယောက်က သမီးကြောင့် သေဆုံးရလိမ့်မယ်တဲ့ ”
“သမီး ဘာတွေ ပြောနေတာလဲ ဒယ်ဒီ နားမလည်ဘူး”
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
