Unicode
အခန်း ( ၇၁ )
Grand Duke နှင့် Mary နှစ်ယောက်လုံး တော်ဝင်နန်းတော်သို့ ဖိတ်ကြားခြင်းခံရကြောင်း ကြားရချိန်တွင် Mary ဘယ်လိုမှမတတ်နိုင်ဘဲ သူမ၏လည်ပင်းကို ထိကြည့်လိုက်မိသည်။ Maryသည် သူမ၏သေရမည့်ရက်ကို ရှေ့သို့ပိုတိုးမိလိုက်သလို ခံစားလာရပြီး သူမ၏လတ်တလောအပြုအမှုတွေက ဘယ်လောက်တောင်အဆင်အခြင်မဲ့သွားခဲ့သလဲဆိုတာကို စတင်သဘောပေါက်လာခဲ့သည်။
' ပထမမင်းသားကို လေးနဲ့ချိန်မိခဲ့ရတယ်လို့ ယုံတောင်မယုံနိုင်တော့ပါဘူး ဝူးးး '
အမဲလိုက်ပြိုင်ပွဲပြီးနောက် Mary လုပ်ခဲ့မိသော ထိုအပြုအမှုမှာ မည်မျှစိုးရိမ်ရကြောင်း Conler ရှိမည်သူကမျှ စကားမစခဲ့ကြ၍ Mary လည်း ထိုအရာကို မေ့သွားခဲ့သည်။ သူမ၏ပညာရေးကို သူမ၏ကျူရှင်ဆရာထပ်ကို အလေးထားနေသော Aiden ကပင် ထိုအကြောင်းအရာကို ပြောမလာခဲ့ပေ။
အဲ့တာကြောင့် ငါ လုံးဝကို မေ့သွားခဲ့တာပဲ!
သေချာပြန်တွေးကြည့်ရတော့ ၎င်းမှာ လုံးဝကောင်းသည်အရာ မဟုတ်ခဲ့ပေ။ Cameron သည် နောက်ဆုံးတွင် ဧကရာဇ်ဖြစ်မလာခဲ့သော်လည်း လက်ရှိအချိန်တွင် သူသည် အိမ်ရှေ့စံအလောင်းအလျာဖြစ်သည်။
ထိုကဲ့သို့သောသူကို သူမက လေးဖြင့်ချိန်ခဲ့မိသည်။ တော်ဝင်နန်းတော်သို့ ဝင်လိုက်သည်နှင့် သူမ၏လည်ပင်းလေး ပျံထွက်သွားမှာကို ကြောက်နေမိသည်။ မူရင်းဝတ္ထုတွင် Mary သည် ဆိုက်ဘေးရီးယားကိုတောင် အမှတ်ရစေမည့် Nicor သို့ ပို့ခံခဲ့ရသည်။ သူမ၏ဗီဒိုထဲတွင် အအေးဒဏ်ကိုခံနိုင်မည့် ဝတ်စုံများမရှိပေ။ ဤကမ္ဘာတွင် ဆောင်းတွင်းဝတ်ဂျက်ကတ်အထူကြီးများလည်း ရှိနိုင်စရာအကြောင်းမရှိပေ။
ငါ သားမွေးတွေ ယူသွားသင့်လား?
" သမီးသွားဖို့လိုလို့လား? "
Mary က သတင်းလာပေးသော Lucas ကို ငိုချလုနီးပါးဖြစ်နေသော မျက်နှာလေးဖြင့် မေးလိုက်ရာ Lucas က မျက်ရည်ဝဲနေသော အမူအယာဖြင့် ပြန်တုံ့ပြန်လာသည်။
" ဟုတ်ကဲ့ "
Lucas ၏ ပြတ်ပြတ်သားသားတုံ့ပြန်မှုကြောင့် Mary သည် စိတ်ပျက်သွားသောအမူအယာဖြင့် သူမကိုင်ထားသော ကူရှင်ခေါင်းအုံးပေါ်သို့ မျက်နှာအပ်ထားမိသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
