Unicode
အခန်း ( ၁၃၄ )
သူ့ ရှေ့ကလူက အသက်ရှင်နေသေးတယ်ဆိုတာ ဘာကိုဆိုလိုတာလဲ? သူ ဘာတွေပြောနေတာလဲ?
သူ့၏ နားမလည်နိုင်ဖွယ်ရာ စကားများကြောင့် Mary တံထွေးမြိုချလိုက်မိသည်။ ထိုသူသည် သူမ၏တံတွေးမြိုချသံကို ကြားဟန်တူကာ ရယ်မောလိုက်၏။ သူ၏ မျက်ဝန်းများ ကော့တက်သွားပုံသည် Demimore အား သတိရစေ၏။
သူ ပြုံးလိုက်ချိန် မျက်လုံးတွေ ကော့တက်သွားပုံ... ဒီလူက Demimore ရဲ့အပြုံးကို အတုခိုးနေတာပဲ။
“ဒါကလည်း ငါ့ အမှားပါ။ ငါ အတုခိုးတဲ့နေရာမှာ ဒီလောက် တော်လိမ့်မယ်လို့ မထင်ထားခဲ့ဘူး။ သူက ငါ ထင်ထားတာထက် ပိုပြီး စိတ်ရှုပ်စရာ ကောင်းပေမယ့် အဆင်တော့ပြေသားပဲ ”
ထိုသူသည် သက်ပြင်းချရင်း ဆိုလေ၏။
Mary မှာမူ ခဏခန့်ကြာမှ ထိုသူသည် သူ၏ မျက်နှာပေါ်မှ Demimore အား တုပနေသော အပြုံးကို ဖယ်ရှားပစ်လိုက်ခြင်းကြောင့် စိတ်သက်သာရာ ရသွားသည်။
ထိုသူ ပြုံးနေသည်ကို ကြည့်နေပါက သူမ ဘယ်လိုစကား ပြောရမည်ကို မသိတော့ပေ။
“မင်း ငါ ပြောတာကို နားထောင်နေရဲ့လား? ”
သူသည် Mary သူ့ကို အာရုံမစိုက်ကြောင်း ရိပ်မိဟန်တူ၍ မျက်ခုံးပင့်လိုက်သည်။ သူမသည် နှုတ်ခမ်းကို တင်းတင်း ကိုက်ကာ ခေါင်းညိတ်ပြလိုက်၏။
ဟာ့ ငါလည်း ခေါင်းကိုက်လာပြီ။ ဒါဆိုရင် အဘိုးက သူ အသက်ရှင်လျက်ရှိတုန်းကတည်းက Estin Conler ကို အိမ်တော်သခင်အဖြစ် ခန့်အပ်ခဲ့တာပေါ့...
“ဘာကြောင့်လဲ? ”
ထိုသူ အစောပိုင်းတွင် ဖော်ပြခဲ့သော ကျိန်စာနှင့် ဆက်စပ်နေသည်မှာ ထင်ရှား၏။ Mary သည် စိတ်ကို တည်တည်ငြိမ်ငြိမ်ထား၍ စဉ်းစားရန် ကြိုးစားလိုက်သည်။
ဒါဆိုရင် သူက ငါ့ကို Mary Conler အဖြစ် မွေးဖွားလာမှာကို ကြိုသိနေလို့ ငါ့ကို အသုံးချပြီး မိသားစုအပေါ် ကျိန်စာတိုက်ခဲ့တာလား? အဲ့တာကြောင့် အိမ်တော်သခင်က သေဆုံးရမယ်ဆိုတဲ့ကျိန်စာဖြစ်လာတာလား?
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
