Unicode
အခန်း ( ၁၃၅ )
Knight တို့သည် Rex နှင့် Mary ထံသို့ လျင်မြန်စွာ ချဥ်းကပ်လာကြပြီး တောင်းပန်စကား ဆိုလာကြသည်။
Mary က ပျာပျာသလဲနှင့် သူတို့အား ဟန့်တားလိုက်မိသည်။ မြေပြင်ပေါ်၌ လဲကျနေခဲ့သည့် အချက်ကား သူတို့ကို အံ့အားသင့်စေခဲ့မည်မှာ သေချာသည်။
သူမ တိုက်တွန်းသောအခါ သူတို့သည် မချင့်မရဲဖြင့် မတ်တပ်ရပ်ကြသော်လည်း သူမ၏ ခန္ဓာကိုယ်အား ဆက်လက် စစ်ဆေးနေကြသည်။
“သခင်လေး Rex၊ အဆင်ပြေရဲ့လား? ”
knight တစ်ဦးက မေးမြန်းလာသောအခါ Rex သည် အနည်းငယ် တင်းမာနေသော မျက်နှာဖြင့် ခေါင်းညိတ်ပြသည်။
Mary သည် လက်ချောင်းများကို လှုပ်ရမ်းလိုက်သည်။
သူမ မထိခိုက်ကြောင်း သူတို့အား ပြောပြသော်လည်း သူတို့သည် သံသယနှင့် စိုးရိမ်ပူပန်မှုများ ရှိနေကြဆဲပင်။
ငါ ဘယ်လိုပြောပြရမလဲ?
သူမသည် မျက်လုံးများကို တင်းတင်း မှိတ်ထားလိုက်သည်။ ပါးစပ်မှာလည်း ခြောက်သွေ့နေ၏။ စကားဖြင့်ပြောရသည်မှာ လွယ်ကူသော်လည်း သူတို့သည် သူမအား မကာကွယ်နိုင်ခဲ့သည့်အတွက် စိတ်မကောင်း ဖြစ်သွားကြမည်ကို Mary စိုးရိမ်နေမိသည်။
သူမ၏ ခံစားချက်ကို သိရှိနေသော Rex မှာ ရေကန်ပတ်ပတ်လည် လမ်းလျှောက်ရန် အကြံပြုခဲ့သည့်အတွက် သူ့ကိုယ်သူ အပြစ်တင်နေမည်ကိုလည်း စိုးရိမ်သည်။ Mary ပတ်ဝန်းကျင်ကို ဝေ့ကြည့်လိုက်ရာ Rex ၏ အကြည့်နှင့် ဆုံမိသွား၏။
‘Mary Conler က ဘာလို့ အနှောင့်အယှက် ဖြစ်နေတာလဲ’
ထိုသူ၏ အစောပိုင်း စကားများသည် Mary ၏ စိတ်ထဲသို့ ပေါ်လာ၏။ သူသည် ဤအခြေအနေတွင် ပြောဆိုရန် ရည်ရွယ်ခဲ့ခြင်း မဟုတ်သော်လည်း ယခုအခါတွင် အံဝင်ခွင်ကျ ဖြစ်နေသကဲ့သို့ ခံစားရကာ စိတ်မသက်မသာ ဖြစ်လာခဲ့သည်။
သို့သော် ဤအခြေအနေတွင် အခြား မည်သည့်စကား ပြောရမည်ကို သူမ မသိခဲ့ပေ။ Mary မသိလိုက်မီတွင် Arsene သည် သူမ၏ ဘေးနားသို့ ရောက်ရှိလာပြီး သူမ၏ လက်ကို လျက်ပေးနေလေသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
