မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter (32)

Unicode
                အခန်း (၃၂)

Rex က အအေးမိပြီး အပြင်ထွက်မကစားနိုင်တဲ့အတွက် Mary နဲ့ Rex ဟာ စာကြည့်တိုက်ထဲတွင် ပုံဆွဲနေခဲ့ကြသည်။ သူ့ကြောင့် Mary အပြင်မထွက်နိုင်တာကို Rex က ထပ်တလဲလဲ တောင်းပန်နေခဲ့ပြီး ပုံဆွဲနေစဉ်အတွင်းကို နှာရှုပ်ရှုပ်ဖြင့် သူမကို လှမ်းကြည့်နေခဲ့၏။

Rex သည် Maryရှေ့တွင် မျက်ရည်တွေကျကာ ငိုခဲ့တဲ့နေ့ကစပြီး သူမနဲ့အတူရှိရတာကို ပိုပြီး သက်တောင့်သက်သာ ရှိလာပုံပေါက်၏။ဘယ်သူမှ ယုံမှာတော့ မဟုတ်ပေမယ့် သူမသည်လဲပဲ သူနဲ့အတူရှိရတာကို နေသားကျသွားခဲ့ပါသည်။

“ မမ သား တောင်းပန်ပါတယ် ”

“ ဘာမှ မဖြစ်ဘူး။ နေပြန်ကောင်းအောင်သာ လုပ်နော် ”

သူမတကယ် အဆင်ပြေကြောင်း Rex ကို ချိုသာစွာ ပြုံးပြလိုက်တဲ့အခါ Rex က စိတ်သက်သာရာရသွားခဲ့သလို သူ့ပန်းချီကားကို ပြန်အာရုံစိုက်တော့သည်။

သူ ဘာတွေဆွဲနေခဲ့တာလဲ သိချင်မိတဲ့အတွက် ချောင်းကြည့်လိုက်တော့ Rex က ဥယျာဉ်ထဲက ဒေလီယာပန်းခင်းပုံကို ဆွဲနေတာ တွေ့လိုက်ရသည်။ ဖွဲ့စည်းပုံ၊ ကာလာပေါင်းစပ်မှု အရာအားလုံးမှာ ပြီးပြည့်စုံလှသည်။

“ Rex မင်းက ပုံဆွဲတာ တော်တာပဲ ”

“ ဒေလီယာပန်းတွေက အရမ်းလှပြီး ဆွဲရတာလွယ်လို့ ဖြစ်မယ် မမ ”

“ ဒေလီယာပန်းတွေကို သဘောကျလို့လား? ”

“ မေမေက ဒေလီယာပန်းတွေကို အရမိးသဘောကျတာ... ”

“ မင်းနဲ့ ဒေလီယာပန်းတွေက တကယ်ကို လိုက်ဖက်တယ်လို့ ငါထင်တယ်။ အင်း.... ငါလဲ ဘာဆွဲရင် ကောင်းမလဲ? ”

Rex ၏အသံမှာ ငိုမဲ့မဲ့ စဖြစ်လာတဲ့အတွက် Mary ပြောနေတဲ့ အကြောင်းအရာကို အမြန် ပြောင်းလိုက်ရ၏။

Mary က Rex ရဲ့နောက်ကျောကို ပုတ်ပေးခဲ့ချိန်မှာ Rex က သူမ့ကို ကိုးရိုးကားရားဖြစ်စွာ ပြုံးပြနေခဲ့သည်။မကြာခင်မှာတော့ သူ သက်တောင့်သက်သာနဲ့ ပြုံးလာနိုင်ဖို့ Mary မျော်လင့်မိပါသည်။

ငါလဲ ဘာပုံဆွဲရင် ကောင်းမလဲ? Nero ပုံဆွဲရင် ကောင်းမလား?

အနက်ရောင် ရောင်စုံခဲတံတစ်ချောင်းကို ကောက်ယူခဲ့ပြီး ကြောင်တစ်ကောင်ကို စတင်ရေးဆွဲခဲ့သည်။ Mary ကြောင်ပုံကို အတတ်နိုင်ဆုံး ချစ်စရာကောင်းအောင် ရေးဆွဲချင်တာကြောင့် သေချာကို အာရုံစိုက်ပြီး ဆွဲနေခဲ့သည်။ထို့ကြောင့် သူမ၏နှုတ်ခမ်းမှာလဲ သတိမထားမိဘဲ ဆူလို့နေသည်။