Unicode
အခန်း ( ၈၄ )
" အဖေ "
အလင်းတန်းကို စပြီးသတိပြုမိခဲ့တဲ့ Aiden က Estin ကို ခေါ်လိုက်သည်။ ထိုမှသာ Estin က ခေါင်းကိုမော့ကာ အလင်းတန်းကို ကြည့်ခဲ့သည်။ Estin က မည်သည့်စကားမှမဆိုဘဲ အလင်းတန်းကို ခေတ္တမျှ စိုက်ကြည့်နေခဲ့သည်။
" ငါ့အထင် ဒီအရာက သူ့အနောက်ကို လိုက်လာဖို့ ပြောချင်နေတာဖြစ်လောက်မယ် "
" တကယ်လား? "
" အင်း "
" သူတို့က ကျွန်တော်ကို့ကို လမ်းမှားရောက်အောင် လှည့်စားနေတာလဲဖြစ်နိုင်တယ်မလား? "
Aiden ၏ စကားကလဲ ဖြစ်နိုင်ချေရှိသည်။ Estin က ထပ်မံအတွေးထဲနှစ်မြှုပ်သွားပြန်သည်။ ယခုအချိန်၌ နည်းလမ်းတကျ တွေးခေါ်ဆင်ခြင်နိုင်ဖို့ သူ့တွင်အားအင်မရှိ။
" ငါတို့ ဒီအရာနောက်ကို လိုက်သွားကြည့်ကြတာပေါ့ "
" Lucas ကျွန်တော်ပြောခဲ့သလိုပဲ Knight အဖွဲ့ဝင်တွေကို စံအိမ်ကြီးဆီ အရင်ပြန်ပို့လိုက်ပါ "
Estin နှင့် Aiden သည် အလင်းရောင်နောက်သို့လိုက်ကာ ပျောက်ကွယ်သွားကြသည်။ ကျန်ရစ်ခဲ့သူ Lucas မှာ စိတ်ရှုပ်ထွေးကာ အံ့သြသွားခဲ့ရသည်။ အဘယ်ကြောင့်ဆိုသော် Conler တွေ၏ ထိုမျှအလောတကြီးဆန်ကာ ကမှုးရှူးထိုးပြုလုပ်သောဆုံးဖြတ်ချက်များကို သူယခင်က မမြင်ဖူးခဲ့သောကြောင့်ပင်။သို့သော် Lucas ကိုယ်တိုင်လဲ သတိပြုမိခဲ့သည်။ အကယ်၍ Aiden ၏ အမိန့်သာမရှိပါက သူသည်လည်း ထိုအလင်းတန်းနောက်ကို ချက်ချင်းလိုက်သွားဖို့ ဆုံးဖြတ်ချက်ချမိမှာဖြစ်သည်။
" ကျေးဇူးပြုပြီး...
သခင်မလေး ဘေးအန္တရာယ်ကင်းကင်း ရှိနေပါစေ..."
***
သေလောက်အောင် အေးတယ်...
Mary သည် မျက်ရည်တစ်စက်တောင် မကျနိုင်ခဲ့ချေ။ သူမ ငိုမိပါက မျက်နှာတစ်ခုလုံး အအေးပတ်သွားမှာတောင် ကြောက်မိပါ၏။ ပြည်နှင်ဒဏ်ပေးရန် ခေါ်ဆောင်သွားသော ရဲမက်က သူမကို တစ်ချက်ကြည့်လိုက်ပြီး ကျစ်ခနဲ အသံပြုလိုက်သည်။ Mary က ဘာမှမကြားရသယောင်ဆောင်ခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
Roman d'amourStatus in COO_ Chapter226+side story *credit to author 윤로체 and English translator*
