Unicode
အခန်း ( ၉၀ )
" ဒါပေမဲ့ Mary မင်း တကယ်အဆင်ပြေပါ့မလား? "
Aiden က စိုးရိမ်နေသောအမူအယာဖြင့် မေးခွန်းထုတ်လာခဲ့သည်။
အို နိုး..သူရဲ့ အကာအကွယ် လွန်ကဲမှုကြီး စလာပြန်ပါပြီ။
အန္တရာယ်များလို့ သူ ငါတို့ကို ဝေးဝေးကို သွားခွင့်မပြုလောက်ဘူးထင်တယ်။ ဒါပေမယ့် အခု ငါ့ကို ဘယ်သူမှတားလို့မရဘူးကွ!
Mary က ဇွန်းကို လှမ်းကိုင်လိုက်ရင်း ခွက်ထဲမှ ပူတင်းကို ဟန်ပါပါ စားပြလိုက်တော့ Aiden က ရယ်မောလာခဲ့သည်။
" ဟုတ်ပါပြီ ဟုတ်ပါပြီ ငါသိပါပြီ "
ဒါပေါ့ ၊ မင်း သိသင့်တယ်။
Mary က စိတ်ကျေနပ်စွာဖြင့် ပါးစပ်ထဲမှ ပူတင်းကို အရသာခံနေလိုက်သည်။ ပျော်ပွဲစားထွက်ရမည်ဟူသော အသိကြောင့် Mary စိတ်လှုပ်ရှားနေမိသည်။
" မသွားရဘူးလို့သာပြောမိရင် Mary လေးက ကျွန်တော့်ကို ရိုက်လောက်တယ်နော် "
" ငါကတော့ မင်း ရိုက်ခံရတာကို ပျော်ပျော်ကြီး ကြည့်နေမှာ Aiden "
Gilbert က ခေါင်းခါလိုက်ရင်း Aiden ကို ပြန်ဖြေခဲ့သည်။
ဟုတ်တယ်။ ငါ့ကို စိတ်အားထက်သန်အောင်လုပ်ပြီးမှ မသွားဖို့အတွက် လာစည်းရုံးလို့ကတော့ ဟွန့် တစ်ချက်ထဲရိုက်ရုံနဲ့ ပြီးသွားမှာ မဟုတ်ဘူး!
" ကျွန်တော် ခွင့်ပြုချက်ရခဲ့ပြီ "
များမကြာမီတွင် Lucas သည် Bonita ထံမှ ခွင့်ပြုချက်ရခဲ့ပြီဆိုကာ အပြုံးကြီးတစ်ခုဖြင့် ပြေးလာတော့သည်။
" Bonita က အကြံကောင်းတစ်ခုပဲလို့ ပြောတယ်။ နေရာအပြောင်းအလဲနဲ့ဆိုတော့ ပျော်ဖို့ကောင်းမှာပဲတဲ့ "
သူမကို ဂရုစိုက်ဆုံးသူမှာ Bonita ဖြစ်သည်ဟု Mary ထင်လာမိသည်။ ဒါပေမဲ့ အဲ့ဒီအချိန်မှာပဲ Grand Duke Estin ရဲ့မျက်နှာပုံရိပ်က Mary စိတ်ထဲတွင် ပေါ်လာခဲ့သည်။ သူ ဘယ်များရောက်နေလဲလို့ နည်းနည်းတွေးမိလာသည်။ အလုပ်ရှုပ်နေမယ်ဆိုတာတော့ သိသာပင်မဲ့.....
" Grand Duke ရော? "
" အို Grand Duke နဲ့ Hestia က တောအုပ်ထဲကို သွားကြတယ်။ အာ..မဟုတ်ဘူး တစ်နေရာရာကို သွားကြတာ "
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
