Unicode
အခန်း ( ၅၂ )
Cameron က Rex နဲ့ Mary ကို စကားပြောချင်သည်ဟူ၍ ပြောလာသည့်အချိန်တွင် သူ့မျက်နှာ၌ မသင်္ကာစရာအပြုံးကြီးတစ်ခု ရှိနေသည်။
ငါ သူနဲ့ စကားပြောမချင်ဘူး! ဒါပေမဲ့ ငါ ဒါကို ရှောင်လွဲလို့ မရနိုင်လောက်ဘူး။
Gilbert ကလည်း သူမတို့နှစ်ယောက်လုံးကို မခေါ်ချင်ခဲ့တာကြောင့် ဒေါသထွက်နေသလိုပင်။
ရိုးရိုးသားသားပြောရရင် သူငယ်ချင်းနဲ့ရှိချိန်မှာ သူ့မောင်နှမတွေနဲ့ အတူကစားချင်တဲ့ အစ်ကိုကြီးမျိုး ရှိလို့လား?
အခုက နည်းနည်းကွဲပြားတဲ့ အခြေအနေဆိုပေမယ့်လဲပေါ့လေ။
နောက်ဆုံးတွင်မူ Gilbert , Cameron , သူမနှင့် Rex တို့ဟာ အတူတူ ပန်းချီခန်းဆီသို့ သွားခဲ့ကြသည်။ Mary သည် ပန်းချီခန်းကို မကြာခဏ မရောက်ဖြစ်ခဲ့တာတော့ မဟုတ်သော်ငြား ပန်းချီခန်းဟာ အလွန်ကို အရောင်အသွေးစုံလင်လှပြီး သပ်ရပ်စွာ အလှဆင်ထားပါသည်။ ဖွင့်ထားသော ပြတင်းပေါက်များမှတဆင့် Conler စံအိမ်ကြီး၏ လှပသော ဥယျာဉ်ကြီးကို မြင်နေရပြီး အခန်းထဲတွင် တန်ဖိုးကြီးသော အနုပညာလက်ရာများကို ပြသလို့ ထား၏။ အနုစိတ်ကာ ကြည့်ကောင်းလှသော မီးဖိုကြီးတစ်ခုတောင် ရှိ၏။
အစစ်အမှန် ကြွယ်ဝချမ်းသာတဲ့ မိသားစုဆိုတာ ဒါပဲ....
Cameron သည် ဆိုဖာပေါ်ကို သက်တောင့်သက်သာဖြင့် ပစ်ထိုင်ချလိုက်ကာ သူမတို့ကို ထိုင်ရန် အချက်ပြခဲ့သည်။ မသိပါက သူ၏ကိုယ်ပိုင်အိမ်ကို ရောက်နေသည့်အတိုင်းပင်။ သို့သော်ငြား Mary သည် အခြားသူ၏အိမ်သို့ ရောက်နေသကဲ့သို့ ကသိကအောက်ဖြစ်စွာ ထိုင်ချခဲ့ရသည်။
“ မကြာခင် လက်ဖက်ရည် တည်ခင်းပေးမယ် ”
Gilbert သည် အချိန်အတော်ကြာ ရှိနေခဲ့သော တိတ်ဆိတ်မှုကို ချိုးဖျက်လိုက်သည်။ Cameron က ခေါင်းသာညိတ်ပြခဲ့သည်။
Bonita ၏ အဆိုအရ Conler အိမ်တော်တွင် လာရောက်လည်ပတ်သူ မရှိသလောက်ကို ရှားပါးလှသည်။ Grand Duke Estin သည် ဆူညံသံများကို မုန်းတီးပြီး လာရောက်လည်ပတ်ရဲသူလဲ မရှိပေ။ Grand Duke က စံအိမ်ကို မည်သူမှ လာမလည်ရင်တောင် ဂရုမစိုက်ဘူးဟူ၍ ကြားခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
