Unicode
အခန်း (၁၂)
“ သမီး အများကြီးဝယ်ခဲ့ရင် Grand Dukeက ဒေါသထွက်မှာလားဟင်? ”
“ ငါလဲ သေချာမသိဘူး ၊ သူ ဒေါသထွက်လောက်လား? ”
Lucas သည် ရုတ်တရက် လေးနက်သော အသံဖြင့် ရေရွတ်လိုက်သည်။ထိုအသံကို ကြားပြီးနောက် Mary စိတ်ဓာတ်ကျသွားခဲ့သည်။
သေချာပါတယ်။ သူ ဒေါသထွက်လိမ့်မယ်။ မူရင်းဝတ္ထုထဲမှာ Mary ဘယ်လိုအဆုံးသတ်သွားရတယ်ဆိုတာကို မမေ့နဲ့။
စိတ်ပျက်အားလျော့သော အမူအယာကို ပြနေရင်း သူမရဲ့ ခြေထောက်တွေကို လှုပ်ခါနေမိတော့ Lucas က ဝါးလုံးကွဲ ရယ်ချလာသည်။
“ အိုး… ငါတို့ရဲ့ ကြောင်ပေါက်လေးကို ဟာသတောင် ပြောလို့မရပါ့လား ”
မင်း လာနောက်နေတာလား ?
“ Mary လေးကို စလိုက်ရင် တုန့်ပြန်ပုံက ကြီးကြီးမားမား ရှိလို့ မင်းလေးကို စနောက်ရတာ ပျော်စရာကောင်းလိုက်တာ ”
“ ဦးဦး သမီးကို အရမ်းစနောက်နေရင် သမီး ပေါက်ကွဲသွားနိုင်တယ်နော် ”
“ အိုး ကြောက်လိုက်တာကွာ ”
Lucas နဲ့ ဟိုအကြောင်းဒီအကြောင်း ပြောပြီးနောက်တွင်မူ ရထားလုံးသည် ရွာသို့ ရောက်ရှိလာကာ ရပ်တန့်သွားခဲ့သည်။
ဆိုင်က ကျဉ်းမြောင်းတဲ့ လမ်းကြားလေးထဲမှာ တည်ရှိတာကြောင့် ရွာအဝင်ပေါက်ကနေ လမ်းနည်းနည်းလျောက်ဖို့လိုသည်ဟု Lucas က ရှင်းပြလာသောအခါ သူမ လက်ခံလိုက်သည်။
သူမ Lucas ရဲ့ လက်ကို ကိုင်ရင်း ရထားလုံးပေါ်က ဆင်းလိုက်တော့ ရွာသားတွေက သူမကို ကြည့်နေတာကို ခံစားနေရသည်။
ဖန်စီဆန်ဆန် ရထားလုံးပေါ်က ဆင်းရင် ဒီလိုမျိုး ခံစားရတာလား ?
ငါ့ရဲ့အနက်ရောင်ဆံပင်နဲ့ အနက်ရောင်မျက်လုံးတွေကြောင့် ပိုပြီး မျက်စိဖမ်းစားစေသလို ဖြစ်နေတာ ထင်တယ်။
ဖြတ်သွားဖြတ်လာတွေရဲ့ မျက်လုံးတွေထဲမှာ သိလိုမှုတွေနဲ့ စိတ်ဝင်စားမှုတွေ ပါနေတာကို မြင်နေရသည်။အကြောင်းပြချက်မရှိဘဲ ခြိမ်းခြောက်နေသလို ခံစားနေရတာကြောင့် ခြေတစ်လှမ်း လှမ်းဖို့တောင် ခက်ခဲနေမိသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceWeekly update- Fri & Sat & Sun Status in COO_ Chapter226+side story *credit to author 윤로체 and English translator*
