Unicode
အခန်း ( ၁၁၅ )
" Conler ရဲ့ knight အဖွဲ့ခေါင်းဆောင်က ဒီလိုစိတ်ခံစားချက်ပြင်းထန်မှန်းသာ လူတွေသိရင် သူတို့ ဘယ်လောက်တောင် လှောင်ပြောင်နေလိုက်ကြမလဲ? "
Cheroke က ဆက်ပြီး ရှိုက်ကြီးတငင် ငိုနေခဲ့သည်။ ထိုအခါ Gilbert က သူ့၏လက်ဖက်ရည်ခွက်ကို ချလိုက်ပြီး စိတ်မပါသလို စကားဆိုလာသည်။ Cheroke က သူ့အိတ်ကပ်ထဲမှ လက်ကိုင်ပဝါကို အမြန်ထုတ်ကာ မျက်ရည်များကို သုတ်ဖို့ ကြိုးစားနေသော်လည်း ငိုသံများက ရပ်မသွားခဲ့ချေ။ ဧည့်ခံခန်းထဲတွင် သူ၏ရှိုက်သံများဖြင့် ဖုံးလွှမ်းလို့နေသည်။ အဘယ်ကြောင့် ငိုသည်ကို Mary မသိသော်လည်း သူ့အတွက် စိတ်မကောင်း ဖြစ်မိသည်။
Cheroke သည် လေ့ကျင့်ရေးဆင်းနေရာမှ အပြေးအလွှားရောက်လာသည့် Gilbert ကို မြင်သောအခါတွင်လည်း နောက်တစ်ကြိမ် ထပ်ငိုပြန်သည်။ နှုတ်မှလည်း တစ်ခုခုကို ရေရွတ်နေသေး၏။ ဝမ်းနည်းစရာကောင်းစွာဖြင့် သူ၏ ရှိုက်သံများကြောင့် ဘာကို ရွတ်မှန်းမသိရပေ။ သခင်လေးငယ်လေးက အခုဆို အရွယ်ရောက်လာပြီပဲ..ဓားကိုတောင် ကျွမ်းကျင်စွာ ကိုင်နိုင်နေပြီ..စသဖြင့် ရေရွတ်နေပုံရသည်။
Cheroke က ခရီးရှည်မှ ပြန်လာခြင်းဖြစ်သည့်အတွက် ဧည့်ကြိုခန်းထဲ၌ ညီအစ်ကိုသုံးယောက်နှင့် Rex တို့နှင့်အတူ စကားပြောနေခဲ့ကြသည်။ ကံမကောင်းစွာဖြင့် Grand Duke Estin က စံအိမ်မှာ မရှိခဲ့သော်လည်း Cheroke ကတော့ ပြုံးရယ်ကာဖြင့် “ကျွန်တော် သိပြီးသားပါဗျာ” ဟု ပြောလာလေသည်။
နောက်တော့ Cheroke သည် စိတ်တည်ငြိမ်သွားပုံရကာ သူ၏မျက်ခုံးများကို တွန့်ချိုး၍ အခန်းထဲမှ လူများကို လိုက်ကြည့်နေသည်။ ပြီးနောက် မျက်ရည်စများဖြင့် စကားဆိုလာသည်။
“ကဲ… ကျွန်တော် Cheroke Frol က အခုသေရင်တောင် နောင်တရစရာမရှိတော့ပါဘူး... Conler ရဲ့ မွေးချင်းတွေ အကုန်လုံး ဒီမှာ စုနေတာကို ကျွန်တော်ဖြင့် အခုထိကို မယုံကြည်နိုင်သေးပါဘူးဗျာ ”
“ဒါနဲ့ ဘာလို့ ပြန်လာတာလဲ? Cheroke အနားယူနေတာ မဟုတ်လား? ”
Cheroke Frol ဟာ အင်ပါယာ၏နယ်နိမိတ်များတွင် သားရဲများကို သုံးနှစ်ကြာအောင် တိုက်ခိုက်ခဲ့ပြီး နောက်ပိုင်းနှစ်နှစ်မှာတော့ Conler နယ်မြေ၏တိတ်ဆိတ်အေးချမ်းသော ကျေးလက်ဒေသတွင် ဓားပညာကို လေ့ကျင့်နေသည်ဟု ကြားခဲ့ဖူးသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
