Unicode
အခန်း ( ၉၅ )
အဖိုးတန်ရတနာများစွာဖြင့် စီချယ်ထားသော လက်ဝတ်ရတနာဘူးလှလှလေးကပင် စျေးကြီးနေပြီဖြစ်သော်လည်း အတွင်းရှိ သရဖူကမူ ထိုထက်မက ဈေးကြီးဟန်ပေါ်နေလေ၏။ ပန်းပုံသဏ္ဌာန်ဖော်ထားသော၊ နူးညံ့သိမ်မွေ့သည့် ငွေရောင်သရဖူသည် အလင်းပြန်မှုကြောင့် ထူးထူးခြားခြား ညိုမှိုင်းနေခဲ့လေသည်။ ထိုညိုမှိုင်းမှုကပင် အမြင်အာရုံကို ပို၍ သန့်စင်စေယောင် ရှိစေသည်။
Mary သည် Grand Duke Estin ကို ကြည့်၍ ပါးစပ်အဟောင်းသားဖြစ်သွားခဲ့သည်။ ထိုသရဖူမှာ Grand Duke ၏ လက်ထဲမှဖြစ်သောကြောင့် ၎င်းမှာ ပလတ်စတစ်တော့မဟုတ်နိုင်ပေ။ ၎င်းသည် အလွန်တန်ဖိုးရှိမည်မှာ သေချာသည်။ သရဖူကို မယူရဲဘဲ ဖြစ်နေသော Mary ကို နောက်တွင်ရှိသော Lucas က တက်ကြွသော အသံဖြင့် ပြောလာသည်။
“ဆောင်းရာသီမှာ မွေးဖွားတဲ့ နှင်းနတ်သမီးလေးနဲ့ လိုက်ဖက်တဲ့ Tiara သရဖူလေးပါခင်ဗျာ ”
သို့သော်လည်း၊ ဤအရာသည် မင်းသမီးလေး Lausanne တစ်ယောက်တည်းကသာ ပိုင်ဆိုင်နိုင်မည့်အရာဖြစ်သည်။ Grand Duke Estin က သူ့၏ကြွယ်ဝမှုကို Mary အား ယခင်က ကြွားခဲ့သည်ကို သူမသတိရလာမိသည်။
ဒီလူကြီးကတော့ ငါရဲ့မွေးနေ့မှာ သူ့ရဲ့စည်းစိမ်တွေကို ကြွားနေပြန်ပြီ....
“ကျေးဇူး...ကျေးဇူးတင်ပါတယ်”
Maryသည် အလွန်အမင်းစျေးကြီးသည့် အရာတစ်ခုကို လက်ခံရရှိလိုက်သောအခါတွင် စကားလုံးတို့မှာ ထစ်အကာ မည်သို့မည်ပုံကျေးဇူးတင်လိုက်မိမှန်းတောင် မသိတော့ချေ။
“အင်း”
ကျေနပ်သွားပုံရသော Grand Duke Estin သည် လက်ဝတ်ရတနာဘူးထဲမှ သရဖူကိုယူပြီး Mary ခေါင်းပေါ် ဆင်ပေးလိုက်သည်။ ချက်ချင်းဆိုသလို မှန်ထဲတွင် ကိုယ့်ပုံကိုကိုယ်ပြန်ကြည့်လိုခဲ့သော်လည်း ဤလှပသောသရဖူကို ဝတ်ဆင်ထားချိန်တွင် ပြုတ်ကျသွားမည်ဆိုးသောကြောင့် လှုပ်တောင်မလှုပ်ရဲခဲ့ပေ။ Mary သည် Grand Duke Estin ကို ကြည့်ရင်း အပြုံးအကြီးကြီးတစ်ခုဖြင့်သာ ပြုံးပြလိုက်တော့သည်။
“သမီးနဲ့ လိုက်တယ်”
Mary တစ်ယောက် သရဖူကို ဆောင်းထားရင်း မျောက်ဘုရင်၏ခေါင်းပေါ်တွင်ရှိသော အရာအား မြင်ယောင်မိလာသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
