မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 92 )

Unicode
                  အခန်း ( ၉၂ )

Conler နယ်မြေကြီးသည် ယခု ဆောင်းဦးရာသီ၌ ရောက်ရှိနေပြီဖြစ်သည်။

ဥယျာဉ်ကြီးသည် မကြာသေးမှီမှ ကျသွားသော နှင်းဖြူဖြူဖွေးဖွေးတို့ဖြင့် ဖုံးလွှမ်းလို့နေလေ၏။ Conler စံအိမ်ကြီးတွင် နှင်းကျသည့် ပထမဆုံးနေ့၌ Rex နှင့် Mary တို့က အပြင်သို့အတူပြေးထွက်ခဲ့ကြသည်။ ဧရိယာတစ်ဝိုက်လုံးဟာ ကလေးတွေရဲ့ရယ်သံများဖြင့် ပြည့်နှက်နေခဲ့သည်။ ၎င်းမှာ ဆူညံနေသော်လည်း Conler ရှိလူအများမှာ ထိုမြင်ကွင်းကို အဖိုးတန်သည့်မြင်ကွင်းတစ်ခုအလား သဘောကျနေပုံရ၏။

မကြာသေးမီအချိန်အတွင်းက Conler စံအိမ်အတွင်းရှိလေထုမှာ ထူးထူးခြားခြားကို တင်းမာနေခဲ့သည်။ ဤသည်မှာ Mary ထပ်ပြီး ပြန်ပေးဆွဲခံခဲ့ရသည့်ဖြစ်ရပ်ကြောင့် ဖြစ်သည်။ အဓိကလက်သည်တရားခံမှာ မည်သူဖြစ်မှန်း မသိရသေးပေ။ သို့သော် ထိုသူမှာ Mary ကို ကလေးဘဝက ပြန်ပေးဆွဲခဲ့သည့်လူနှင့် တူနိုင်တယ်ဆိုတာကို အားလုံးက ခန့်မှန်းမိခဲ့ကြသည်။ Conler ၏ Knight အဖွဲ့မှာ ထူးချွန်လှသောအဖွဲ့ပင်ဖြစ်သော်ငြား တရားခံကို ခြေရာကောက်ဖို့ရန် အခက်တွေ့နေခဲ့ကြသည်။ Hestia Taylor သည် လက်ထောက်ကပ္ပတိန်တစ်ယောက်အဖြစ် သူမ့တွင်လည်း တာဝန်ရှိသည်ဟု ယူဆခဲ့သောကြောင့် Knight အဖွဲ့ဝင်များ၏ လေ့ကျင့်မှုအဆင့်ကို တိုးမြှင့်ကာ အပြင်းအထန်  လေ့ကျင့်စေခဲ့သည်။ Knight အဖွဲ့ဝင် မည်သူကမျှ သူမ၏ဆုံးဖြတ်ချက်ကို မေးခွန်းမထုတ်ခဲ့ကြပေ။ ဤအရာမှာဖြစ်သင့်သည်ဟု လက်ခံခဲ့ကြသည်။

ကနဦးက ညီအစ်ကိုသုံးယောက်လုံးသည်  အကယ်ဒမီသို့ ပြန်မည့်အစား Conler ရဲတိုက်တွင်သာ နေထိုင်တော့မည်ဟု ကြေညာခဲ့ကြသည်။ သို့သော် Grand Duke Estin ၏ ဆန့်ကျင်မှုကြောင့် နောက်ဆုံးတွင် စိတ်ပြောင်းသွားခဲ့ကြသည်။

Mary သည် ပန်းချီပြခန်းမှ သူမ၏ပန်းချီကားများကို ဖယ်ရှားဖို့ ကြိုးစားခြင်း သို့မဟုတ် သစ်ပင်ပေါ်တက်ဖို့ ကြိုးစားခြင်း ၊ ပြန်ဆင်းမလာနိုင်ခြင်းကဲ့သို့သော အသေးစားပြဿနာလေးများလဲ ဖြစ်ခဲ့သေးသည်။ သူမသည် တစ်ခါတစ်ရံတွင် အတွေးများကာ စိတ်ဓာတ်ကျနေပုံပေါ်သည်။