အခန်း ( ၁၃၇ )
Astina ၏ ကျန်းမာရေးသည် လတ်တလောတွင် မကောင်းမွန်လှပေ။
Marquis Borneau ၏ အိမ်တော်ရှိ လူတိုင်းသည် Astina ၏ အခြေအနေအတွက် စိုးရိမ်ပူပန်လျက် ရှိကြ၏။ Marquis Borneau သည် သူ၏ ချစ်သမီးလေးကို ပြုစုစောင့်ရှောက်ရန် အထူးချွန်ဆုံး ဆရာဝန်များ အားလုံးကို ခေါ်ယူခဲ့သော်လည်း မည်သူမျှ သူမတွင် ဘာဖြစ်နေသည်ကို မဖော်ထုတ်နိုင်ခဲ့ပေ။
Astina ပင်လျှင် နာကျင်မှု၏ အတိအကျနေရာကို တိကျစွာ မဖော်ပြနိုင်ခဲ့ချေ။ သူမသည် အားနည်းသလို ခံစားရပြီး အစာမစားနိုင် ဖြစ်နေသည်။ အစားစားချင်စိတ် မရှိသည့်အတွက် အာဟာရချို့တဲ့လာခြင်းမှာ သဘာဝပင်ဖြစ်လေသည်။
တစ်ချိန်က တက်ကြွလန်းဆန်းနေခဲ့သော Astina အား ဤသို့နာကျင်နေသည်ကို မြင်သောအခါ အိမ်တော်ရှိ လူတိုင်းမှာ ရင်ကွဲနာကျကြရသည်။
Astina နေမကောင်းကြောင်း ကြားသိရသော Yohan Borneau သည်ပင် အကယ်ဒမီကျောင်းမှ ပြန်လာရန် ကြိုးစားသောအခါ Marquis ထံမှ ဆူပူခြင်းကို ခံခဲ့ရလေသည်။ အကြောင်းရင်းမှာ သူ၏ ညီမလေး မည်မျှပင် နေမကောင်းပါစေ အတန်းပျက်ကွက်ခြင်း မပြုသင့်သောကြောင့် ဖြစ်၏။ Yohan သည် Conler ညီအစ်ကိုများအား စံနမူနာထား၍ မနာခံဘဲ ဆန့်ကျင်ခဲ့သည်။
Marquis Borneau သည် ထိုစကားကို ကြားပြီးနောက်
"အကယ်ဒမီကို ဝင်ခွင့်ရဖို့ လိုအပ်တဲ့ စည်းကမ်းချက်တွေထဲမှာ ညီမလေးကို အရမ်းချစ်တတ်ရမယ်ဆိုတဲ့ အချက်တစ်ခု ပါတယ်ဆိုတာ ရှင်းနေတာပဲ"
ဟု ပြောဆိုကာ ရယ်မောခဲ့သည်။
ပုံမှန်ဆိုလျှင် Astina သည် Marquis ၏ ရယ်စရာ စကားများကို ရယ်မောမိမည် ဖြစ်သော်လည်း ယခုအခါတွင် သူမသည် အပြုံးအတုလေးဖြင့်သာ ဟန်ဆောင်ပြုံးပြနိုင်တော့သည်။
Marchioness သည် သူမ၏ လူမှုအသိုင်းအဝိုင်းအတွင်းမှ တွေ့ဆုံမှု အားလုံးကို ဖျက်သိမ်းကာ Astina ၏ ဘေးတွင် အချိန်ပြည့် ရှိနေခဲ့သည်။ သူမသည် Astina အား ပြုစုစောင့်ရှောက်ခြင်း၌ လုံးဝ နစ်မွန်းနေလေ၏။
Marchioness သည် Astina ၏ ချောမွေ့သော နဖူးပြင်ကို ပွတ်သပ်ရင်း သမီးလေး အမြန်ဆုံး ပြန်လည် နာလန်ထူရန် လိုအပ်ကြောင်း အေးအေးဆေးဆေး ပြောပြနေခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
