Chapter 177
ကုယွမ်ဟာ ကျက်သရေရှိစွာ လှပနေတဲ့ အမျိူးသမီးကို ကြည့်ပြီး ပြောလိုက်တယ်။
“လန်တင်းက ကျွန်မရဲ့ သားအရင်းပါ”
“ဘာပြောလိုက်တယ် ...”
“ကျွန်မတို့ နှစ်ယောက်ကို သေချာကြည့်ကြည့်ပါလား။ ကျွန်မတို့ နှစ်ယောက်က မတူလွန်းဘူးလား”
ဘယ်လိုဖြစ်ပြီး သူမက လန်တင်းရဲ့အမေ ဖြစ်နေရတာလဲ။
ကျင်းချန်ကရော ဘာလို့ သူမကို လက်မထပ်ပဲ ကလေးမွေးထားရတာလဲ။
ဖန်းကွေ့ရူ : “ဘယ်လိုလုပ်ပြီး ဖြစ်နိုင်မှာလဲ။ လန်
တင်းက ဆေးပညာနဲ့…”
ဆက်မပြောရသေးခင်မှာ အသက်အရွယ်ကြီးနေပြီ ဖြစ်တဲ့ ကျက်သရေရှိလှတဲ့ အမျိုးသမီးက ရောက်ချလာတယ်။
သူမ ရောက်လာတော့ ပတ်ဝန်းကျင်က လူတွေ အားလုံးက ဂါရဝပြုနှုတ်ဆက်ကြပါတယ်။
“မင်းက ယွမ်ယွမ်ဖြစ်မယ်ထင်တယ်”
ကုယွမ်အနေနဲ့ သူမက ကျင်းချန်ရဲ့ အမေဖြစ်သူဆိုတာ ခန့်မှန်းမိပြီးသားပါ။
ကုယွမ် (ယဉ်ကျေးစွာ) : “ဟုတ်ပါတယ်။ ကျွန်မက
ကုယွမ်ပါ”
သူမကို ယွမ်ယွမ်လို့ ခေါ်လိုက်တာကို အံ့ဩနေပေ
မယ့် တကယ်တော့ ဟော်မိသားစုဆိုတာ အံ့ဩစရာ
တွေချည်း ပြည့်နှက်နေတာ မဟုတ်လား။
ဟော်ဘွားဘွား : “လန်တင်းလေးက လိမ္မာပေမယ့် ကလေးပဲရှိသေးတော့ သူ့အမေကို အရမ်းခင်တွယ်တာပဲ။ ဒီတော့ သမီးကိုပဲ အပ်ပါတယ်ကွယ်”
သည်စကားပြောတာကို ကြားလိုက်ရတော့ အားလုံး
က အရမ်းအံ့ဩသွားခဲ့ပါတယ်။
ကလေးတစ်ယောက်ကို မွေးဖို့ဆိုတာ ကုယွမ်အတွက် အရမ်းငယ်လွန်းနေပါတယ်။ နောက်ပြီးလန်တင်းရဲ့အသက်ကို တွက်ကြည့်ရင် အဲ့အချိန်တုန်းက ကျင်းချန်တစ်ယောက် နေမကောင်းဖြစ်နေတာပါ။
သည်လိုနဲ့ပဲ သံသယများစွာနဲ့ မွေးနေ့ပါတီပွဲကစတင်ခဲ့တာပေါ့။
ဟော်မိသားစုရဲ့ဦးစီးဖြစ်တဲ့ ဟော်ကျင်းချန် စီစဉ်တဲ့ မွေးနေ့ပွဲဆိုတော့ အရမ်းကို ခမ်းနားကြီးကျယ်လှပါတယ်။ ကိုးလွှာပါတဲ့ ကိတ်မုန့်ကြီး အပေါ်မှာ အမွှေးတိုင် ၉၉၉ တိုင်ကို ထွန်းထားလေရဲ့။
