أشباه الرجال 🫀مكتملة🫀

🫀الجزء 2🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الأول:جرح الروح🫀
°●الجزء: الثاني(2)●°

حليمة(تنهدات بصوت مسموع ): باقا مقلق من جدك؟

ياقوت(هربات عيونها فيها و قالت): لا اخالتي مامقلقاشي و لاافت! ..

حليمة(ناضت من حداها واقفة مابغاتش تحكر عليها بزاف):نمشي نبدال و نحوط العشاء ..

ياقوت حركات ليها رأسها و خرجات من البيت هي رجعات هزات تيليفونها صيفطات ميساج متبعاه لعرارم دميساجات لاخرين لي كانت صيفطاتهم .. من تعابير وجهها باين فيها مقلقة لقات أخير نظرة واش غايطلع ليها اونلاين و بالفعل غير دازت دقيقة طلع ليها اونلاين نقزات بفرحة و دوزات اتصال كاتسناه يجاوبها حتى تفاجأت بلي قطع عليه بلعات ريقها مصدومة عمرو دار ليها هكا .. حتى من ميساجات لقاتهم كاع مشافهم و مجاوبش كاع عليهوم ماعبرهاش بتاتا طفات تيليفون ولاحتو بزعفة و ناضت من تما خرجات لمراح لقات ياقوت شاعلة تلفازة و تيليفون فيديها كاتفرنس  غير بوحدها ..

ياقوت (طفات تلفازة): ماكنتيشي كاتفرج و مخليها محلولة ..

كاع ماسمعاتها راها فعالم اخر بوحدها و عقلها كولو مع التيليفون ..

ياقوت(جلسات حداها ماعندهاش الخاطر و قالت بنداء): نادية !!

نادية خاشية راسها فتيليفون كاتفرنس .. حتى نغزاتها ياقوت عاد وعات ..

نادية(سدات تيليفون مفزوعة و كاتشوف فكاع جوايه بخوف): جدي مااجي؟؟

ياقوت(حركات راسها بنفي و قالت بحزن): لا لا ، بغيت نقولك ماعرفتشي مالو خالد مكايجاوبنيشي فوااتساب ..

نادية(ردات معاهت البال كاتشوف فيها ): عملتيلو شي حاجة؟ اولا تخاصمتو ؟

ياقوت(قلبات شفايفها و قالت): ماعملتلو والو اختي .. كونا مزيونين بحال كاع الناس..

نادية(خدات تيليفونها حلاتو): نتشوف أنا واش يجاوبني ..

صيفطات ليه "سلام خويا لباس" كان باقي اونلاين غير طلع ليه ميساجها جاوبها فبلاصة ..

بلعات ريقها كاتشوف فياقوت و كاترجع تشوف فتيليفون و ياقوت كاتحرك ليها راسها بتساؤول كاتسناها تقول ليها شنو كاين ..

نادية(ورات ليها الكونفيغساسيون ): جاووب !!

ياقوت(ناضت من حداها وتعابيرها جامدين): صافي ..

خرجات لجردة لي كاينة مورا الدار قلبها كايدق بسرعة كبيرة و يديها عرقو باغا تبكي باغا تغوت !! واخا حاجة بسيطة ماتحتاجش لكن ماولفاتش فيه هكا مولفة يجاوبها فبلاصة وفاش مايكونش مسالي كايقولها .. من الصغر و هي باغاه و حتى هو باغيها واقف معاها فالحلو و المر .. هاد المرة صدمها ديال بصاح .. سقطات دمعة حزينة من جفون عينيها صدرها طلع و نزل بخنقة البكاء تخنقات بزاف .. جمعات كولشي فقلبها واخا حاولات تحبس دموعها ولكن ماقدراتش غلبوها بكات حتى شبعات ! .. بكات على الشخص لي بغاه قلبها و من كترة إهتمامه ليها ماتحملاتش أنه مايجاوبهاش نهار كامل فقدات الأمل فالعائلة كاملة من غيره هو و حليمة لي واقفين معاها فأي حاجة .. و كاع سينتا دالمشاكيل لي دازو فحياتها تفكراتهم و بكات عليهوم حتى تهدات !! .. نادية تبعاتها واقفة موراها مالقات ليها جهد عارفاها فاش كادوز و زاد لي وقع ليها على مابيها .. دخلات لدار و خلاتها بوحدها تما جالسة و كاتشوف فنقطة وحدة و شهقات خفاف كايخرجو ليها ..

حسات بشي حاجة قاست رجليها ماعطاتهاش أهمية .. فجأة و بغفلة جاتها لدغة قوية من العقرب لي طلع فوق رجلها ناضت قافزة بحر السم لي خوات فيها كاتغوت بآلم حليمة و نادية سمعو غواتها خرجو مخلوعين ..

ياقوت(طاحت فالأرض شادة رجليعها كولها عرقانة كاتنهج ): خالتي غااانموووووت ..

حليمة(ماعرفات باش تبلات حتى لهضرة تلفات ليها):
شني واااقع .. هضاااار ماااالك يااااقوووت مااالك!!!

ياقوت(نتعات ليها العقرب لي بعد عليهوم لجيهة لباب):
العقرب العقرب !! ..

حليمة ناضت بجرى عفطات عليه عفطة دالأعصاب رجعات عند ياقوت كاتنوضها هي و نادية ..

حليمة: نووض تمشي لمستعجلات نووض اياقوووت!!

نوضوها هي و نادية .. ياقوت عاضة على سنانها كاتبرد الحر حاسة بالموت البطيئ .. مع بغاو يخرجو مع الباب دخل الجد شافها فديك الحالة جا كايجري عندها ..

الجد خيري: شني وقااعلا؟

حليمة(كولها كاترعد بالخوف): لعسا عقرب ..

خيري(جبد نوكيا مدوز اتصال جاوبه فالبلاصة): علال فينااك!! ... جي دابا ... واخا ... ماتعاطالشي ...

قطع عليه وشد ياقوت عندهم جلسها حدا الباب د دار ..

خيري: حاااول ماتنعاسشي !!

ياقوت حركات راسها فيها السخفة و شحفانة باغا تشرب ولكن ماقدراتش تهضر زاد الآلم تزاد حتى بدات تغوت بلا وعي منها حاسة بعروقها بحالا غايتقطعو ..

وقف عليهوم علال بطيويوتا ركبو دغيا .. وهو طاير فطريق باغين يوصلو لمستعجلات دغيا يعتقوها ..!
#🔥🔥