أشباه الرجال 🫀مكتملة🫀

🫀الجزء 112🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 112●° 

حلات عيونها و ناضت بزز كاتحت فعينيها حاسة بصحتها مهلوووكة و عظامها ضارينها من ديك الليلة لي دوزاتها معاه البارح ليلة حمراء ساخنة تواصلو فيها بقلبهم و أجسادهم !! .. دورات عينيها مالقاتوش حداها تنهدات و ناضت شادة جنابها حتا الحركة ماقدراتش عليها تهلكات البارح !! .. خسرات ملامحها فاش تفكرات بالي خاصها دوش و العائلة باينة غاتكون فاقت الا دخلات لدوش غايفهمو كولشي بدا قلبها يضرب كاتبلع فريقها و كاتمشى بطراف صباعها حدا خدات بينوارها و لبساته و جمعات شعرها و طلات من المراية و لقات عنقها كله مطبع بقبلاته ندبات حنوكها و قالت بفقصة ..

ياقوت: .. اواااعدي ايماا شني غانعمل !! ..

دورات وجهها كاتقلب على لاتخوس ديالها حتا لقاتها و جبدات الفوندوتان لي عمرها ستعملاته و البيوتي بلاندر بدات تغطيهم حتى مابقاو كايبانو عاد تنفسات براحة حتا خرجات تاني عينيها فاش تفكرات بلي باقي مادوشات !! .. هزات حوايجها بزعفة و خرجات كاتسلت حتا دخلات لدوش دوشات فيه و لبسات فيه عاد خرجات حالة الباب حتا تصادفات مع ياسمين لس كانت طالعة عندها ..

ياسمين: .. صباح الخير !! فقتي معطلة اليوم ؟ ( .. غمزاتها كاتضحك) .. سهرتي البارح !!

ياقوت( .. كادور فعينيها و كاتمييل فعنقها باش ماتشوفش الطبعة) .. اممم ااه سهرت كانتفراج فواحيد الفيلم !!

ياسمين( .. قشعات عنقها لي مطبع باين و واضح و قالت بطنز ) .. هاد الفيلم الكاليطي ديالو مجهدة .. 1080p  تبارك الله !!

ياقوت( .. خرجات فيها عينيها) .. سيري أختي فحالك ماطنزشي عليا !!

ياسمين( .. طلقات ضحكة) .. نزلي نزلي تفطري !!

مشات لبسات شالها باش مايشوفوش حتا هوما .. نزلات عندهم شهوتها غير ف عمر باغا تصبح عليها بقات غير كاتفكر فيه !! .. تبعات العين ل عائشة لي كاتسول زاينة عليه شافتها ناضن عرفاتها غاديا عنده ..!!! خرجات عائشة لجردة بان ليها واقف و عائشة كاتخطي عنده باغا تهضر معاه بخصوص ماجد لي ديما مصدعها باش يجي لدارهم !! ..

عائشة( .. إبتسمت) .. خويا صونيتلك باش نهضر معاك !!

عُمر( .. حرك رأسه ) .. واشتا ؟

عائشة( .. شابكات يديها كاتبلع فريقها ماعرفات كيفاش تقولها ليه) .. صراحة اخويا هادشي راه يخصني و يخصك حتا نتا حيت خويا !!

عُمر( .. عقد تعابيره) .. هضري واشتا كاين ؟؟ ..

عائشة( .. كاتهرب عينيها باش ماتشوفش فيه حشمات منه هضرات غير بزز حيت خصها تهضر !! ) .. خويا واحد السيد راه حاب يجي يخطبني من عندك !!
..