أشباه الرجال 🫀مكتملة🫀

🫀الجزء 141🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 141●°

طاح الليل و الظلام و هي في غرفتها جالسة تتحفظ و تخرج تمارين تجريبية مستريسية حيت مابقالها والو و تدوز !! .. دخل عندها بعدما تعشى ايما هي تعشت قبل .. جاها من لور وعنقها كايوزع قبلاته على عنقها ..

عمر: .. نوضي ترتاحي ! راكي عيانة بنتيلي ! ..

ياقوت( .. تتضحك عاجبها الحال) .. اممم نوضني تينا !! ..

عمر( .. هزها بين يديه) .. تحفيلي روحك على الكتوبة !! .. تحبي تخصني ولا واش ؟ ..

ياقوت( .. حطها على سرير تتضحك) .. امم لا ! راه مابقالي والو و ندوز داكشي غلاش مقابلة غير الكتوبة .. ( إبتسمت) .. فاش نسالي إمتحانات بغيت نعمل لاصال راه بغيت نضعاف شوفي كيف وليت غليييوضة !! ..

عمر( .. ضحك تيتفحص جسدها بعيونه) .. خليك هكدا مليحة !! .. ( عنقها عنده تيفرق قبلاته على عنقها) .. نحبك هكدا عريضة الضعف ماراهش يجي معاك يبينك صغيرة !! ..

ياقوت( .. ضحكت تتميل عندها ) .. عجبتاك هايدا ؟ ..

عمر( .. إبتسم تيحل ليها صدايف البيجامة) .. فكاع الحالات راكي تعجبيني الياقوت !! .. (غمزها) .. و هكدا مليييحة كتااار !! ..

ياقوت( .. إبتسمت و حيدت الفوقي د البيجامة فاش فتحلها الصدايف ونطقت بغنج) .. واخا الكبيدة مايكون غير خاطرك !!

شادة كريشتها لي كبرت مستريسية غاتموت بالخوف و الخلعة وهي جالسة قدام البيسي تتسنى النتيجة تبان .. جابلها الماء و جلس حداها ..

ياقوت( .. هزت الكاس شربات منه) .. اووف خايفة !! ..

عمر( .. تيدوز يديه على ظهرها) .. ماتهوليش !! ..

ناضت و جلست مشات و جات !! .. بأحر من الجمر تتسنى النتيجة تبان سهرات و حفظت و راجعت باش غير توصل لنقطة لي بغات !! ..

عمر( .. مركز عيونه مع البيسي حتى عيط عليها) .. گعدي !!

ياقوت( .. قلبها ضرب) .. خرجت؟

عمر( .. حرك رأسه بهدوء) .. واه !

ياقوت( .. دغيا مشات جلست حداه تتشوف ملهوفة) .. شحال شحال ؟؟ .. (تتقلب بعيونها حتى بانتلها النقطة و حطت يديها على قلبها) .. 16 !!

عمر( .. حرك رأسه بهدوء) .. واه 16 ! ..

ياقوت( .. شافت فيه بطرف عينيها عاد برد قلبها فاش بانت النتيجة) .. مزيانة 16 ؟ مالها ؟ ..

عمر( .. عنقها عنده) .. درتي مافجهدك هاد يكفي ! ..

ياقوت( .. إبتسمت) .. حمد الله ! خصني نقولا لعائلة ..

الخبار وصلت لعائلة كاملة من صغيرها لكبيرها !! .. كانو تيوجدو لحنينة 8 شهور دياقوت و الفرحة ولا فرحتين .. خرجت لجردة و طلبت من الخدامة تجيب ليها شي حاجة تشربها !! .. هزت تيليفونها و دوزت لكلثوم حتى جاوباتها ..

كلثوم: .. الو ياقوت !!

ياقوت: .. اهلا خالتي لباس عليك ؟

كلثوم: .. بيخير ابنتي ونتي مزيانة ؟ .. كي غادا مع الحمل وراجلك و ناسك مزيانين ؟ ..

ياقوت: .. كولشي بيخير اخالتي ربي يخاليك ليلي .. بغايت غير نقولاك نهار 22 ان شاء الله جي عاندي لوجدة تينا و ياسمين غانعملو حنينة د 8 شهور كونا باغين نعملوها فشهري 7 ولكن ماكتابشي !! ..

كلثوم: .. ان شاء الله ابنتي !! .. شنو عندك بنت ولا ولد ؟ ..

ياقوت( .. إبتسمت وحطت يديها على كريشتها) .. بنت اخالتو !! ..

كلثوم: .. الله يفكك على خير ابنتي !! ..

ياقوت: .. امين اخالتي !! .. دوزيلي ياسمين ..

كلثوم( .. عطات تيليفون لياسمين لي جالسة حداها) .. ياقوت بغات تهضر معاك !! ..

ياسمين( .. شداته عندها) .. الحووب !!

ياقوت( .. إبتسمت) .. الزين ديالي صونيتلك فالصباح مجاوبتيشي ؟ ..

ياسمين( .. ناضت من حدا كلثوم ومشات لصالة) .. خرسلي الشارج !! .. حتى نخرج ونشريه واخا مابغيتش نخرج دابا !! ..

ياقوت: .. اه صافي ان شاء الله احبيبة !! .. نسيت ماقلتلكشي خرجت النتيجة وخديت الباك ديالي بمونسيون الحمد الله !!

ياسمين( .. وسعت عينيها بفرحة) .. ربي ربي !! مبروك عليك احبيبتي تستاهلي والله !! ..

ياقوت: .. تشوكران الحبيبة دقالبي وجي عاندي من غذا ادا قدرتي !! ..

ياسمين( .. تنهدت) .. ان شاء الله لمجيتش غذا نجي بعد غذا !! ..

قطعت عليها وهي تتسمع صوت الزغاريت و الدقايقية برا .. استغربت شكون هادو لي كايعرسو ؟ .. مشات عند كلثوم لقاتها تاطل من السرجم .. تحنات تتهز المخاد لي طاحو فالأرض و قاداتهوم بلاصتهوم ..

ياسمين: .. شكون هادو لي عرسو بلا خبارنا ؟ .. ( مشات بغات تطل من السرجم) ..

كلثوم: .. ولد خيرة حكيم واقيلا خطبتو اليوم !  ..