أشباه الرجال 🫀مكتملة🫀

🫀الجزء 12🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني:إلتئام الجرح🫀
°●الجزء: الثاني عشر (12)●°

كانت الأرض كلها مليئة بالدم و جتث كتيرة كلهم كاتعرفهم ! .. كاتبغي تغوت لكن ماقدراتش الغوات مكيتسمعش ليها و ذاتها ثقيلة  ! .. وجهه كله كحل فقط أسنانه لي كيبانو كيضحك و عامرين بالدم واقف على جثة كايجبدها بيديه كياكلها بلا مايرف ليه الجفن  .. كاتهرب و كاترجع لبلاصتها رجليها ثقال و هو قدامها هاز فاس دالحرث حتى لفوق بكل جهده بغى ينزل عليها لراس ! .. حتى فاجأة  فاقت مفزوعة من هاد الحلم كاتنهج .. لي فكل مرة كاتبغي تحط راسها تنعس و ترتاح كايجيها نفس الحلم يديها كلهم كيترعدو شافت فالمكانة لقات 16:30 عاد فاقت من الكلبة بلي نعسات على الكرسي لي فالكوزينة تكات عليه باغا ترجع أنفاسها .. حتى بدات تشمشم ريحة الحريق عاد تفكرات الكيكة لي دارت فالفران ناضت بزربة عن غفلة عليها حلاته بلا ماطفيه و العافية باقا شاعلة دارت يديها تخرجها حتى غوتات بجهد يديها كاتحرقها ديال بصاح شاداها مزيرة عليها و عينيها كيتغمضو ليها بالحر.. غير سمعات الغوات دخلات عندها بسرعة ..

***(شافت يديها ولا حمرة مشات طفات الفران ):
بلاتي بلاتي نجيب بوماضة الحريق! ..

ياقوت(كاتسوط على يديها مخسرة ملامحها بسبب الآلم): واخا ! ..

مشات ديريكت لطواليط حلات الباب ب و مشات جيهة البلاكار.. حلاته و جبدات بوماضة لقات تما بزاف جبداتهم كاملين و داتهم ليها .. 

ياقوت(عينيها دمعو بالحر ماقدراتش تصبر): فاينا د الحريق؟ ..

***(جراتها من يديها لخرى و جلساتها على الكرسي ): عطيني اديك !

ياقوت عطاتها يديها و بقات كاذهن ليها الحرقة كانت حرقة خايبة بزاااف كاع ايديها شدات فيهوم العافية كلما كادير ليها بوماضة كاتأوه مألمة ديال بصاح .. سالات و ناضت عاودات كيكة اخرى حيت هاديك تحرقات..

***(دورات راسها و شافت فياقوت): صافي غاتمشي اليوم ؟ ..

ياقوت(شافت فيها بحزن ): ايااه .. واخا مجيت بز ماني لكن والفتك والله ..

***(إبتسمت ليه): أنا غانخلي ليك نمرتي و مرة مرة سولي  ! ..

ياقوت(بادلاتها الإبتسامة): ان شاء الله  ..

دارت الكيكة طيب فالفران و جات جلسات حداها كاتشوف فيديها لي محروقة ..

***: باقي كاضرك ..؟

ياقوت(حركات ليها راسها): شويوش هايد بوماضة مزيونة ..!

***(بقات كاتشوف فيها شحال هاد نطقات): ياقوت ! ..
شهريين و نتي معانا هنا ! .. شفتي و قستي كولشي لي دخل هنا عينيه معمية و  وذنيه صمكة .. ماشفتيش! ماسمعتيش! ماعرفتيش ! ..