أشباه الرجال 🫀مكتملة🫀

🫀الجزء 77🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 77●°

بعدات من على الطموبيل و ساست قفطانها .. رجعات الشيفور لي تبسم ليها قبيلة مشى حل الباب لوراني خارجة منه بنت فالعشرينات لابسة تكشيطة و شادة فيد الشخص لي حداها لي كان فالستينات من عمره ماسك فاليد الأخرى عكازه الذهبي و لابس فوقية فالأبيض .. هند غير شافت البنت مشات عندها و سلمان عليها بلابيز ..

هند: .. صوفيا صافا ؟ .. غبور هادا شحال هادي ماشفناك ! ..

صوفيا( .. بإبتسامة) .. صافا اشيغي اتوا ؟ .. ماكنتش فالمغرب ان اونز هادي يالاه نزلت فالصيف و غانرجع تاني ! ..

هند( .. باست يد لي حداها) .. الحاج علي كي بقيتي مع الدياليز ؟ ..

الحاج علي( .. شد يديها و باسها كايشوف فيها) .. نكولو مزيان ابنتي ! .. ( .. حول عينيه لياسمين لي واقفة) ..

ياسمين غير شافته كايشوف فيها بديك النظرة مشات عنده باست يديه و دازت لبنت سلمات عليها ! ..

صوفيا( .. بإعجاب) .. تخي بيل هاد البنيتة ! ..

هند: .. سي لاسوغ دلاماغيي! ..

ياسمين( .. إبتسمت لصوفيا) .. شكرا ليك ! ..

الحاج علي مزاحش عينيه على ياسمين و هي غير شافته عيق عليها بنظراتها قلبات وجهها بنفور .. حتى دخل الحاج هو و صوفيا و هند و ياسمين حتى هوما دخلو لداخل .. لقاو ياقوت شاداها نگافة من يديها و غادا بيها لداخل الڤيلا .. جلسات بلاصتها كادور عينيها حتى جات هند جلسات حداها ..

ياسمين: .. قوليلي شكون هادوك د قبيلة ؟ ..

هند: .. صوفيا و الحاج باها ! .. غير معرفة و صافي ! ..

ياسمين( .. أومات ليها براسها) .. ااه و داك الحاج مابقالو والو و ياكلني بعينيه ! ..

هند( .. ضحكات) .. الحاج علي ! .. عينيه زايغة و كان مزوج بزوج عيالات وحدة ماتت و لاخرى حتى هي ماتت غير داك العام ! .. عندو معاهم ربعة د الولاد و بنت لي هاديك لي شفتي صوفيا ! ..

ياسمين: .. اييه هادوك لي تايكونو بفلوسهم كايعددو و كايعدلو بيناتهوم ! ..

هند: .. وي ! و كان بغا يكون شريك بابا فقيسارية د الذهب لي عندو حيت حتى الحاج علي عندو قايسارية دالذهب و عندو أراضي و أوطيل فالسعيدية ولكن بابا رفض! .. حيت مخلوض و مافيه ثقة ! ..

22:30 PM ليلا

اليوم الموالي و اليوم المنتظر عند الكل ! .. في القصر الملكي للملك في وجدة .. هاد القصر لي تسد هادي سنين ولكن إقامة الملك غالبا ماكاتكون فالعمالة فوجدة و مؤخرا ولاو كايتقامو فيها أعراس ديال أعيان المدينة .. أمام القصر بضبط واقفين طموبيلات مستفين قدام الباب و ضواو شاعلين و لي كارد و الأمن الوطني حدا الباب الكبير لي دخل بسيارته كايعطي بطاقة الدعوة و كايعطي إسمه و كنيته و كايشوف واش مسجل عندهم عاد كايدخل .. بلا الشخصيات المهمة فالبلاد لي منهم الوزراء لي كانت علاقتهم وطيدة بـ عُمر اليازيدي ورؤساء الجماعات و العمال و القياد و الباشاوات و قضاة و و وكلاء الملك و أصحاب مناصب مرموقة كاملين لباو دعوة عُمر و جاو يحضرو لعرس ديالو كاين لي جا حبا فيه و فنزاهتو فالعمل و كاين لي جاي غا فضول ..  فالخارج صحافة من بعيد كايصورو .. ايما فالدخلة دالباب كولشي مجهز و الدخلة حاطين فيها عواصر و حلاوي فالأشكال و الأنواع و الثمر عامر بالكركاع و اللوز .. لداخل عامر بالناس و السرباية غادين جايين كايفرقو فالعواصر و الموناضة و الحلاوي دالشكلاط و الكخيم .. فالبرزة جالسة بعدما ركبات العمارية .. بتكشيطة فالبيض و زيفها فوق راسها بطريقة خاصة لعروسة و مكياجها مكانش معيق بزاف خفيف .. وهو حداها بالكوستيم بلا كرافاط فالكحل مشابكين يديهوم و الناس ناضت تشطح و تفرح بالعرس ! .. مغنيين مشهورين فالمغرب هوما لي حضرو يزهيو العرس !! .. 

العائلة جات كاتصور مع العرسان حتى قرب يتحط العشاء وطلقو موسيقى هادئة و حطو البسطيلة و الشوايات و الديسير و العواصر و الموناضات و الدجاج المحمر و لحم بالبرقوق و زيد عليها البلا د الشلاضة فالأخير حطو الگاطو و أتاي و البلا د الحلاوي ماخطاوش العرس و طبلة دالعائلة بوحدها فالوسط  .. العروسة دوزات تلاتة داللبسات البيضة و الحمر و الأخضر مائي .. الأخيرة لي لبساتها هي لاغوب مستورة تابعينها النگافات لور و عُمر معاها مديرونجي بغا غير يخرج من هاد الهاراج والصداع ! .. وقفوها قدام الطبيلة لي محطوط عليها الورد الحمر و البيض فواحد البوكي و الحلوة البيضة لي فيها 7 دالطبقات و مكتوبة عليها سميتهم بزوج ! ..

و ورقة بيضة مكتوب فيها سميتها فالجنب و سميته هو فالجنب الأخر و الوسط فيه سورة الفاتحة .. سنات فالورقة تحت سميتها و سميته بصبعها بالملون الحمر و بصبعه حتى هو حتى شكلوها على شكل قلب .. و عطاوها الموس و قطعو بيه الحلوة و حطوها فالطبسيل و وكلوها لبعضياتهم تحت هدوء الموسيقى الرومانسية ..

..

وحدة من النگافات همسات ليها فوذنيها تلوح لورد لي فيديها لبنات لي كانو مجموعين و كايتسناو تلوحو ليهوم ! .. ياقوت طلبات من نگافات يهزو معاها لاغوب لي شادة النص د الأرض و مشات نيشان قاصدة ياسمين و عطاتو ليها فيديها ! ..

..