أشباه الرجال 🫀مكتملة🫀

🫀الجزء 59🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 59●°

الزواج! هو مجرد كلمة من حروف بسيطة و عادية .. لكن فالأصل هو نصف حياة الإنسان مع الشخص الثاني لي غاتقضي معاه أيام حياتك بحلوها و مرها! بمشاكيلها بالفرح ديالها .. ربما غادي ينجحو فيه ربما لا ! ..
نصف إبتسامة تبسمها ليها و هي بادلاته نفس الإبتسامة خرج من الصالون بعدما جاه إتصال مفاجئ ! .. وهي مشات لغرفة يبدلو ليها تخرج لحنة دخلات حتى عليهوم زاينة بقفطانها و زيفها فوق راسها و الذهب مزينة بيه يديها و عنقها باللويز .. موراها جوج عيالات لابسين جلالب و فيديهم الباليزات و زاينة طلبات منهم يدخلو لداخل ..

ياقوت(كاتشوف فيهوم): .. هادو نكافات لا ؟

زاينة(بإبتسامة): .. واه هوما ! .. (شافت فالقفطان لي لابسة): .. نوضي تكادي الحالة ! (طلبات من نكافات يجبدو الماتريال): .. الليلة ليلى الحنة .. و السهرة طويلة عنداك يجيك النعاس بحال البارح فاش كنا كانگادو الكعك ..

ياقوت(قبضات تعابيرها): .. و كون غير خالينا الحنة حيتا لعذا ..

زاينة(حركات راسها بالنفي): .. لا اليوم علمنا الناس بلي الحنة كاينة!

ياقوت: .. و زعما يكفينا الوقت لكولتشي ؟ ..

ياسمين( مشى بالها بعيد و دارت إبتسامة ماكرة و نطقت منخفض تسمعها غير هي): .. يقدكوم الوقت تديرو فيه كولشي غير تهناي ! ..

هند سمعاتها بحكم قريبة لحدا ياقوت فهمات قصدها جابت ليها ضحكة ماقدراتش تحبسها طلقاتها !  و ياقوت سمعات ضحكها عاد دورات هضرت ياسمين فراسها و فهمات معناها ..

ياقوت(تحمرو حنيكاتها شداتها الحشمة): .. حرام عليكوم ..

عائشة(سمعات ضحكهم و ضحكات تاهي واخا مافهمات والو): .. مالكوم ؟

ياسمين(جاوبتها كاضحك  ): .. حسن فاش ماسمعتي والو ! ..

زاينة(مخاطبة ياقوت): .. كحزي ابنتي تگادي حالتك ! ..

ياقوت حيدات القفطان لي كانت لابسة و هزات بينوار حريري لبساته و جلسات فالكرسي مقابلة مع المراية وحدة كاتقاد ليها شعرها و وحدة كاتقاد ليها الميكاج شد ليهوم الوقت أكتر من نص ساعة حتى رجعوها أميرة لهاد  الليلة و السر دالعريسات طاح عليها .. عينيها مراقبين المراية كاتشوف فراسها بإعجاب و كاتبتاسم بلا هواها! .. ناضت و عاونوها تلبس قفطان تقليدي مطرز من اليدين و الصدر باللون الأخضر الملكي لي كيرمز بلون الحناء و زادوها أكسيسوارات و تاج فوق راسها زاد زيْن المشيطة لي دارت فشعرها زادت بلغة بيضة مطروزة لرجيلاتها و عيطو على حليمة و كلثوم باش يخرجو العروسة ..
..