أشباه الرجال 🫀مكتملة🫀

🫀الجزء 148🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثالث: وجدان القلب🫀
°●الجزء: 148●°

حطها على السرير تتضحك وتميل فعنقها تيهرها بلحته لي دخلت فيها صباعها تتحكها ليه ..

ياقوت(ضحكت تتمزح) كابرات اللحية و وليتي بو لحية ! (باسته فخده) جات معاك الحبيب دقالبي ..

عمر( ضحك حتى تغمضو عيونه و وشدلها يديها شبكها مع يده و راسه مدخله فعنقها تيوزع قبلاته) .. حابة تهبليني بكلامك ؟

ياقوت(طلعت راسها لفوق تتضحك بشوية) .. هضاار بشوييوش جنى ناعسة ..

عمر( تيدغدها من خدها بلحيته و تيوزع قبلاته) تفيق وتسمع مها واشتا راها تگول على باها !

ياقوت( قلبت عينيه محاولة تحبس ضحكها) ماقوولت والو .. (ميلت عنقها لجنب و طلقت الضحكة لي كانت حابساها) اااي عمر ماتعاضنيشي تمااك ..

عمر(طاح حداها تيضحك حتى سمع صراخها الطفولي وشاف جيهة ياقوت ضاحك ) شوفي معاها دروك ..

ياقوت( ناضت عندها ) قولتلك غاتفيق وأنا يالاه نعستها .. (هزاتها بين يديها و جلست على السرير تتسكتها) فيقناك الحبيبة دقالبي اامم ؟ (كاتراري بيها و تتبوسها و جبدت بزولتها تترضعها باش ترجع تنعس وتتهضر بشوية) صافي الحبيبة دماماها صافي !

ناض من بلاصته و قصد الماريو و حيد الفوقية لي لابس و بدل حوايجه ..

عمر(حيد ساعته من يديه و حطها على الكوافوز و عيونه عليها مشى جلس حداها) فاش ترگد دوزي ترگدي ! (باسها فراسها) عيانة ؟

ياقوت( إبتسمت) شويوش ماشي بزاف ..

عمر( نزل عيونه لصدرها و غمزها تيمزح) النقيطات هادو يشبعو بنتي ؟

ياقوت(وسعت عينيها و ميلت شنيفاتها و خدودها تحمرو وتتهضر مقلقة) ياك ؟ بعدا فاش كاتشدوم مكاطلقومشي .. (عاد وعات شنو قالت و طلعت معاها الحرارة من عنقها لراسها و تلفت ليها الهضرة ) .. ايوا دبا يكبرو و يعجبوك و نبقا نعطيوم غير لجنى نتينا لا والله ماتشوفوم ..

عمر(قهقه كيضحك من كلامها و مسح على وجهه تيحرك رأسه) كيما كانو راهوم يعجبوني بلا زعاف !

ياقوت(تتبلق فعويناتها ) ااممم .. (نزلت عينيها ل جنى لقاتها تتغمض فعويناتها غادي تنعس و هضرت بشوية) عمر !! راها ناعسات ..

عمر( ناض من حداها تيحرك رأسه) دوزي ترگدي ترتاحي !

ناضت فاش غمضت جنى عيونها و نعست تمشات بشوية حتى حطاتها بلاصتها و طفات الضوء خلات غير ضوء الأباجورة و حيدت الكاب ديالها و طلعت على السرير تخشات حداه معنقاه و هو باس راسها و غطاها ..

ياقوت(حطت راسها على صدره تتزيد تخشى فيه كاتحس بالدفئ من قربه)  كانرتاح هايدا وانا معاك ..

عمرك(هز يديه تفرق عليها قبلاته) هاد لي راني حاب تولي مرتاحة و مهنيا مع روحك

دخلت لصالون لقاتهم جالسين تايهضرو بيناتهوم مشات جلست حداهوم ..

زاينة( موجهة كلامها لعائشة) مايبقاش فيك الحال ا عائشة ! .. مزالني نزيد نهضر مع ياقوت ..

عائشة(عقدت تعابيرها) كربتو ليها الشان بزاف حتى ولا يحسابلها ماعرفتها كاع شكون هي !

زاينة( تنهدت) يهديكوم الله هادشي لي نگول حالكوم ماراهش يعجب .. و خوك خليه بعيد ماراهش مسالي لخصايل هادو ..

عائشة(تتشوف فيها بلا ماترمش) : فاش كايكون منها الموشكيل تتگولو خويا عمر مايتدخلش ! وفاش تيولي مني تتگولو لازم عمر يتدخل ..

الحاجة فاطمة(ضربت بعكازها) الموشكيل منكوم بجوج! وحدة برهوشة و لوخرا كتر منها ..

عائشة(ميقت فيها) دروك أنا برهوشة ؟

الحاجة فاطمة: الكدوب عالله حرام ! تتديرو شي فعايل غا ديال لي يشدكوم و يسد عليكوم فشي بيت ..

عائشة( معاجبها حال) أنا لي سبقتها لدار هادي ماشي هي !

زاينة( تتشوف وتسمع تتحرك راسها بلا حول ولا قوة إلا بالله) الصمت ..

الحاجة فاطمة( طلعت حجبانها بجوج) و حتى نتي كاتزيدي فيه بعد المرات لايحسابليك ماعقت بيك !

عائشة(هزت كتافها) خليني ساكتة خيرلي !

زاينة( ناضت) روحي ابنتي ترگدي روحي .. !

عائشة(قالبة وجهها) مافياش !

  ...

وسط المستشفى جالسة تترقبها و الدموع فعينيها ! بنتها الوحيدة دخلت فغيبوبة ماعرفت شحال غاتبقى مزال واش شهر شهريين ولا أكثر ! .. الخوف تربع وسطها خايفة لاتفقدها و خايفة تفني شبابها تحت التراب ! .. تحل الباب و فاش شافته داخل هو ز حسين إبتسمت من نهار عرف بيلي وقع وهو معاهوم ماخلاهومش !

طاهر( بادلها الإبتسامة) شوية الالة كلثوم ؟

كلثوم(حركت راسها) حمد الله على كل حال اولدي .. !

طاهر(جلس فالكرسي لي حداها وعينيه مشاو ليها هي لي ناعسة فوق البياص و حسين وقف حداه) مزال غاتفيق ان شاء الله .. تفائلي بالخير ..

كلثوم: أملي فالله اولدي ..

طاهر(جمع يديه مع بعض) سي عمر مباغيش مرتو تعرف شنو وقع .. و يلا جات العائلة غاتقشع لي كاين ! ..

كلثوم: ماشي موشكيل اولدي ! أنا براسي مابغيتش ياقوت تعرف واخا ماكرهتش كون كنت معاها فهاد اليامات ولكن قدر الله و مشاء فعل !.. (دورت عينيها) ان شاء الله تفيق و تولي مزيانة و نمشيو عند العائلة !

طاهر(حرك راسه تيتبسم) ان شاء الله !