أشباه الرجال 🫀مكتملة🫀

🫀الجزء 11🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الأول:جرح الروح🫀
°●الجزء: الحادي عشر (11)●°

🔚🔚🔚🔚🔚🔚

خلاتها حليمة حتى شبعات بكاء مزيااان و خرجات لي فقلبها شافتها إلى زادت فبكاها ايجيها شي انهيار و غاتجيبها فصحتها ..

حليمة(كاتمسح ليها وجهها): صافي ماتبكيشي على والو .. (بقات ساهية بعيد و قالت متذكرة واحد الحاجة) .. ماعرفتشي شني غانقول لكن بنتا د هاديك العايلة ليلة عورسا عملولا السم فالكحول و تعماولا عيونا ! ..

ياقوت(وجهها حمر بالبكا و عروق عينيها برزو):
تينا اخالتو ديما تاتقولي عومرك تضحاك على مشاكيل بنادم هي هاضرات في ماما و فييا و راجعات لينا كولتشي .. (تنهدات بعدم راحة وكلملات كلامها) .. مغانسمحشي ليهوم .. خيري و هايديك لي تزواج بيها بغايت ربي مايرحماشي فهايد نهار .. (فكل مرة كاطيح دمعة من عينيها كاتعبر على كاع الآلم لي عاشته) .. فدايك ليلة كونت مريطة و كانتحراق بالسخانة و خالوني ماليوحة تما ماقدروشي يعاملو لي والو ..

حليمة:ماتقولشي هايدا العايلة منوم لي خلقوم .. ماوصالتشي عانداك حتى كونت غانحماق كونت عارفوم مغايديوهاشي فيك ..

ياقوت(من كترة البكاء لي بكاته طاح عليها العيى):
دبا بغايت غير نعاس اخالتو ..

حليمة(شافت ساعة لقات يالاه ضربات 2 دنهار):
دير القيلولة ورتاح ليك .. و ماتعصبشي راسك ..

قاداتها بلاصتها و غطاتها .. سدات الشرجم ماتخسرش ليها الشمس نعاسها .. يالاه بدات كاتغرق فنومها حتى سمعات تيليفونها كايصوني حلات عينيها و جبداته من تحت المخدة .. لقات خالد هو لي كيصوني عليها جاوباته فالحين ..

ياقوت(صوتها باح كاع البكا لي بكاته قضى ليها على جهدها): آلو خالد ..!

خالد: آلو! شفتي تصاور لي صيفط ليك البارح حدا لاتوريفيل ! ..

ياقوت(تذكرات تصاور لي صيفط ليها و خلات ليه فيهوم vu): ااه شفتوم علاش ؟ ..

خالد(حنحن و قال بإفتخار): تما فين عايش أنا دابا ! .. كون ما نتي كاع مانحط رجلي فالماغوك ..

ياقوت(عصباتها هضرته لكن مافيها لي يتجادل معاه):
ماتوحشتيشي يماك ؟ ..

خالد(بدل بيها الموضوع ): الموهيم ! .. الخطبة غاتدار فاش نجي ! .. و غاتبقاي مع الواليدة حتى نجي المرة دو و نديرو العقد ! ..

ياقوت(بلعات ريقها و قالت): مغاتدينشي معاك لفرنسا ؟

خالد: مانظنش ! .. غايتعطلو الوراق و هادشي بعدا ادا خرجو .. Mais ماتخافيش دابا ماشي بحال قبل ادا كاع طولت فلافرونس شي 5 mois و نجي نطل عليك ! ..

ياقوت(تصدمات فيه دبصاح ماتوقاتهش يدير ليها هكا): خالد واش تينا من نيتاك كاتهضار ؟

خالد(شاف نبرة صوتها تبدلات و قال و هو كايتبتها):
كانضحك معاك كانضحك معاك هههههه! .. (بغا يبدل ليها الموضوع و هو لي فراسه فراسه): .. مافراسكش ! .. عماد صاحبي جا عندي ف Le vacances !! ..

ياقوت(بغات غير تقطع معاه مؤخرا هضرته ولات كاتستافزها): لا مافراسيشي مين انعرف ! نخاليك عاندي مانعمال الخوطبة مابقالا والو نشوفاك فاش دجي بسلامة..

قطعات عليها و طفات تيليفون رجعات كملات نعاسها و قلبها مضيق عليها و نعاسها مامرتاحاش فيه كااع و فكل مرة كاتخرج تنهيدة حارة من أعماقها ..

مر أسبوع كله فتوجاد ليوم الخطبة ماتهناو حتى وصل كانت سيمانة مكفياهمش بزااف لكن لقاو راسهم غير تعذبو النص دالناس لي عرضو عليهوم مجاوش و العائلة حتى هي ماعتباتش عندهم ملي سمعو بلي الخطبة ديال ياقوت ! .. جيرانهم قليل منهم لي جا و الباقي كانت عائلة راجل حليمة رغم أنه متوفي لكن مانساوش الفضل بيناتهوم .. !

كانت ياقوت جالسة بقفطنها الجوهرة و مكياج خفيف صاوباته ليها نادية و سرحات ليها شعرها خلاته مطلوق جات كاتفتن واخا ضعفوها قوة المشكايل لكن هادشي مكافيش يغطي ليها على جمالها .. كاتنفخ على يديها لي فيهوم الحناء كان قريب ينشف و الموسيقى مطلوقة .. كاتشوف فالبنات قلال بزااف لكن هي فرحوها غير فاش جاو هادو على الأقل .. ورقات نادية جايا عندهلا لابسة العباية مستغربة علاش حيدات ققطانها ..

نادية(تحنات عند ياقوت و همسات ليها): ياقوت! إدا ساولاتك عليا ماما قولا مشايت نتسخار صافي ؟ ..

ياقوت: علاش تينا فاين ماشا؟ ..

نادية: نتشوف عماد ونرجااع فالحين !..

ياقوت(ياقوت ماسمعاتهاش مزيان بحكم الموسيقى لكن فرزات اسم عماد و فهماتها وقالت بصوت مجهد باش تسمعها): جلاس قالاااك را خالد ايوصال دبا !!

نادية مداتهاش فيها و مشات خرجات ياقوت غير كاتشوف فيها عرفاتها غادير لي فراسها خلاتها على خاطر خاطرها و جلسات فرحانة كاتشطح بكتافها حتى جات عندها النقاشة ..

النقاشة(جلسات فالبلاصة لي حداها): نمسح ليك  الحنة غاتكون نشفات .. ؟

ياقوت(قاستها بصبعها لقاتها نيت ناشفة): ماسحيها أختي !

مسحات ليها الحناء بقطن و دهناتها ليها بماء الورد و الزيت البلدية باش نيت تشد فيها مزيان .. ناضو البنات كيشطحو فرحانين لخطوبة لي تقامت كبيرة لي ماعرفهاش خطبة غايطيح فراسه بلي هاديك ليلة الحناء .. شافت فحليمة لي جايا كاضحك ليها مقادة حالتها و لابسة قفطانها السامبل و مكحلة عويناتها و مسوكة فمها كاضحك فرحانة هازة فيديها تيليفون ياقوت مداته ليها و قالت ليها فوذنها ..

حليمة: خالد شحال و هوا كييصوني لك ..

ياقوت(ابتسمت ليها و شدات عندها تيليفون ): و ناضت من بلاصتها خرجات برا بعيدة على صداع و دوزات رقمه جاوبها نيت فبلاصة ..

ياقوت: فاين وصلاتي ؟ ..

خالد: هاني جاي دابا .. غاندوز واحد الأمانة ل عماد و هاني جاي ..

ياقوت غير سمعات سمية عماد قلبها طاح بين رجليها تفكرات نادية لي مشات عنده ! .. الصدمة سرطات ليها لسانها و خدات تيليفون لقاتو قطع عليها و رجعات صونات ليه لكن الصدمة الكبيرة هي لقات راسها الصولد مابقاش عندها ! .. صونات ليه فواتساب لكن مكانش فيه عيات تصوني و والو .. خرجات من الدار بزربة خلات كولشي وراها حتى صندالتها مالبساتهاش و شعرها ماغطاتوش مابقا كيبان ليها والو فهاد اللحظة من غير نادية ! ..

#نهاية_الفصل_الأول❤🍷