أشباه الرجال 🫀مكتملة🫀

🫀الجزء 68🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 68●°

ياقوت جلسات حداها كاتبلع فريقها ندمات لي صونات ليه أصلا! .. كلثوم شادة حنكها و كاتولول ندمات لي خلاتها تخرج مابغاتش تشوه مع الناس و هي عارفة بنتها كي دايرا ! ..

ياقوت( .. كاتهدن فيها) .. صافي اخالتي صافي !!  ..

كلثوم( .. حطات يديها على راسها كادور فيه) .. رجعي صوني ليها ا ياقووت !! ..

ياقوت( .. حلات تيليفونها صيفطات ليها ميساج تجي) .. صافي اخالتي سردتلها ميساج ..

كلثوم( .. مفقوصة و مغددة على بنتها) .. هاااويلي هاد البنت غاتخرج ليا عقلي !! .. غاتصيفطني لقبر بالفقااايص !! ..

ياقوت .. ( عضات شنايفها) .. وا صافي اخالتي صافي !! ..  هاهي ماجا دبا .. ( .. صونا تيليفونها هزاته بزربة يحسابلها ياسمين حتى لقاته عُمر ناضت و فتحات الخط مجاوباه) .. آآلو ! .. ( .. عينيها على كلثوم) .. واخا هاني ماجا دبا ! .. ( .. قطعات عليه و مشات نوضات كلثوم) .. نوض اخالتو .. ياسمين ماجا دبا ماتقلقشي عليها ..

كلثوم( .. ناضت معاها مزيرة على سنانها بالفقصة) .. الله يهديها ابنتي الله يهديها هادشي لي نقول !! .. ( .. خرجو من البيت) .. الجهد مابقاش عندي عييت نخاصم و نهضر !! ..

ياقوت( .. تنهدات و داتها معاها لصالون) .. تينا رتاح اخالتو ماتزيدشي تفقص راسك !! .. ( .. باست راسها) .. أنا ماشا نتشوف عُمر عيطلي!!

خرجات و خلاتها طلات على الميساج لي صيفطات لياسمين فالواتساب لقاتها مشافتوش .. تنهدات بلا خاطر و خرجات عند عُمر لبلاصة لي قال ليها تجي ليها .. خرجات من الباب لوراني د الجردة الشمس غربات و السماء غاديا و كاتضلام و الضوء د البوطوات باقي ماشعلو .. شعلات البيل دتيلفونها و دازت من الطريق لي تما حتى بان ليها الضوء د الطموبيل دياله واقفة بعيد زربات فخطواتها حتى ورقاته متكي على الطموبيل ..

عُمر( .. شافها جايا إبتسم ليها و قاد الوقفة مد ليها يديه) .. كحزي عندي كحزي ! ..

ياقوت( .. طفات البيل و شافت يديه ممدودة شدات فيها مابغاتش تخليها معلقة و جاوباته) .. علاش عيطيلي ؟ ..

عُمر( .. جبدها عنده حتى جات فحضنها دور يديه عليها معنقها) .. مزالك زعفانة ياجدك ؟؟ ..

ياقوت( .. هزات راسها فيه و جاوباته بالعكس ) .. لا مكنتقلقشي !! ..

إبتسم ليها عارفاها باقا هازة من جيهتو و باقي مابردات .. طبع قبلة على خدودها بجوج و جرها معاه حل الباب لوراني د طموبيل و هي ساكتة و كاتشوف حتى خرج باك على شكل قلب فاللون الأحمر من .. عقدات تعابيرها كاتشوف حتى مدها ليها تحلها شداتها عنده باغا تشوف و تعرغ شنو فيها لداخل حتى حلاتها بزربة و هو متبع ليها العين بإبتسامة على وجهه .. بانو ليها وريدات فالألوان و الشكلاط فالجناب و بواطة متوسطة فالحجم فالوسط ديال الباك .. هزات وحدة من الشكلاطات لي تما دارتها في فمها كاتبنن ..