أشباه الرجال 🫀مكتملة🫀

🫀الجزء 152🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثالث: وجدان القلب🫀
°●الجزء: 152●°

ضحكو و نشطو و فوجو العائلة بيناتهم .. ياقوت طول الوقت مافرقتش ياسمين جالسة معاها حتى سالى السبوع و مشاو الناس و توادعو وهي و ياها جالسين فالبيت تيتدحتو على الواقعة لي طراتلها عاودات ليها ياسمين من طقطق حتى السلام عليكم ..

ياقوت(تنهدت) حمد الله بقايتي حية و ان شاء الله مزال تزيد دبرا ..

ياسمين( إبتسمت) ان شاء الله احبيبة !

ياقوت(ناضت) نوض تنعاس ترتاح ..

ياسمين( ناضت معاها) ولاهيلا عيااانة النيت ..

خرجو من الصالون و فطريقهم تصادفو مع طاهر كان يالاه نازل من لفوق و عينيه مشاو لياسمين ..

طاهر(حنحن) احم ياسمين !

ياقوت( حابسة إبتسامتها و مشات خلاتهم واقفين ..)

ياسمين(تتدور فعينيها) وي طاهر ؟ ..

طاهر ( حك شعر رأسه تيتبسم) تسالي غذا تخرجي معايا ؟ ..

ياسمين( إبتسمت بخحل) وي طاهر مسالية !

طاهر(مدلها تيليفونه ويديه فراسه حشمان) خليلي نمرتك !

ياسمين(شداته بيد وحدة و قداتها و رجعاتو ليه) احم صافي قديتها !

حرك راسه تيتبسم و مشات طلعت وهو متبع ليها العين حتى غبرات ..

طاهر كان بغى من قلبه ولكن ماشي ديما لي تنبغيوه تيكون لينا ! .. عمره ظن يتعجب بياسمين ولا حتى طاحتلو فبالو ولكن الحاجة دخلت الفكرة لراسه و شاف لجيهتها و الأهم عنده هو تكون كيما بغا هو ويكون هو كيما بغات هي .. أحسن حاجة دارها هي قرر يخرج معاها ويهضرو و يتفاهمو بيناتهم باش يدوزو لمرحلة المهمة ولي هي الزواج ! ..

طلعت ياسمين لفوق نيشان عند ياقوت تتقلب عليها كانت جالسة هي و عمر و حسين دخلت عندهم و لاحت السلام و جلست حدا حسين ..

عمر(ناض باغي يخلي الخوت بيناتهم وعينيه على ياقوت غمرها) .. تسالي و لحگي عليا !

ياقوت(حركت راسها) واخا !

خرج وخلى الخوت بيناتهم و غير دقايق معدودة باش خرج دخلت عندهم كلثوم و جلست معاهم ..

حسين(مسح على وجهه باغي يهضر معاهوم) الواليدة !

كلثوم(إبتسمت) نعام اولدي !

حسين(إبتسم) كنت قلت ليك بلي تنعرف وحدة فتيطوان و باها خدام حدايا عندو المحل !

كلثوم: اه اولدي قلتيها !

حسين(حك لحيته ) بغيتك تخطبيلي بنتو !

كلثوم(فرحت) ان شاء الله اولدي علاش لا !

ياقوت(إبتسمت) الله يسخرليك اخاي