أشباه الرجال 🫀مكتملة🫀

🫀الجزء 101🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 101●°

بعد عليها عاقد حجبانه و هي حاولات تخبي ثوترها منه و قلبات عينيها للحنية باش مايخاصمش عليها ! حيت عدوه لي يخلي صلاته و مايصليهاش هي لولة مزير معاهم كاملين فهاد النحية بضبظ و هادشي كايبقا لمصلاحتهم فقط و أحسن حاجة ممكن يزير عليها بنادم عائلته هي الصلاة ! ..

عُمر( .. سرح تعابيره فاش شاف نظراتها ليه ابتلع ريقه متحكم فنفسه بزز منه وهو خاضع لنظراتها و حركاتها ) .. توضاي و فوتي تصلي صلاتك ! .. (جبدها عندها حتى جات فحضنه و باسها فوق راسها) .. ماتگطعيهاش ! و العگز گلعيه دروك تولفيها و تشدي طريگها ! ..

ياقوت( .. طبعات قبلة على خده و إبتسمت) .. واخا الحبيب دقالبي مايكون غير خاطرك!!

جمعات شعرها لي كانت طالقاه بالمقبط توضات و هو سالا الدوش دياله و دور الفوطة على نصه و الفوطة الثانية كاينشف بيها شعره .. خرجو بجوج و هي دخلات لدريسينك تبعها خدا حوايجه و مرة مرة يلوح ليها هضرة تخليها ذوب و تضحك لبسات العباية ديالها و الشال و مشات صلات صلاتها سالات وبدلات بالبيجامة ديالها لي واصلة حد الفخض متعمدة تلبس هاد نوع دالباس بقربه .. لقاته متكي على السرير و شاعل البلازمة لي معلقة فالحيط كايتفرج طفات الضوء و شعلات الأضواء الخفيفة و اختارت اللون البنفسجي لي كايعجبها و مشات دخلات حداه و تغطات مخشية فيها ..

ياقوت( .. كاضحك) الله على راحة ! .. ( أصابع يديها كايداعبو لحيته ) .. عُمر قولي واش مغانمشيوشي لدارنا ؟ ..

عُمر( .. زيرها عندها و نقص صوت التلفازة كايشوف فيها) .. قيساش بغيتي نمشيولها ؟

ياقوت( .. قلبات شنايفها) .. ماعرفتشي شوف نتينا ايمتا ! ( .. حطات راسها على صدره) ماكرهتشي نمشيو من غدا والله !

عُمر( .. باسها من فوق شعرها) .. مزالها ماتفرشت الياقوت! اختاري الفراش و الديكور على ذوقك بعدا !

ياقوت: .. واخا أنا نختار كولتشي ! ( طلعات فيه عينيها) .. المهم نكون بوحديتنا فدار وحدة ! (إبتسمت) .. و نطيبلك فاش دجي من الخدمة !

عُمر( .. ضحك) .. علاه قيساش عرفتي طيبي ؟

ياقوت ( .. قلبات فمها) .. عادي نتعلملو على قبلك !

عُمر( .. هز يديها باسها) فايتلي گلتلك يديك هادو ماتخلاقوش لتمارة !

ياقوت: .. أنا مابغيتشي خدامة دكون عاندي فداري ا عُمر ! بغايت نعمل كولشي راسي بغايت نجراب حتا يانا نديها فداري و نعمل لراجي ماياكل .. و اصلا مغايكونشي الشقا بدزااف غانكونو غير بوحديتنا فالدار و الماكلة غادكون على قدنا و لامشين كاينة دغسل الماعن و فاش نبغي نقي الدار كاملة غانجيب فام دميناج و تجمعهالي و تمشي ولكن مابغيتشي وحدة تبقا معايا ديما !