أشباه الرجال 🫀مكتملة🫀

🫀الجزء 47🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: ثلاتة و تسعون (47)●°

عطاتها الدواء بزز باش شرباته ! .. كانت السخانة باقا شادة فيها ماتحركات من بلاصتها حتى طلعو مصرانها كاترد الدواء لي شربانه و الصفورية لأنه ماكلات والو و معدتها خاوية .. دازو ساعات و ساعات و كلثوم كاتجي طل عليها ماصحصحات إلى على صوت أذن المغرب بدات تحل فعينيها بشوية بشوية و ناضت بلاصتها كلها عرقانة و تنفسها ثقيل ! .. مع بغات تنزل من الناموسية حتى دخلات كلثوم ..

كلثوم(مشات شداتها معاوناها): .. كي بقيتي شوية ؟ ..

ياقوت(بزز باش قدرات تهضر فيها السحفة و صوتها مبحبح): .. امم شوية ! .. بغايت غير نغسال وجهي ..

كلثوم(عاوناتها حتى خرجو من البيت دخلاتها لطواليت و حلات الروبيني كاتغسل ليها وجهها): .. خلعتيني عليك ابنتي ! .. (مسحات ليها وجها بالفوطة و رجعاتها لبيت قادات ليها بلاصتها) .. فيك الجوع؟

ياقوت(حركات ليها راسها بالنفي و خدودها حمرين و عينيها ناعسين ردات عليها بنبرة خافتة ): .. لا مافياشي دجوع ..

كلثوم(جمعات ليها شعرها لفوق ): .. كولي شي حاجة ابنتي ماتخليش كرشك خاوية ..

ياقوت(تكات مغمضة عينيها مدكدكة): .. ماشي دبا اخالتو ..

كلثوم(دوزات يديها على شعرها بحنان و قالت بإبتسامة): .. فخبارك جدك بغاك ترجعس لعندو ؟ ..

ياقوت(حلات عينيها بزربة): .. اواعدي ؟

كلثوم(إبتسمت ليها): .. غايجيو غذا يخطبوك من عندو .. (بأسف) .. رجليه مريضة مقادرش يتمشى بيها ..

ياقوت(قلبها بدا يفقد دقاته البطيئة و تسارعو بخوف): .. جدو ؟؟ .. (بلعات ريقها) .. شني وقاعلو ؟

كلثوم: .. ماعرفتش ابنتي ! .. (كطمأنها) .. ماتخافيش غايولي بيخير .. اليوم راه انمشيو معاك حتى دوز ابنتي خطبتك خاص العائلة تحضر ..

ياقوت(إبتسمت ليها بلا خاطر): .. ان شاء الله اخالتو .. نهضار مع خالتو زاينة نقولا بالي أنا موافقة .. (كاتقلب على تيليفونها) .. فاينو البورطابل ؟

كلثوم(جبداته من الكوافوز لي حداها): .. كنت حطيتو هنا ..

ياقوت(دارت الكود و دخلات جيهة لإتصالات دوزات رقمها حتى جاوباتها ): .. آلو خالتو زاينة ..

زاينة(شافت صوتها ماشي هو هداك): .. كي راك ابنتي .. مالو صوتك هك .. واش مريضة؟

ياقوت(حاسة بالمرورة فحلقها بدات تكح حتى نزلات و ردات عليها): .. ااه اخالتو كونت مريطة ولكن دبا حمد الله .. (إبتسمت بخجل) .. خالتو أنا مانلقاشي أحسن مانكوم ..

زاينة: على سلامتك ابنتي ! .. (بإبتسامة عريضة) .. و حتى حنا مانلگاوش خير منك !

توادعو وقطعو الإتصال و على وجها إبتسامة خفيفة .. شافت فكلثوم و نطقات بحيرة ..

ياقوت: غايدجيو غذا .. و حنا باقي ماوجدنالوم والو .. شني نحطولوم و شني نعاملو لعشا ؟ ..

كلثوم(جلسات حداها كاتفكر): .. نديرو شي عشاء خفيف ! .. نتقداو قبل مانمشيو .. (شافت فالساعة لي فالمكانة) .. يالاه 19:30 هادي .. حسن شوية و يجي نتقداو فالطريق ! ..

ياقوت(ناضت من بلاصتها كاتنهد و خاطرها مزيرة): .. ماعرفتشي كيفاش نتشوف جدو و بدزاف د المشاكيل واقعو قبال ..

كلثوم(بإطمئنان): .. عادي ابنتي ! المشاكيل كيوقعو نتي نساي لي قبل و فكري فلي جاي ابنتي ..

ياقوت(حركات ليها راسها): .. داكشي لي نعمل (بتساؤول) .. فاينيا ياسمين ؟ ..

كلثوم(كاتجمع الفراش): .. مشات تجيب قفطانها خلاتو لوحدة تلت شهور هادي مارجعاتو ! ..

ياقوت(خدات حوايجها لي باقين فالصاك حطاتهم على السرير): .. اواعدي هايديك عملاتو ديالا .. (بإبتسامة عريضة و عيون لامعة فاش تذكرات حاجة) .. خالتو غذا غانعمال واحد و عشرين عام (21) ..

كلثوم(حطات لي فيديها و شافت فيها بذهول): .. بصاح ؟ .. (بإبتسامة لطيفة) .. صدفة زوينة جا عيد ميلادك مع خطبتك .. (بمزح) .. الناس كاتكبر مع عمرها و نتي كاتصغاري ..

ياقوت(لبسات حوايجها و جلسات على الناموسية تاتشوف فيها و فاش سمعات كلامها الأخير غوبشات): .. لا اخالتو غير كانبان هايدا ..

كلثوم(كاضحك): .. بينك و بين ياسمين شهرايين .. حسين هو كبير عندو 24 عام ! .. (حركات ليها يديها) .. غانوض نلبس عليا دابا يوقف علينا حسن شكون يسكتو علينا ! .. (حلات عليهوم ياسمين هازة ميكة فيديها دخلات ولاحتها على الناموسية و تلاحت فوقها) ..

ياسمين(كاترد النفس): .. اوووووف ! شحفاتني (شافت ف كلثوم) .. حلفات ماتردو ليا .. (خرجات عينيها) .. قلت لها تجيبي ليا زمري ولا نجمع عليك عيباد الله .. (هزات الميكة خرجات منها القفطان كان جوهرة فالأبيض كاتوريه ليها كله مكمش) .. بحالا خاشياه فالوسادة ("بنت القحبا " .. فخاطرها مكتبغيش تسب قدام كلثوم)!!

كلثوم(قليات وجهها): .. مرة أخرى بقاي تفرقي حوايجك على العيباد ! .. لي دازت من حدايا فالدرب نلقاها لابسة نص د شراوطك ..

ياسمين(كاتدور فالقفطان): .. غانصلحو و نرجعو كي كان .. (شافت في ياقوت) .. تلبسيه غذا ؟ .. (كمشات عيونها) .. أولا تلبسي غا شي بيجامة خفيفة حسن!

ياقوت(حركات ليها رأسها): .. اه هي أحسنلي .. هايدي غير خوطبة عادية ..

ياسمين(جمعاتو و خشاتو فالميكة): .. أنا نيت نلبس بيجامتي .. تبغي شي كندورة ؟ ..(كاتوصفها ليها) .. دايرة نيت بحال بيجامة ولكن هادي حسن من البيجامة ..

ياقوت: نشوفا كيف عاملة ؟ ..

ناضت من بلاصتها هزات الكرسي طلعات عليها اونفاص مع الماريو مضاربة مع الباليزة لي فوقه تجبدها حتى نزلاتها شداتها كلثوم و حلاتها ..

ياسمين(نزلات على الكرسي): .. اجي تشوفيها ! (جبداتها من الوسط دايرة بحال الفراشة و كانت سامبل فالبلو سايل و رشمة جيهة الصدر خفيفة فلكحل ) .. كي جاتك ؟

ياقوت(إبتسمت ليها): .. مزيونة .. (شداتها عندها) .. تشوكران احبيبة أنا نلبسا غذا ..

#يتبع ..