أشباه الرجال 🫀مكتملة🫀

🫀الجزء 139🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 139●°

بلباسه الرسمي و ساعته اليدوية فيديه مأنق حالته لحفلة د اليوم ! .. هز تيليفونه طل على الكروب د القراية لي داره لتلاميذه الكل تايهضر على حفل التكريم لي غايتدار اليوم فالجامعة للأساتيذة المتقاعدين ومنهم الاستاذ مصطفى السعيدي ! .. طاهر قرا عنده و معزته كبيرة عندو .. خرج من الدار و ركب سيارته و أوراقه بين يديه حتى دوز رقم صديقه فالخدمة ! ..

طاهر( .. إبتسم ) .. وصلتي ؟ ..

- وي راني دخلت فينك نتا ؟ ..

طاهر: .. راني فالطريق دابا قربت ! ..

- توصل صونيلي !

طاهر( .. حرك رأسه) .. ان شاء الله ..

قطع عليه و كمل طريقه للجامعة حتى دخل بسيارته و بلاصة فالبارك لي فيه سيارات لأساتيذة دوز رقم صديقه يخبره بلي وصل و مدازت حتى مدة طويلة حتى وقف عليه و سلم عليه ! ..

طاهر( .. الإبتسامة على وجهه) .. سبقتيني ! ..

يحيى( .. ضحك من كلامه) .. جييت بكري (طلع يديه لفوق) .. مكاين مايدار هاد النهار صبحت عليهوم هههه !! ..

دخلو لوسط الجامعة لي تتقام فيها الحفلة موجيدن كولشي و منظمين ديك القاعة لي كانت عامرة بالحاضرين ! .. بدا الحفل و دازو جوج أساتيذة و كرموهوم .. حتى ناض طاهر من مكانه و طلع للمنصة يقدم التكريم للأستاذ مصطفى السعيدي ! ..
   .. جرب البوق و حنحن و الصمت عم المكان يركزو معاه و مع كلامه حتى بدا يلقي كلماته بالعربية الفصحى بكل أريحة و نبرة هادئة و جدية كبيرة فملامحه : ..
.. بسم الله الرحمان الرحيم والصلاة على أكرم خلقه محمد بن عبد الله صلى الله عليه وسلم  .. وبعد ذلك قيل منذ القدم " من علمني حرفا صرت له عبدا " .. مسؤولية المعلم و جهوده لا تتوقف لإزالة الظلمة للعقل و إلقاء الضوء عليها بنور المعرفة فقط ... ! إنه مستشار أولئك الذين يخطئون ! ... و الصديق الذي يخشى ان يضيع أبناؤه و الأخ الأكبر الذي يفعل كل ما في وسعه لمساعدة الجميع .. مساعدتهم حتى لا تعبر كلمات اليوم عن مستوى الإمتنان .. ! ( ظهرت إبتسامة على شنايفه) .. كل تلك الكلمات تصدر من القلب و الروح و العز وكل التقدير إلى الأستاذ مصطفى السعيدي حفظه الله ورعاه ! ..

.. الكل بدا يصفق و منهم هي ! مركزة معاه هو أكتر من هضرته حتى نغزاتها صاحبتها لي جالسة حداها ..

- هممم تتضحكي حيت كرم باباك ولا .. (غمزاتها) .. حيت عاجبك !! ..

-(ضحكت بخجل و عيونها تترقبه بإعجاب) .. الله يحفظه ! ( إبتسمت حتى برزو خدودها ) .. تيعرف يهضر ! .. (نغزاتها) .. تانخرجو ونهضرو دابا خليني نسمع ليه!

..

تسالا حفل التكريم و خرج هو و يحيى ركب عنده و ديماراو نيشان لدار لي عندهم في فاس ! .. كان بغا يدير إنتقال بوحدة لكن شاف بيلي مامناسبوش وفضل يدوز هاد العام في فاس و اكيد ضاروري يزور العائلة في وجدة .. وصل يحيى لداره و مشى نيشان لبارطمة لي عنده هنا دخل نيشان لدوش دوش و صلى صلاته لي فاتتو  .. و وجد غذاه و جلس تيتفرج فالكورة و مامشى باله غير ل هضرت الحاجة فاطمة !! .. الهضرة على ياسمين و الزواج ! .. مابغاش يظلمها معاه و هو كايفكر فوحدة أوخرى !! .. رجعت بيه ذاكرته لور و تفكر نهار تصادفها فالجردة قالتلو بغات تهضر معاه هو عجبه الحال ظنا بيلي غاتقبل اخير و يخرجو من مرحلة الخطبة و يتخطبو رسميا و بعده يتزوجو !! ..

عائشة( .. تتهضر بلا ماتراعي ليه) .. غانجيك نيشان ا طاهر !! .. انا راني نشوف راسي مارانيش مناسبة لك ولا مناسب ليا !! ..

طاهر( .. تلاشات إبتسامته و ملامحه كايتفسرو هضرتها) .. المعنى ا عائشة ؟ ..

عائشة( .. تادور فعينيها) .. سمحلي ا طاهر ولكن مانيش نگدر نزيد نكمل معاك !! .. (هربت عيونها من عينيه) .. مانيش باغاك ا طاهر ! حاولت نبغيك ولكن ماگدرتش .. !!

الدم جمد فعروقه من كلامها !! .. جرحاته و حطاته و قلبه خلاته ينزف الدم من كلامها !! .. كيبقى إنسان بحاله بحال أيها الناس تاهو كايحس ! ..

طاهر( .. بإبتسامة مزيفة و نبرة باردة) .. ماقلتي عيب ! .. الله يسهل عليك اختي ..

تنهد و تكى بلاصته تايفكر !! .  هو من زمان دخل فالثلاتينات و كانت عائشة هي لي بغا يكمل معاها حياته ولكن هي رفضته .. اكيد الحياة ماوقفاش غير عليها بوحدها .. مابغاتوش الله يعاونها واخا تجرح منها ولكن ماعنده مايدير حتى حاجة مابزز و الأهم عنده يختار وحدة تناسبه و تناسب عائلته !!  ..

..#الأراء