أشباه الرجال 🫀مكتملة🫀

🫀الجزء 147🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثالث: وجدان القلب🫀
°●الجزء: 147●°

مر أسبوع على يوم الولادة ! .. جالسة فبيتها و بين يديها بنتها تحل عويناتها و تسدهوم و تخرج لسانها الصغيورة بحركة طفولية و قليل فاش تسمع صراخها هادئة بحال ماماها لي مراقباها بحب و لطف باين من عينيها دخلن عندها زاينة و إبتسمت فاش شافتها! ..

زاينة( .. تتهضر بشوية) .. رگدات ؟

ياقوت( .. حركت راسها بلا) .. لا مانعساتشي كادحل فعويناتها و تشدوم ..

زاينة( .. إبتسمت) .. مشاء الله گلييل فاش تسمع زكاكها ! ..

ياقوت( .. حطاتها بشوية قدامها على السرير ) .. كدبقا غير تحل فعينيها و تسدوم بعد المرات مكانعرفشي واش فاقت حتى كانجبرا حالة عويناتها ..

زاينة( .. دوزت يديها على خدها) .. فكرتي مزال فالسمية كنتي گلتيلي جويرية مابقاتش عاجباك ؟

ياقوت( تتفكر) اه مابقاتشي عاجباني .. (قلبت فمها تتبسم ) عجباتني هاد ساعا سميت جنى وقولتا ل عمر قالي مزيونة! .. تينا كي جاتك ؟

زاينة: زينة ! (باست راس ياقوت) لي جات من عندك ابنتي راها زينة !

ياقوت( هزت يديها باستها) يخاليك ليلي ..

زاينة: الكتكوتة ديال جداتها شحال حلييلوة و زينة تبارك الله ..

ياقوت(ضحكت وتحنات باستها فخدها) الجنينة ديالي الحبيبة د ماماها .. (شافت فزاينة) كتكوتة ديال عزيزتها .. ( إبتسمت) خالتو حليمة نعسات ؟

زاينة( حركت راسها) واه رگدات !

ياقوت(هزات تيليفونها و شافت شحال فالساعة) 22h30 هادي ! ..

زاينة( طبعت قبلة على خد جنى و باست خد ياقوت) تصبحي على خير احبيبتي .. نخليك ترتاحي

ياقوت( إبتسمت) واخا اخالتو ..

زاينة(قادات العباية ديالها و شالها) نلغا ل عمر گاعد مع الحاج گبل مانطلع كانو يالاه جاو من المسجد ! ...

ياقوت( حركت راسها) اه غير عيطلو ! ... (دورت عيونها) ولا عرفتي شني بقا معايا شويوش !

زاينة( .. جلست تتضحك) ماسخيتيش بيا ؟

ياقوت( طلعت راسها لفوق تتضحك) صراحة تالله مكانسخاشي بيك ..

زاينة( جمعت فمها على شكل بوسة) يخليلي الزين ..

ياقوت( بلطف ) امين الكبيدة ديالي ..

تسمع الدق فالباب ناضت زاينة حلاته لقات عائشة والحاجة فاطمة هوما لي طلعو عندهم دارت ليهوم الطريق فين يدوزو ..

عائشة( قصدت جنى لي هازاها ياقوت فحضنها) مديهالي !

ياقوت(ببرود) دبا ناعسة حتى تفيق وجي عاندا !