أشباه الرجال 🫀مكتملة🫀

🫀الجزء 52🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: مئة و تلاتة (52)●°

حلات عليهوم كلثوم الباب و فيديها البيل مضوية بيه لقاتهم واقفين ..

كلثوم(شافت ف عُمر): .. تقطع ضوء اولدي على غفلة ! .. (حولات أنظارها لياقوت) .. اجي معايا !

حرك ليها رأسه بأه بنعنى ماعليش و قبل ماتخطي خطوة لأمام هو خرج لول سبقها مخليهوم بجوج تما ! كلثوم مشات عندها شداتها من يديها ..

كلثوم(بلعات ريقها): .. واقيلا ضوء تقطع فدوار كامل !

ياقوت(بللات شنايفها لشي نشفو باقي فيها شوية د الخوف و التوتر): .. ا اه واقيلا

كلثوم(شادة حنكها): .. مالقا فوقاش يتطقع هاد زمر غير دابا ! (ضربات بالبيل لجيهة الباب) .. الناس كيتسناو !

خرجو من ديك البيت و كلثوم سادة الباب .. رجعو لصالون كانو مشعلين الشمع و البيلات د التيلفون تاهوما ..

ياقوت(مشات عند زاينة مداتلها تيليفون مابغاتش تمشي عنده هو ): .. خالتو هايدا ديال خاي (عضات لسانها لي ولف على ديك الكلمة) .. ديال عُمر ..

بقاو مدة قصيرة جالسين ! .. مابغاوش يخليوهوم يمشيو حتى يرجع ضوء لكن بان ليهوم بلي باقي مطول توادعو و غادرو المكان .. دازت ساعتيين موراها عاد رجع الضوء شعل من جديد ! .. حسات بالعبئ لي كان تقيل عليها تحيد ماتقدرش تنعس و الضوء مقطوع .. مشات بدلات حوايجها لبسات بيجامتها .. غسلات وجهها و رجعات عند العيالات لي كانو جالسين كايتحدثو بيناتهوم مشات نيشان عند حليمة نعسات على رجليها و هي كاتحك ليها شعرها ..

كلثوم(كاتشوف فيها): .. الناس الله يعمرها سلعة ..

ياسمين(كانت مخشية راسها فالتيليفون سمعاتها و طلعاته تاتشوف فيها): .. كولهم تيكونو هكا فلول ! ..

قاطعهوم صوت خيري كيعيط بسمية ياقوت بصوت مسموع .. خلعها صوته و ناضت من فوق حليمة كاتجمع فشعرها ..

ياقوت(لبسات صنادلها): .. أنا ماشا نتشوفو ..

انسحبت بهدوء من حداهوم .. لقات خيري تيعيط ليها من جردة لي مورا دار كان واقف على عكازه و ملامحه غاضبة و جهه حمر ..

ياقوت(بلعات ريقها): .. نعام اجدو ؟

خيري(اشار ليها بالعكاز تقرب حداه): .. قَرب عاندي قَرب ..

ياقوت(قربات عنده خطوة): .. نعام؟ ..

خيري(كارز على سنانه): .. هضار !! شني كونتي تاتعمال معاه ماني تقطاع ضو ؟؟

ياقوت(دق قلبها و التوتر بان على ملامحها طاح فبالها عناقهوم لي ماقصداتوش أصلا!): .. شني عانعاملو مثلا ؟؟