أشباه الرجال 🫀مكتملة🫀

🫀الجزء 133🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 133●° 

فاقو من الصباح بكري و ياقوت فيقت ياسمين باش يرجعو لڤيلا ودعو العائلة و وصلهم الشيفور دالحاج حتى لڤيلا بتوصية عمر و حتى انه فاش وصلت هضرت معاه باش يرتاح من جيهتها حيت مايقدرش يوصلهوم الخدمة تابعاه ! .. ياسمين درت الڤيلا كاملة و عينيها كادورهم بإعجاب ..

ياسمين: .. ياختي الڤيلا فنة فنة !

ياقوت( .. إبتسمت) .. باقي نديك لبارطمة ديالي تشوفيا كادحمااق تاهي ! ..

مشاو جلسو فالصالون و طلبت ياقوت من الخدامة لي صيفطاتلها زاينة توجدلهم الفطور حيت مافطروش حتى جابته ليهوم لصالون و حطاته ..

ياسمين( .. كاترشف من كاس العصير) .. ياختي عشت و جربت حياة الفلوس .. !!

ياقوت( .. إبتسمت) .. و علاش ماكنتيشي عايشة مزيان ؟ ..

ياسمين( .. ضحكت) .. لا حمد الله ماكانت ماما مخصصاني والو فاش خدمات .. ولكن الصغر كان صعيب شوية علينا ! ( .. مابغاتش تهضر على باها) ..

ياقوت( .. فهمات) .. امم وا خود دبا راحتك و عيش كيف بغيتي ! ..

ياسمين( .. إبتسمت) .. زعما مانخرجوش نديرو الشوبينگ ؟ ..

ياقوت( .. خرجت عينيها) .. بغيتي عمر يقتلني ؟

ياسمين( .. طلعت كتافها) .. و مالو على حالتو واش جابك يحطك فالدار ؟ ..

ياقوت( .. حرك راسها) .. لا اختي خاليني غير فالدار مقاداشي على صداع ! ..

ياسمين( .. طلعت حاجبها) .. اختي الفلوس عندك خرجي شري شي حاحة !! ضوري تمتتعي بالحياة واش غاتبقاي جالسة غير فالدار اويلي ؟ ..

ياقوت( .. بجدية) .. مابقيتشي ديال راسي باش نخروج ندور !! .. (تأفأفت) .. و هو اصلا كان ديما كايخرجني فالليل فاش كايجي من الخدمة .. كانتعشاو فشي ريسطو ولا كانمشيو نركبو الباطو .. المهم مكايخلينيشي فالدار .. غير دبا مزير شويوش مع الخدمة غير يتطلق نخرجو معاه ! ..

ياسمين( .. حركت راسها) .. ياك دايرلك الحماية ؟ راه ماتخافي والو ! ..

ياقوت( .. قلبت عينيها) .. واخا يعملي مييت وحدة تحميني غايبقا يشك و يخاف عليا ! ..

ياسمين( .  ضحكت) .. ايوا الله يجيب لي يخاف علينا حتى حنا!! .. ( ناضت من بلاصتها) .. زيدي زيدي نخرجو نجلسو فالجردة ! ..

ياقوت( .. هزات الكاب ديالها ولبساته) .. واخا !

ياسمين سمعت تليفونها كايصوني طلعاته من جيب الكاب دالبيجامة لي لابسة و لقات حكيم هو لي كايصوني ..

عقدت حجبانها وقطعت عليه ..

ياقوت( .. بإستغراب) .. شكون صونالك ؟ ..