أشباه الرجال 🫀مكتملة🫀

🫀الجزء 23🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء:  (23)

رغم أنه شوية د الخوف تسلل لقلبها لكن الفضول طاغي عليه باغا تعرف علاش جابوها ! و هاد الضرافة الزايدة و التعامل الزين ماعجبهاش بتاتا .. عيطات سميرة على وحدة من الخدم دات معاها ياقوت نيشان لغرفة راقية و فراشها عصري خلاتها تما و حطات باليزتها حداها جالسة كاتشوف فالأرجاء .. لكن مابغاتش تنعس ولا تغفل حتى جوج دقايق ! متايقاش فهاد الناس و لا عارفة شنو فراسهم ناضت و حلات باب الشرفة كاتمنظر من الفوق عجبها المنظر منغمة بيه بكن عند سماعها لصوت الباب تحل دخلات ديريكت سدات باب شرفة لقات وحدة من الخدامات جات عندها ماشي هاديك لي كانت معاها قبل وحدة أخرى ..

***: لالة سميرة بغاتك تنزلي عندها ! ..

خرجات الخدامة و تبعاتها ياقوت نازلين من الأسانسور نعتات ليها الخدامة فين غاتمشي اتجهت لواحد الغرفة مع حلات الباب شافت عينيها منظر روعها و رجعات سدات الباب بجهد سميرة و محمد لي كانو غارقين فقبلاتهم سمعو الباب تحل بعداته عليها سميرة و هو كايقرب ليه بوجهه و عينيه ذايبين فيها ..

محمد: غير وحدة ! ..

سميرة(قادات حوايجها لي طلعو): من بعد حتى نتفكو مع البنت ..!

مشات سميرة حلات الباب لقات ياقوت واقفة وجهها حمر حشمات عليهوم و هوما اتسقبلوها داخل ديك الغرفة لي فيها فوتويات كحلين وسطها جلسو تما ..

سميرة صونات لوحدة من الخدم تجيب ليهوم قهوة .. و فالحين حضراتها ليهوم بداو يشربو و ياقوت الكاس قدامها حلفات ماترشف فيه ! ..

سميرة(شافتها ماشرباتش منه عرفتها خايفة): ياقوت ماتخافيش ! ..

ياقوت: مخايفاشي ! ..

سميرة(حركات ليها رأسها و حطات الكاس على الطبلة):
بالمناسبة سمحي ليا ماخليتكش ترتاحي مزيان ! ..

ياقوت(إبتسمت ليها): ماشي موشكيل ..

محمد(تحنى جبد الباكية دالكارو دار واحد من جيبه مع البريكة شعله و نتر نترة و عينيه على ياقوت):
ياقوت بغيت نسولك ؟ .. (حركات ليه رأسها و كمل كلامه) .. بغيتي تعيشي مزيان ؟ مرتاحة مايخصك حتى خير ؟ ..

ياقوت(قبضات تعابيرها و هي مخنوقة من ريحة الكارو غير صبرات ليه): علاش هاتشي ؟ ..

سميرة(شابكات صباعها و جاوبت بلاصته): لبزااف ! .. الأم ديال محمد هي لي صيفطاتك لينا لغرض كانظن مغاترفضبهش حيت لمصلاحتك و لمصلاحتي! ..

ياقوت(بدا قلبها يخفق بخوف متبتة راسها غير بزز):
قالتلي يماه زواج ! .. ويانا كي الحامقة تايقتا ! ..

محمد: لي غايكون دابا حسن من الزواج اياقوت ! ..

سميرة(غمزات محمد يسكت باش تهضر هي):
ياقوت بلا مانطول عليك .. لا أم محمد ولا حتى واحد عارفنا علاش جبناك هنا ! .. حتى هوما فبالهم زواج لكن كون ماكدبناش ماكنتيش غاتجي .. غاتسولي فين عرفتوني و شنو بغينا منك ؟ هادي الحاجة لي طاحت فبالك من لول و حنا عارفين .. غانجاوبك ! .. مامات محمد من الأصل باغاكم تزوجو لكن قلت الحل لي حسن ليك و يخليك تعيشي مزيان ! (شافت فمحمد و رجعات شافت فيها) .. هو عاود ليا مناش دزتي و الحل عندي ليك و خارج ليا حتى أنا  .. (قادات جلستها و كملات على شنو بدات) .. بغينا منك كلوة بالمقابل تاخدي لي بغيتي و المبلغ لي فتحتي عليه فمك يجي حتى لعندك ! ..