أشباه الرجال 🫀مكتملة🫀

🫀الجزء 129🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 129●° 

دخلو لداخل الدار و كلثوم يالاه نزلات فاش طلات من السرجم و شافت الطموبيل واقفة حدا الباب عرفاتها ديال عمر ! .. ياقوت غير شافتها طاحت عليها معنقاها كاتبكي لاهي لا كلثوم !! .. عزاتها و عزاها عمر و طلعو الفوق فين جالسة العائلة كان الحاج أحمد جالس معاهوم و ياسمين حتى هي جالسة بجلابتها و زيفها كاتبكي غير شافت ياقوت ناضت عندها و عنقاتها كايبكيو بحرقة على موت الأب .. !!

ياسمين( .. مسحت دموعها) .. جلسي اياقوت جلسي !! ..

ياقوت( .. شافت جيهة عمر) .. انا معاهوم ا عمر ! ..

عمر( .. باس راسها قدامهوم و مسح ليها دموعها ) .. ماتزيديش تبكي !! .. ( .. هز يديها بجوج باسهوم) .. تحبي شي حاجة گوليهالي !! ..

ياقوت( .. حركت راسها ) .. واخا !

مشى عمر سلم على الحاج و خيري لي جالسين و جلس معاهوم .. و ياقوت مشات مع ياسمين و دخلو لبيتها و سداته ..

ياسمين( .. كاتحاول تنسى وتنسيها) .. توحشتك !! ..

ياقوت( .. بدات تبكي) .. ياااسمين !!

ياسمين( .. عنقاتها و قلبها محروق) .. صافي الحب صافي !! .. (باستها) .. تكايسي على راسك راك حاملة !! .. راجلك قالهالك حتى هو مايبغيش يشوفك هكا ! ..

عنقاتها ياسمين حتى دخلات عليهوم حليمة و ناضت عندها عنقاتها و عزاتها و جلسو مجموعين فداك البيت مدة و خرجو وكل واحد و فاش تشغل عندهم جنازة ! .. جات زاينة و هند لي وصلو واحد الوقيتة فالليل عزاو كلثوم و ياسمين و حسين حتى هو و تجمعو فالصالة كايتعشاو بلا خاطر من بعد ماخرجو الناس .. !

ياسمين( .. جالسة هي و ياقوت تنهدت ونطقت) .. غذا جايا العائلة د المرحوم ! ..

ياقوت( .. خاطرها مروع و ساهية حتى فيقتها من سهوتها) .. ايوا ؟ ..

ياسمين( .. خسرت ملامحها) .. ماحملتهومش !

ياقوت: .. شكون غايحملوم دوك الجنون اصلا! ..

زاينة لي صونالها عمر بخصوص ياقوت .. عطيات ليها و دورات وجهها ..

زاينة: .. راجلك ابنتي راه يتسناك لتحت ! ..

ياقوت( .. حركت راسها و لاحت عليها شالها) .. واخا اخالتو !! ..

نزلت لتحت مخسرة ملامحها ماحملاتش تشم ريحة الماكلة خصوصا هادي لي كاتشمها دابا .. خرجات لبرا لقاته متكي على الطموبيل و كايشون فضو الگمرة لي مضوية السماء ..