أشباه الرجال 🫀مكتملة🫀

🫀الجزء 142🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 142●°

طاح عليها الكلام كي الماء برد عليها الحرقة لي واحلة وسط صدرها !! .. لو قالو ليها اشمن خبار زوين تلقيتيه فحياتك تقوليهم حكيم تزوج و غايفوتني عليه !! ..  تتفرنس وهي غاطير بالفرحة .. كرهت النهار لي عطاته مجال فين يتقرب منها .. !! .. مشات تتجري لبيتها لبست جلابتها و مشطت شعرها و نزلت تتجري حلت الباب تضحك بانولها باقي واقفين الدقايقية و العيالات خارجين ناشطين معاهوم مشات تال وسطهم تتشطح و تصفق بيديها مقاداها فرحة !! .. جا عندها واحد جارهوم شطحت معاه و نشطت على راسها وشكرت فيه تاشبعت حيت فرحها !! .. بسبابه ولات تتخرج بالتخبية و تتدخل بالتخبية دوز عليها المرار !! فين خارجة فين داخلة شنو هادشي لابسة !! .. كرهاته و كرهت العشرة معاه .. شطحت حتى شبعت وبانلها واقف بكوستيم دياله مطلع حاجبه فيها و هي تتقلي ليه السم و تايشير ليها بعينيه .. و غير عيات بالشطيح طلعت لدارهوم .. لقات كلثوم فوجهها ..

كلثوم: .. نشطتي معاهوم ؟ ..

ياسمين( .. حركت راسها تتضحك) .. ااه !! ولاهيلا الخطبة نشطوها يعلم الله العرس تاهو !! ..

كلثوم: .. خيرة عرضاتني للعرس !! ولكن جا مع حنينة ياقوت !! ..

ياسمين: .. داكشي زربو عليه تبارك الله !

كلثوم: قالتلي خيرة شحال وهو باغيها تيخطبها و تيرفضوه عاد طلقو صراحو !!  ..

ياسمين( .. هزت يديها تتدعي) .. ياربي كيما عطاوه البنت الله يعطيهم الخير يااربي !! ..(نطقت فخاطرها هناوني منو كان محرر عليا العيشة بغيتليه موصيبة) ..

دخلت لبيتها وقصدت الماريو تاتجبد حوايجها و أحسن ماعندها !! .. هزات الشانطة و طواتهم فيها و دارت مكياجها حتى هو حتى جمعت كاع لي تحتاجه و حطت الشانطة الجنب .. و هزت شاكوش صغير دارت فيه حوايجها و لاتروس دالشامبوانات و الباندوش و الكريمات لي تتستعمل بعد الدوش و خرجت عند كلثوم ..

ياسمين: .. انمشي نضربها بتحمييمة و نسخن عضيماتي ..!!

كلثوم( .. إبتسمت) .. سيري ابنتي و فاش تجي من الحمام راه نوجد ليك متاكلي !! ..

ياسمين( .. خدات بزطامها من فوق الثلاجة) .. واخا ! و التبريمة عدلتيها ؟ ..

كلثوم( .. أشارت ليها ) .. تلقايها فالدوزان لي فالمجر !!
جا النهار لي تجمعت فيه العائلة من صغيرها لكبيرها .. جالسة كي العروسة فليلتها بتكشيطة فالبيض و تاح فوق راسها و شعرها مصفف بعناية و مكياجها و مجوهراتها فيديها و عنقها و وذنيها ..  و كريشتها تتبان جات معاها ولات غلييوضة مع الحمل تتاكل و تنعس مكاين غير الراحة .. حتى الوحم ماعدبهاش بزاف .. !! .. نقاشة جنبها تتحني ليها يدياتها و رجيلاتها لي مزينين بالخلخال النساء هوما لي جالسين فداك الصالون و الرجال فالصالون لاخور بوحدهم .. جات عندها ياسمين بقفطانها فالأحمر و مكياج سامبل طالبة شعرها و جلست حداها هي و هند تتسنى نوبتها تحني تاهي ..

ياسمين( .. عينيها على الحنة) .. ياختي توحشت نحني !! شهور هادي وشهوتي فيها !! ..

ياقوت ( .. إبتسمت) .. غير نسالي و حني تينا لولة ! ..

ياسمين( .. شافت في هند) .. هند غاتحني تانتي ؟ ..

هند( .. حركت راسها بإبتسامة) .. وي حبيبة !

كانت جايا عندهوم وعكازها فيديها و عينيها على ياسمين ..

الحاجة فاطمة: .. ياسمين!! اجي معايا ابنتي اجي !

ياسمين( .. إبتسمت و ناضت هزت جلايل قفطانها) .. نعام الحاجة ؟

الحاجة فاطمة( .. تتشير ليها بعكازها) .. اجي نهضر معاك !!

مشات معاها و دخلاتها لبيتها و جلست و دارتلها بلاصة تجلس حداها و جلست حداها ..

الحاجة فاطمة( .. تتضحك) .. قوليلي ابنتي ماهضر فيك حد ماخطبك حد مافتي من زواج ؟ ..

ياسمين( .. طلعت حاجبها بإستغراب) .. ديال راسي الحاجة علاش تتسولي ؟ ..

الحاجة فاطمة( .. فرحات) .. ايوا لاكتب الله نتناسبو عاود !! ..

ياسمين( .. خفق قلبها و ابتلعت ريقها) .. لمن الحاجة ؟ ..

الحاجة فاطمة( .. طبطبت على ظهرها) .. لولدي طاهر لاكتب ربي !! .. (ناضت من بلاصتها و هزات عكازها) .. ايوا الهضرة تسالي مع موك ابنتي !! ..

خرجت و خلاتها و مدهوشة !! .. طاهر نيت لي كاتعرفه ؟ لي عمرو شافيها حتى شوفة معيقة تبين بيلي معجب بيها !! .. عكسها هي لي كان إعجابها واضح بالنسبة ليها .. !! باقي ماتيقت لي سمعاته وذنيها هي عمرها ظنت تكون مع واحد بحال طاهر و شخصية طاهر فرق كبييييير و كبيييير بيناتهوم .. لا فشخصياتهوم لا فتفكيرهوم .. تتفكر واش يتفاهمو ؟ واش يتلاومو ؟ .. لأنه هو بعييد عليها بزااف دائما تتقول مع راسها هو يجيبها ساترة راسها و شعرها و واصلة فحياتها و عندها مستقبل و هي هادشي مافيهاش باقي واحلة مع قرايتها وتعجبت كتر كيفاش قدر يختارها هي بالضبط فيقها من سهوتها صوت تيليفونها لي فيديها تصوني غير لمحت سمية حكيم خسرت ملامحها !! ..