🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء: 86●°
عائشة( وسعات عيونها بصدمة) ماعرفت مانگول والله !
ماجد: .. هاداك غير تأثير الحب هههه
عائشة( .. غمضات عيونها وطاهر جا بين عينيها) .. ماجد ! .. (بجدية) منكدبش عليك فيك اي حاجة تتمناها اي وحدة و لكن عائلتي سبق هي لولة خصني نشاورها!
ماجد: .. عائلتك غاتبزز عليك واحد نتي مابغيتيهش ؟
عائشة: لا !
رجعات بيها ذاكرتها لور فاش صيفط ليها فواتساب أول مرة ماعرفاتش نمرتو و بلوكاتو و صونا ليها فأبيل عادية كايرغب فيها تديبلوكيه باش ترجعو غير يقول ليها شي هضرة و فاش سولاتو فين لقا نمرتها قاليها بلي عطاتها ليه بنت عمو لي عرفاتو عليها فالحفلة دالنجاح ديالها بالليل و بالنهار و هوما كايهضرو حتى انسجمت معاه فالهضرة و مايدوزش عندها النهار بلا ماتهضر معاه بإهتمامه و غزله خلاها تطيح فشباكه عكس طاهر لي عمرو هضرات معاه و لاجمعهم شي ميساج ديما واقعا كايهضر ليها على الزواج ! ..
عائشة(تنهدات) .. المهم حتى نهضر مع خويا هو لول !
ماجد: .. هضري معاه و ردي عليا نحددو النهار لي نجيو فيه أنا و العائلة ! و ماتنسايش بلي انا وياك هدفنا واحد !
عائشة( إبتسمت ) كيفاش زعما CIG ؟ (الهندسة)
ماجد: .. ههه هادشي كافي يجمعنا ! غانعاونك حتى توصلي فين وصلت ! عارف بلي عندك عائلة غاتوصلك لفوق وكتر كاع ! ولكن غاتوصلي حتى معايا و عمرك تلقاي معايا موشكيل ..
عائشة: .. فخبارك ! عمرني فكرت فالزواج و لا طاحلي فبالي !
ماجد: .. لمقبلتيش بيا غانخطفك ههه!!
عائشة( .. ضحكات) .. ههه هبلتي ؟
ماجد: راه نتي لي هبلتيني شحال وانا باغي غير كلمة منك! غير نهضر معاك!! .. كنت غاندير حفلة فاش بديتي تهضري معايا ..
عائشة(ضحكات من كلامه) .. الله يعفو عليك !
قطعات عليه كاتبتاسم هادا حالها فكل مرة كاتهضر معاه دخلات نيشان لسطوريات كاتضور فيهوم حتى طلع ليها سطوري ياسمين دخلات ليه كادوزه حتى تصادفات مع تصويرتها هي و ياقوت عقدات حجبانها من شوفتها ! لي عارفة هو خوها عدوه يتحطو تصاورها فالسوشل ميديا ! و لي فكرات فيه هو نفس لي باغيه ليها غايبغيه لمراتو دارت السكرين لسطوري كاتقلب على نمرة خوها حتى صيفطاتها ليه ف sms ..
فأفخم الصالونات لي معروفة جودته في فاس و مشهور فالسوشل ميديا لي كاتبان فيها بزاف عارفة فين تمشي و فين تقاد حالتها .. ناعسة على كرشها و ومغطية بفوطة بيضة و وحدة من العاملات المكلفة بالماساج كاتماصي ليها حتى سالات و ناضت عظامها مرخيين و العياء د الخدمة كلها لاحتو هنا .. تحممات و قادات المانيكور و داروليها الصوان و نزلات لتحت تصايب شعرها صففوه ليها بعناية و نقصات ليبوان خلصاتهم و خرجات و هوما دايرين معاها كتر من الواجب باينين عليها الفلوس دارت نظراتها الشمسية و خرجات من عندهم يالاه بغات تحل طموبيلتها تركب حتى حسات بيدين شدوها ..
أنت تقرأ
أشباه الرجال 🫀مكتملة🫀
Romance💎مكتملة💎 ⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ الآمال العظيمة هي ماتخلق الرجال العظماء ..! 🔏[ممنوعة منعا كليا من النشر]🔏 #إكــــــــرام_اوشــــريـــــــــف(ي) ...
