أشباه الرجال 🫀مكتملة🫀

🫀الجزء 21🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: واحد و عشرين (21)

خرجو حدا الباب و خيري حاط يديه ورا ظهره كايسولها ..

خيري: شني قالت لك دايك المنحوسة ؟

الجارة: مابغاتشي دوازج ..!

خيري جرك ليها رأسه و دخل لدار كايعيط عليها بسميتها .. حتى جات عنده ..

خيري(كيخنزر فيها): علاش مابغيتشي دوزاج ؟ ..

ياقوت(بلعات ريقها): مابغيتشي ! .. ومانقدرشي نخالي خالتو بوحدا ..

خيري: مشي قبال السيد ولد الناس .. ماتبقايشي لاصقا لي فداري ! ..

ياقوت(قالت قبل ماتمشي): لا مابغيتوشي يانا ..

خيري(وقفها بكلامه و نطق بكل برود):  .. مشي عند باك ! .. مابقيتشي قار علك و على مسؤليتك الله يعاونك ! ..

ياقوت بقات غير كاتشوف فيه استفزها دياال بصاح .. عارف بلي علاقتها بي باها متوترة و كايقول ليها سيري عندو .. زادت تأكت هنا أنه قلبه كحل و قصح من الحجرة .. خالتها لي كانت هازاها و كادافع عليها من كولشي حتى الصحة مابقاتش عندها هنا عرفات أنه وصل الوقت لي تهز فيه راسها براسها حيت صدق من قال حتى حاجة مغادوم ليك من غير راسك ! .. تحرمات من الأب رغم أنه عايش حتى القدرة باش تواجهه ماعندهاش و حتى باش تكرهه ماقدراتش !..

خلاته مجاوباتوش و مشات لبيت عند خالتها لي ناعسة فالفراش قليل فاش كاتنوض .. حلات عليها الشراجم باش تهواء البيت و جلسات فالناموسية لي فلجيهة الأخرى .. بقات كاتفكر مع راسها و بدا الشيطان يدخل ليها لدماغها أنها أحسن حل ممكن تديرو هو تزوج ظنا منها غاتهنى من هاد المشاكيل لي ولاو لاصقينها .. قالت مع راسها على الأقل إلى تزوجات غاتلقا راحتها و غاتكون ليها عيشة حسن من هادي حيت عيات و الصبر مابقاش عندها .. بعد تفكير طويل ناضت خارجة من تما نيشان لعند خيري كاتقلب عليه ! ..

دازت يومين و هي على نفس الحال نفسيتها عيانة و باينة فيها أصلا ! .. زربو عليها فهاد اليومين تجمع حوايجها و وراقها .. حتى من الخطبة و العرس مكاينش إكتفو فقط يطلبو يديها و مصيفط ليها غير مو و أصلا لاكاع دارو العرس شكون غايجي ؟ لا عائلة لا ناس غادي توصلهم ! .. حاسة براسها كأنها غاتنفى ماشي غاتزوج لكن بقات كعادتها صابرة و من ديما صابرة حيت أصلا ماعندها حتى شي حل .. بعد ما لبسات و جمعات حوايجها جلسات حدا حليمة و دموع فعينيها غاتوحشها بزااف و هي بزز باش قدرات تفرق عليها عارفة بلي حليمة مغاديش يفرطو فيها و لكن هي ؟ هي كون كان فإمكانهم ينحروها غاينحروها بلا مايفكرو ! .. و هاد المرة قررات تفكر فراسها شوية شحال قدها تبقا هكا ! .. فوسط بكاءها دخلات عليها جارتهم كاطبطب ليها على ظهرها ..

الجارة: نووض العايلة نووض .. شيفور كايساين فيك ..

ياقوت مراقبة هاد الجارة لي بغاتهت لولدها ماعرفاتش واش ولدها نيت لي بغاها بزاف د التساؤلات فراسها ز مالقاتش ليهوم جواب جاها هادشي جا بزربة و مارتاحاتش ليه ! .. باست على راس حليمة لي كاتشوف فيها و تعابيرها جامدين من داك نهار المشؤوم و هي هكا .. خرجات ياقوت من الدار و خاطرها مزير دبصاح البنات فاش نهار عقدهم كيفرحو و كيكونو معاهم واليديهم و عائلتهم كايديرو ليهوم أحسن عرس و كاتكون ديك ليلة هي أفضل ليلة فحايتهم و هي مدارت لا خطبة لا عرس لا حفلة صغيرة حدهم قالو ليها قالو ليها غاتوصل طنجة غاتمشي ديريكت عند العدول كاتحس براسهاي لا عائلة لا واليدين لكن معاها ربي وحده هي من ديما معمرة نيتها و دايرا أملها فالله و ربي مكيخبيهاش ! .. لقات خيري واقف حدا الباب يديه لور و مخزر كعادته معاجبو حال .. تخطاتو بلا كلمة بلا جوج كاع مشافت فيها .. مشات نيشان لديك طموبيل لي كانت فاخرة غير شافتها بدات تستغرب كيفاش واحد عنده هاد طموبيل و مخلي عائلته هنا ! .. نزل الشيفور حتى حل ليها الباب غير طلعات بدا الخوف يسيطر عليها ! خوف المستقبل و لي جاي من لهنا لقدام هي لي قبلات ! قبلات أنه تزوج باش تهنا من مشاكيلها مع واحد ماقدرش حتى يجي هو لي يديها من هنا!..