أشباه الرجال 🫀مكتملة🫀

🫀الجزء 106🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 106●° 

بعدما خرجات عندها ياقوت نزلات لتحت و مشات نيشان لجردة لي باقي جالسة فيها العائلة بإبتسامتها و فرحتها و الدنيا لي مقاداهاش قصدات الحاج نيشان و هو غير شافها كيف الفرحة خارجة من عينيها إبتسم ..

الحاج أحمد: .. زااينة !!

زاينة( .. جلسات حداه و قالت مخاطبة الكل) .. عنديلكم خبار !! ( .. وساعت ضحكتها) .. ياقوت حاملة !!

الحاج أحمد( .. وسع عيونه و إبتسم) .. مبروك عليها !!

طاهر: .. يتربى فعزهم ان شاء الله !!

زاينة( .. شافت فيه بإبتسامة) ..  ان شاء الله !

الحاجة فاطمة( .. عقدات تعابيرها) .. ايوا على سلامتها ! راها تعطلت باش تحمل ..

زاينة( .. بهدوء) .. عاد كتابلها تحمل !!

هند( .. إبتسمت ) .. غايخرج كاايحمق بالحلاوة بحال ماماه ..

زاينة( .. بإبتسامة بشوشة) : .. الناس لي يستاهلو يولدو .. مربية و غاتربي ولادها أحسن تربية .. (شافت جيهة عائشة لي ساهية فطاهر) .. عائشة مافرحتيش لخوك و مرتو ؟ ..

عائشة( .. قلبات عينيها جيهتها و هي عقلها مامعاهاش) .. مبروك عليهوم !!

زاينة: .. الحاج غدوة راه نگبضو الطريگ لعند لافامي دياقوت  نفوتو معاهم يامات هادو !

الحاج أحمد( .. حرك رأسه) .. ان شاء الله !

زاينة( .. شافت ف هند) .. هند تمشي معانا ؟

هند( .. إبتسمت) .. اه ان شاء الله اخالتي !!

....

مكانش عارف كيفاش يعبر على فرحته لكن فالداخل دياله مامتيقش بلي غايجيه طرف منها هي بالدات لي مكايسخاش لا بصوتها ولا هضرتها ولا بيها !! شحال و هو معنقها و هي مبادلاه العناق حتى طلعات فيه عينيها المدمعين ماعرفاتش علاش بالصبط فهاد اللحظة جاتها البكية و الفرحة كولشي تخلط عليها ..

ياقوت: .. عُمر !!

عُمر( .. جرها معاه حتا داها و جلسها على الناموسية ) .. شوووت لاتزيديش تبكي !! لازم تفرحي دروك !

ياقوت( .. كاتسمح دموعها و تضحك) .. خوالاتي فاش يسمعو الخبار غايطيرو بالفارحة !!

عُمر( .. إبتسم و زيرها عنده) .. غدوة و گوليهالهم !!

ياقوت: .. ان شاء الله نقولالووم ( .. نزلات عينيها لكرشها و حطات يديها عليها) .. دبا أنا عاندي عويول صغييور فكارشي ؟؟ (تلفات) اووف مامتيقاااشي !!

عُمر( .. ضحكاته و مد يديه حطها على كرشها) .. هاد ولدك الياقوت غير تيقي !!

ياقوت( .. طلعات فيه عينيها و خرجات صوتها حنين ) .. و ولدك حتا نتنيا ا عُمر ..

وقف عندها الزمن و هي كاتشوف فعيونه دورات يديها على عنقه و قربات شنايفها لشنايفه و بدات تقبل فيه بكل شغف و هو مبادلاها بنفس القبلة منها كأنه كايعبرو على فرحتهم هنا !! ..

..

النهار الموالي لي قررو يمشيو فيه لشمال عند العائلة لي غاتجمع و تلام فدار جدها .. لابسة جلابتها لي فصلات للعيد و فولارها فوق راسها و طالونها فرجليها و اكسيسوارات فيديها و عنقها و حلقات فوذنيها و مكياج سامبل خفيف بزز باش خلاها ديروه غير شاد ليها الخاطر و هي حاملة كاتفشش عليه كي بغات و هو ماقدرش يخسر ليها خاطرها ولا يقول لا !! زاينة و الحاجة فاطمة و عائشة و هند مشاو مع الشيفور و الحاج أحمد و طاهر ركبو فطموبيلة طاهر و ياقوت و عُمر فطموبيلته شادين الطريق و يديه مشابكة مع يديها طالقة أغنيتها المفضلة هادئة و رومانسية مناسبة شخصيتها اللطيفة .. واخا العياء و الدوخة و السخفة ولكن راشقة ليها حيت غاتشوف عائلتها لي توحشاتهم دبصاح ..

عُمر( .. طلع يديها و باسها) .. تتحسي بروحك مليحة ؟

ياقوت( .. إبتسمت) .. ااه حمد الله ! ماتخافشي اعُمري ..

عُمر( .. باغي غير يزيد يسمع صوتها) .. زيدينيي !!

ياقوت( .. ضحكات) .. شني غانزيدك الحب !! نزيدك دبا بلا مانفكار نتينا غير قول وأنا نزيد ..

عُمر( .. قهقه حتا تغمضو عيونه) .. زيدي سمعيني صووتك !!

ياقوت( .. ضحكات حتى بانو سنيناتها) .. راه ديما كاتسامعوو ..

عُمر( .. طبع قبلات متتالية على يديها ونطق بنبرة حرشة) .. مانيش ساخي بيه !! ( .. شاف فيها بطرف عينيه) .. واشتا تشهات مدامتي نجيبولها ؟

ياقوت( .. عضات شنايفها) .. بغايت تشوكلاط ..

دخل لسطاسيون و بلاصة طموبيلته كايحيد السمطة ..

عُمر( .. غمزها) .. دروك نعمرهالك بالشكلاط ..

ياقوت( .. خرجات فيه عينيها) .. اممم ؟ ( تحمرو حنيكاتها فاش شافت نظراته ليها و كيفاش فهم بلي عقلها مشى بعيد) .. اواعدي يانا ماتفهمنيشي غلط !!

ضحك من كلامها و سد الزاح لي حالة و نزل سد الطومبيل حتى غبر من قدام أنظارها حيدات شالها و نزلات الزاج كادو فعينيها و عيون أخرين من بعيد مراقبها حتى خرج من طموبيلته و قصدها نيشان شافته كايشوف فيها و عينيه جيهتها عرفاته جاي ليها دغيا لبسات شالها على راسها ..

..