أشباه الرجال 🫀مكتملة🫀

🫀الجزء 3🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الأول:جرح الروح🫀
°●الجزء: الثالث (3)●°

علال كايسوg بسرعة و الصمت بيناتهم فقط أنين ياقوت هو لي كايتسمت ..كولهم خايفين عليها لاقدر الله تموت ليهوم قبل مايوصلو ..

خيري(نطق بصوت حاد قفزهم كاملين): شنيي خارجك في هااااد صهد!!! .. نتينا عارف العقارب  عطاااوم الله ماعندااك عقال نتينا كا حماااقتي !! ..

حليمة(كاتهدن فيه): صافي ابا .. ماتقولشي هايدا!!

مجاوبهاش جالس معصب بوحدو بحالا هي بغات يوقع ليها هكا!! .. مدة ماشي طويلة حتى وصلو لڤيلاج دخلوها نيشان لمستعجلات كانت عامرة شوية بناس واقفين كيشوفو معارفين منين يبداو الخلعة تلفاتهم حتى مشات حليمة عيطات على الفرملية دخلهم ..

حليمة(واقفة غير بزز رجليها مقادينش عليها):
اختي العايلة لعسا عقرب غاتموت!! ..

الفرملية(حيدات الكمامة و جاوباتها بهدوء): واخا تسناو شوية !

حركات ليها حليمة راسها رجعات عندهم جلسو فالإستقبال شي نص ساعة و هوما كايتسناو تما باش يدخلوها ولكن والو كل دقيقة كاتسول حليمة كاتقول ليها الفرملية تسناو صافي حتى عياو و فقدو الأمل أنه يداويوها و كاع الأفكار السلبية طاحو فبالهم و خصوصا حليمة مابقا ليها والو و يخرج ليها العقل بالخوف ..!

حليمة(عينيها عامرين بدموع شدات وجه ياقوت):
ماتخافشي غاتبرا ان شاء الله غاتبرا ..

ياقوت غير تاتحرك ليها راسها .. فأي لحظة اقدر تغيب و تفقد الوعي ديالها .. حليمة وصلات فيها العظم .. مجرد أنه كايطيح فبالها بلي ياقوت اقدر تموت و هي فحالة لا تبشر بالخير كاتبغي هي لي تموت بلاصتها .. واخا ماشي بنتها و ماولداتهاش ولكن معتابراها وحدة من بناتها رباتها و قراتها و علماتها و كانت ليها الأم الثانية .. مابقاش عندها جهد لي يغوت مشات جلسات حداها كاتعنق فيها هي لي قربات تغيب و عيونها كايتسدو ليها كاتحلهم غير بزز .. خيري كايصوني على طبيب معرفة بيناتهوم هو لي يقدر يسلكهم عارف بلي هنا مهمش و بزاف مغايدخلوها حتى طلع روحها ويقولو الله يرحمها حنا درنا لي علينا و هوما أصلا مدارو والو !

.. تيليفون فوذنيه كايتسنا يجاوبو و عينيه على ياقوت و حالتها شوية د الخوف تحركات لداخل ديالو هو لي عمرو بغا يخضع لهاد الإحساس لي كايراوضه في كل مرة معارفوش واش غير من الشفقة و لا حيت حفيدته و ماخصوش يعاملها قاصح ! ..  هو فوجهة نظره كايشوفها هي سبب المشاكيل و المعاناة لي دازو فحياته و هي فالحقيقة مادارت لا بيديها لا برجليها ..!!

-  مدة و هوما كايقولو ليهوم يتسناو حتى تموت تما ..!! و من زهرهم يالاه دخل الطبيب يتناوب جات نيشان عينيه عليها من بين كاع دوك الناس حيت  حالتها كانت بالفعل كاترجف القلب! .. عيط على الفرملي يجيب البياص حيت الجهد مابقاش ليها دخلوها يداويوها فالبلاصة يداويوها و حليمة و نادية مخلوعين عليها ديال بصاح العقرب سمو مساهلش و شحال من واحد كانت نهاية حياته بسبابو.. شحال و هوما كايتسناو غير ايمتا يدخلوهم عندها ولا غير يخرج الفرملي يعطيهم الخبار مغايرتاح بالهم حتى يشوفوها .. و بالفعل دازت مدة حتى خرج الفرملي قاليهم بلي حالتها ولات مزيانة و قدرو يعتقوها و خداو الموافقة من الطبيب عاد دخلو عندها لقاوها مستلقية على البياص وجها صفر نقطة الدم مكادورش فيه شافت الموت و نجات بفضل الله و تكتب ليها عمر جديد ! ..

حليمة(جلسات جنبها كاتبوس يديها و دموعها كايطيحو وحدة بوحدة): حمد الله ، حمد الله رَبي كبير ..

نادية(واقفة حداها كاتبتاسم): على سلامتك أختي ..

- بإبتسامة شاحبة ردات عليهوم ماقدراتش تهضر مهدودة و عيانة لأقصى درجة ! .. خيري غير طل عليها ولقاها مزيانة خرج من تما بلا كلمة بلا جوج .. سول الطبيب ايمتا يخرجوها علمهم بلي وقتما بغات هي تخرج تخرج لأنه مرحلة الخطر دازت منها .. و خرج ليها الطبيب شي vيتامينات يعطيوها الطاقة ! .. حليمة و نادية عاونو ياقوت حتى خرجوها و ركبوها فطويوتا و خواطرهم رتاحو ! ..

- وصلو مع أذان الفجر دخلو ياقوت لدار ترتاح و يرتاحو حتى هوما و خيري مشى لمسجد يصلي الفجر حليمة نعسات حدا ياقوت مونساها لأنه لي دازت منه ماشي قليل رجعات من الموت بعدما فقدو الأمل أنهم يداويها كاع .. !

#يتبعععع🔞