أشباه الرجال 🫀مكتملة🫀

🫀الجزء 75🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 75●°

ياقوت: .. شني وقاع ا عُمر ؟ ..

سالا مع زاينة و قطع بقا واقف كايكتب ميساج و صيفطو ليها وجمع تليفونه دارو فجيبو و شاف فياقوت ..

عُمر: .. ماصرا والو!! .. تروحي لڤيلا ولا نحوسك فوجدة ؟ ..

ياقوت( .. إبتسمت ليه) .. صراحة ماكرهتشي نشوفا !! .. فخبارك عومرني سمعت بيا وجدة .. ( بعفوية) .. كانعرف أكادير كانت ساكنة فيا ويحدة قرات معايا .. و كانعرف الحسيمة و فاس و دار البيضاء و بزااف و كاين لي ماكنتشي كانعرفوم بحال وجدة ..

ضحك من كلامها و هز سوارته فوق الطبلة و هي جمعات الصاشيات و خرجو من الدار و ركبو فالسانسور حتى نزلو وحل ليهوم العساس الباب .. حل طموبيلته و ركبو و غادرو المكان ..  دخلو للمدينة و داها مجيهت باب سيدي عبد الوهاب وباب الغربي  والشاريع ومن تما فوتها على لبارك .. ياقوت غا كاتشوف من السرجم حيت اول مرة غاتكتاشف هاد المدينة مرة كاتسولو على شي بناية وهو عاطيها الخاطر وكل حاجة كايشرحالها بالتفصيل ..

عُمر (وشيرلها بيديه لواحد البناية) .. العمالة دوجدة!! ..  و لي گدامها  كنيسة !!

ياقوت: كنييسة ؟ .. فيا المسيحيين لي كايصليو فيا ؟

عُمر ( .. كايسوك ومرة مرة كايشوف فيها) : لا راها مبلعة!! ..  گلييل لاجات شي بعثة !! ولا د المسيحيين كايفتحوهالهوم !! ..

ياقوت(حركات ليه رأسها): .. وهايد العمالة هي فاين خداام نتينا ؟ ..

عُمر: .. لا!! العامل هو لي راه خدام فيها .. أنا نخدم فالولاية نتغداو و نفوتو عليها !! ..

زاد بطموبيل حتى وصل قدام اوطيل تيرمينيس  سطاسيونا ثدام الباب جا العامل حل الباب و عطاه الساروت باش يدخل الطموبيل و مشا جيهت ياقوت شدليها فيدها ودخلو الداخل ..  جات موظفة الاستقبال ستقبلاتو حيت معروف وكايجي منين كايكون شي اجتماع ولا  شي وفد من السفراء كايستقبلهوم هنا ..

دخلو الداخل للريسطو جلس و جا لعندهوم السيرفور  جايب الموني  ..

عمر (شاف فيه) .. غدايا كيف العادا !!  ..

ياقوت كاتقرا فالموني لي كان بالفرونسي شدات بلا كويفست .. و شافت ف عُمر بإبتسامة ..

ياقوت: .. شحال هايدي ماكليت ماكلة دبارا ..

عُمر( .. بنصف إبتسامة) .. ماعليكش راك فاهمة واشا راه مكتوب تم ! ..

ياقوت ( .. حطات يديها على فمها كاضحك) .. و شني يحسابليك مانعرفوشي ؟  .. كونت كانقرا بدزااف قصص دالفرونسي و لونغلي حيتا هو و كونت كاندجيب نقط مزيونين مكانفوتشي 19 !! ..( صغرات عيونها) .. كانعرف شويييوش د الإسبانية حيتا هي كونت كانتفرج فالأفلام ديالوم و المسلسلات و خديت منا شوييوش !!
( .. قلبات فمها بحزن ) .. و قرايتي ماكتابشي نكملا! ..