أشباه الرجال 🫀مكتملة🫀

🫀الجزء 79🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 79●°

ضرباتها الفيقة كاتحل عويناتها كاتحكهم حتى دوراتهم جنبها مالقاتوش ! .. ناضت و صحتها كاملة مدكدكة لاحت عليها بينوارها ساترة بيه جسدها العاري عقدات خيوطو و لبسات بانطوفة فرجليها دورات شعرها لجنب   بان ليها تيليفونو محطوط على الكوافوز هزاتو و حلاتو حيت كان بلا كود كاتقلب على نمرة زاينة حتى لقاتها و دوزات الخط ..

ياقوت( .. سمعات الخط تفتح إبتسمت) .. آلو خالتو ! ..

زاينة: .. صباح الخير ازينة البنات .. كي صبحتي ابنتي ؟ ..

ياقوت: .. بيخير اخالتو .. و نتينا كيف صباحتي ؟ ..

زاينة: .. مليحة ابنتي ! .. راها خالتك كلثوم بغات تهضر معاك ! ..

كلثوم( .. شدات عندها التيليفون ): .. سلام عليكم ! .. ياقوت كي صبحتي ابنتي ؟ ..

ياقوت: .. بيخير اخالتو حمد الله و نتينا كيف صباحتي مع السهير ..

كلثوم: .. نشكرو الله و نحمدوه ابنتي ! .. ياقوت ماسولتيش فجدك ؟ ..

ياقوت( .. جمعات إبتسامتها) .. علاش مالو ؟ ..

كلثوم: .. ول البارح تزاد عليه الحال ! .. رجليه مابقاش قدر يتمشى بيها غير عائلة راجلك الله يكتر خيرها جابتليه الطبيب ! ..

ياقوت( .. قلبها ضرب بجهد) .. و وهو دبا بيخير ؟ .. علاش مقالوليلي والو البارح ؟ ..

زاينة( .. شدات التيليفون من كلثوم و جاوباتها) .. ماتهوليش ابنتي ! .. صونيت ل عُمر يسمعها مني و مايكولك والو ولا يسمعها من حد اخر و يجي يكولها ليك و ينكد عليك هادشي فرحتك .. راه ولا مليح دروك غير رجليه كانت عاطياه صداع خايب ماديريش فبالك ..

ثلت ايام متابعة و هي كاتفكر واش تصوني ليه ولا لا ! .. لكن فضولها تيجاه هضرته خلاها دير معاه موعد و يتلاقاو تسمع ليه ! .. نزلات من سيارتها و حيدات نظراتها الشمسية هزات صاكها و قفلات طموبيلتها و تمشات داخلة لداك الريسطو لي كان راقي و هادئ موسيقى هادئة لي مطلوقة و صوت الكؤوس و الطباسل لي كايكسر داك الهدوء .. حيدات نظاظرها فاش شافته جالس كايتسناها مشات كاتخطي عنده بإبتسامة حتى سلمات عليه بيديها ..

هند: .. يحيى صفا؟ ..

يحيى( .. ناض من بلاصته حتى جر ليها الكورسي و جلسات) .. صفا ونتي ؟ ..

هند( .. بإبتسامة): .. نقولو حمد الله! .. ميغسي ! ..

يحيى( .. رجع لبلاصته جلس) .. مارجعتيش لفاس ؟ ..

هند( .. حركات رأسها بالنفي ) .. نو ! صراحة توحشت فاس ولكن تشغلت مع الخدمة و مابقيت مشيت ليها ! ..

يحيى( .. بإبتسامة) .. وقتما جيتي مرحبا بيك! ..

هند: .. ميغسي ! .. هههه عندنا ديور تما ! ..

يحيى: .. و شكون مايعرفكومش ف فاس ! ..

هند( .. رجعات شعرها لور) .. وي ههه! مرة مرة كانهرب لفاس و نبقا فيها دو موا طخوا موا و كتر كاع ! .. على حسب الكانة ..

يحيى: .. مكاتخرجيش برا المغرب ؟ ..

هند: .. ديجا دوزت الويكاند الشهر لي فات فإطاليا ! .. مشيت مع صحاباتي و نشطنا و فوجنا مزيان ! .. قليل فين كانلقا الوقت بسبب الخدمة و المشروع لي بديت فيه !

يحيى: .. بون كوغاج هند ! .. ( .. إبتسم ليها) .. و ماسين ماناوياش تصالحي معاه ؟ ..

هند( .. خسرات ملامحها ) .. نو !! .. داكشي لي دار ليا مغانساهش حياتي كلها ! ..

..