أشباه الرجال 🫀مكتملة🫀

🫀الجزء 151🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثالث: وجدان القلب🫀
°●الجزء: 151●°

زاينة خرجت من عندها هابطة تستقبل الضياف و تطل على ترتيبات ، أما الياقوت بحذر حطت جنى ناعسة في كونتها الوردية كتقاد عليها ملايتها الصغيرة و تفقدها ما حست غير بيه دور يدو على خصرها جارها عندو حتى بعدو 2 خطوات ، ما تخلعات ما دارت حتى رد فعل سوى تبسم كانت متأكدة حتى مخلوق في الدنيا ما يقدر يدخل قلب بينها و يشدها داك الشدة من غير راجلها زيادة على ريحتو شماتها فاش دخل بالحس حتى شدها ، طبع بوسة خفيفة على عنقها خلاتها تتلوى بين يديه ...

ياقوت : عمر الحبيب دقالبي !

طلق من خصرها و دورها حتى جابها قدامو وجها عند وجهو قراب و طبع قبلة على جبينها برضى تام و حب ...

عمر : ( بصوت رزين خشن ) الياقوتة د عمر ! ( نقد على شفايفها كيبوس متعطش لهم ) ..

بعد مدة من القبل حسات بالوضع غيبدا يخرج عن السيطرة بزز بعداتو عليها بالشوية و مبتسمة ...

ياقوت(بصوت حنين) : عمر أحبيبي ماشي واقتو دبا يرحم يماك ، نزلو عند الناس كلشي كيساين فينا ...

عمر(بنظرة هائمة) : و يستناااو مالي يانا فيهم ؟ لي فيا حابك نتي المرضية ! ..

    سمعو صوت بكية بنتهم جنى فاقت على إثر أصواتهم بدات تتسااعد باش تطلق زواݣة عالية ...

ياقوت : شفتي شني عملتي هاهي فاقت ..!

خلاتو كيضحك و مشات هزات جنى كتسكتها مغوبشة ، قرب بضع خطوات و تحدر براسو باس جبين بنتو و يدها و هز راسو في ياقوت ...

عمر (تيتبسم): طلگي البشرة الياقوتة د عمر !! ...

ياقوت : ( ضحكت لو ) وهنا ! نزل تعطالنا عليوم لتاحت ...

ما خرج من عندها حتى عطاها تنبيهاتو منها تنقص من ماكياجها و دخل زغيبات شعرها و توقف بعيد على رجال وهي مسايراه على خاطرو عدلت أخر اللمسات و هبطت للأسفل حاضنة جنى ...

   في الصالون الكبير مجمعين النسا د العائلة بأبهى قفاطن و تكاشط في الألوان و تصاميم مختلفة و المكياج و شعورات مدلية تغني ياليل يا عين ...

فور ما بانت لهم ياقوت كي شمعة مضوية مع بنتها طلقو زغارت و صلاة على النبي صلى الله عليه وسلم فرحانين مقداهم فرحة ...

هند : ( سلمت على ياقوت و بعدت كتلعب بصبعها مع جنى ) ربي يحفظها لكم الحبيبة ديالي و يطول في عمركم ...

ياقوت : أميين أهنودة العوقبة عاندك ..

هند(تتضحك) نو ! أنا مرتاحة في حياة العزوبية ههههه

ياقوت(ضحكت ليها) دبا يجي لي يخارجك منا ..

   وقفو النسا مورا الحيط د الزاج المطل على جردة ديال الڤيلا متقدمة الياقوت كيشوفو مراسم الذبـ..يحة على برا كان 2 رجال موقفين حولي سردي كبير تبارك الله و سمين قرونو طوال ملويين ، واقف موراها عمر و معاه طاهر و الحاج ، الرجال تكاو الحولي في الأرض شادينو و جاو 2 أخرين دارو إيزار بيض كخط فاصل بين الحولي و عمر اللي عطاوه جنوي كبيرة و ماضية خاصة للذبـ..ح ، نزل محني على الحولي كيقرا و يتمتم وماهي إلا ثواني حتى دوز عليه تدويزة وحدة خلات دمو يشرشر سخوون ...