أشباه الرجال 🫀مكتملة🫀

🫀الجزء 10🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الأول:جرح الروح🫀
°●الجزء: العاشر (10)●°

بقا كيما هو حوايجه غطاهم بيها من البرد و قطع منهم باش يحبس الدم لي فراسها .. خلا كولشي وراه لا من البهايم و الصندالة مشى حفيان فداك البرد .. كايسرع فخطواته غير باش يوصلها لدارها الراجل لي داز من حداه كايبلق فعينيه الرجال مفاهمين والو .. مع وصل لحدا دارهم دق بكاع الجهد لي عنده حتى طل عليه خيري و كاع الجيران خرجو من دارهوم فاش سمعو صوت خيري مفزوع كيغووت ..

خيري(عينيه غير على الياقوت): شني وقاعلا ؟؟ هضاااار؟؟

الراجل (دفعو و دخلها لدار ): العايلة لقيتا طاحت فالواد !! .. فاينا يماها ؟؟

خيري(ماعرف باش تبلا): يماهاا معاها !! .. مالقيتيهاشي معاها هضااار خلاص ؟؟

الراجل (حطها على الفراش و جاوبه مفاهم والو): لقيتا بوحدا مكانشي معاها حيتا واحيد !! ..

مرات خيري الثانية لي تزوجها على جدة ياقوت لي توفات سنين هادي كانت  كاتصلي مسالات حتى بغات طيح بالخلعة خلات الصلاية وراها مجمعاتهاش عقلها غير مع الغوات لي سمعات و هي كتصلي دخلات عليهوم مخلوعة وجهها صفر ..

***(شافت فياقوت لي فاقدة الوعي): شني وقاعلا ؟ ..(رجعات عيونها لخيري) .. هضار ! (مشات جلسات حدا ياقوت و قالت مخاطبة الراجل) .. العايلة فاينيا ما ؟

الراجل: مالقيتاشي معاها  ! ..

قاست داتها لقاتها باااردة ديال بصاح ناضت سخنات الماء الراجل مابغاش يمشي حتى تفيق عاد يرتاح هزها لطواليت كيخيويو عليها الماء الدافي و نقاو ليها جرح لي فراسها و دورها توب نقي على راسها باش كايسيلش الدم تاني بعد ما حبس بقاو معاها مدة كيتسناوها ايمتا تفيق ساعة ! و ساعاتين عاد بدات تحل فعويناتها بثقالة و في فمها كلمة وحدة هي "ماما" ..

***(كاتشوف فيها عاقدة حجبانها ): فاينيا يماك؟ ..

ياقوت(كاتبان ليها غير الضبابة و بزز باش كاتهضر):
دخلات الواد شوفتا بعيني .. شوفتا مشات معاه ..

بدات كاتبكي بصوت مامسموعش حيت الجهد مكاينش خيري و مراته مصدومين دبصاح من كلامها فهمو مها بلي ماتت ! .. خيري غوت بكل حر جهده مخاطب مراته ..

خيري: كوووو كانت عايلة حرة مايطلقااااشي !!! ..

***(كاتهدن فيه): سكووت سكووت الناس اتسمعاك سكووت غايزيدو يهضرو اعلينا كتار !! (عقدات تعابيرها و قالت حاقدة) .. ماقدراتشي تحافظ على راجلا و زواجا بسبابا رجاعنا ضحكة تناس !! ..

الراجل(كايشوف فيهوم مصدوم): مش حشومة تقولو هايدا !! .. كان مزواج و تزوج بنتاك انتو عارفين هو مزواج قبلا و ماقلتولاشي والو و كولتشي باين ! ..

خيري(شاف فيه بحدة و قال مغدد): تينا مش سوقاااك !! .. الناس كولا عارفا هاتشي و هو ماقدارشي يصباارلا على هبالا!! .. تصبار هي بعدا هاتشي و ماعرفاتلو ! ..

قلبهم قصح كتر من الحجرة ! .. ماراعاو لمشاعر البنت الصغيرة لي كاتمسع ليهوم كيلومو ماماها و مكتافاوش بهادشي فقط بلى كيلموها حتى هي معاها و من هادشي كامل باها هو لي طلع بريئ و ماشي هو لي غلط! .. دارو بالهم مع كلام الناس ونساوها هي لي كاتعذب .. ونساو حتى بنتهم لي ماتت منتاحرة ! ..
الطلبة كايقراو على روحها القرآن و أغلب ناس داخلة تبركك باش تدي ماتعاود و منهم واحد جوجات دارو العذر بيجيو يعاونو فالطياب و الشغال لكن هدفهم فقط الهضرة في عرض الناس ..

المرأة 1(حطات لي فيديها و قالت بهمس ليحداها):
سماعتي شني كيقولو ناس ! ..

المرأة 2: سماعتوم سماعتوم ! .. قالو ماماتتشي موتة عادية على مقالو انتحرت فالواد! ..

المرأة 1: لي عمال ذنب يستاهل العقوبة ! .. و تينا فاين عرافتي ؟

المرأة 2: اواعدي كولتشي باين! .. فاينيا الجثة يصاليو عليها ماسماعت حتى واحيد يقول صلاو عليها راجلي و قالي ماتشوفنا والو ! ..

المرأة1(زادت قربات حداها ): موتا حسنلا من عيشتا .. شني ماقدراتشي تصبار لراجلا ! ..

المرأة 2: قالو تزواج ويحدة أخرى فدايك المدينة الكبيرة شتايقولولا ؟ ..

المرأة 1 : دربيضا؟

المرأة 2: اياااه هي قالي راجلي لي خدام معاه فالمرسة شافا دايك لي مزواج بيها قبال روقية من تشوفة لاولا حلاف حتى يديها و تزوجا بلا خبار باه و هو خاطبو لو يماها د ياقوت"روقية" من و هي عندا ترطاش عام (13) ..

المرأة 1(شداتها فيديها و جراتها لبرا): يالعايلة فاين كونت مخابي هاتشي كامل زيد قولي شني وقااع معاووم ؟ ..

المرأة 2 : وشني انقولاك ياختي ! .. ناض صداع كبير باينو و باين باه د حسن قالو بنت خالك غادزوجها بغايتي ولا كراهتي و دزواج بي روقية بز مانو .. كولوم عارفوه مزواج قبال و روقية مافخبارا والو احتى عمال كسيدة بالموطور و تلاقو فنسبيطار تاما عارفاتو تزوجا عليها .. (حطات يديها على فمها حابسة ضحكة) .. كرشا لفما حملت بولدا التاني و روقية فيدار غافلون هههههه ..

المرأة 1(خسرات تعابيرها): يارب سلامة هات لماصايب طاحو علوم فاش والدو داك ياقوت .. كايما وقاع لفاطمة لي ماتت و هي كاتولاد فبنتا ماجيين مع نحسهوم من الكرش ..

المرأة 2:الله يناجينا من نحسوم ..

بعد ما شبعو النميمة ديالهم فيهوم و هوما فقلب دارهم و مشاركين الملحة و الطعام ! .. اللومة ردوها كاملة لجنس الأنثوي حيت الجنس الذكوري مكيغلطش هو مهما دار فراه هو على حق ! ..

#يتبععع❤❤