أشباه الرجال 🫀مكتملة🫀

🫀الجزء 43🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: خمسة و ثمانون ( 43)●°

ياقوت شافته كيخنزر قلبات عينيها كايبان صعيب من شوفاته لكن هو غير مسطانعهم ..

كلثوم(كاتهضر بلا خاطر): .. غادي لدار ؟

حسين(عينيه باقي على ياقوت مصغرهم فيها): .. هادي هي بنت الواليد ؟ ..

كلثوم: اه هادي هي ياقوت ! .. سير معاها لدار ماتخرجش حتى نجي بقا معاها راه كاتخاف تبقا بوحدها ..

ياقوت(شافت في كلثوم): .. ونتينا اخالتو ؟ ..

كلثوم(طبطبات على ظهرها): .. باقي تابعاني الخدمة ابنتي .. متخافيش حسين معاك وأنا العصر غانسالي ..

توادعو و مشات ياقوت مع حسين غادين فطريق كاتشوف فيه كيفاش مخرج صدره كايعيق على لي دايز حداه .. وقفات كاتسناه فاش دخل لحانوت شرا الكارو و حطو على وذنيه حتى لدار و يشعلو ! .. حل حسين الباب و دخلات معاه ياقوت ..

حسين(مطلع حجبانه و كايهضر معاها): .. صبري نكمي و نقاد المزاج ! ..

ياقوت(خسرات ملامحها): .. ولكن غايضراك تاكشي ..

حسين(دارو في فمه و شعلو بالبريكة كايسوط الدخان و كايهضر بقلة عقل): .. الرجلة عند لي كايكميو ابنت الواليد ! .. لي مطايكميش ماشي راجل ..

ياقوت(دايرة يديها على نيفها خنقاتها ريحة الكارو): .. اواعدي اخاي خناقتيني .. !

طلعات مع الدروج مشمائزة من ريحة الكارو وصلات لفوق عاد حيدات يديها كاتنفس دخلات لبيت ياسمين حلات السرجم حتى سمعات صوته كايعيط ليها بقوة خرجات بزربة خايفة منه كيخلعها غا دياك لوشام لي داير و دوك شراطي لي فكتفه ..

ياقوت: .. نعااااام ..

حسين(مطلع حاجبه كايشير ليها تقرب عنده): .. اجي هنااا ..

ياقوت: .. لا لا نتينا خانز بي ريحا دي الكارو ..

حسين(لاحو من الشرجم ): .. يالاه اجي دابا ..

ياقوت(كاتقرب عنده): .. شني بغايتي ؟ ..

حسين(جلس على السداري): .. ديري ليا المساج لراسي كايضرني ..

ياقوت(طلعات حاجبها): .. مكانعرفولشي اخاي .. عملو راسك ..

حسين(بترجي): .. و عفاااك اياقوت ماتكونيش بحال ديك القلوة د ياسمين ..

ياقوت(زعمات عليه و مشات جلسات حداه كاتحك ليه راسه): .. هايدا ؟ ..

حسين(مغمض عينيه ): .. لتحت لتحت ..

ياقوت(نزلات يديها شوية لتحت): .. و دبا ؟

حسين(مسترخي عاجبه الحال): .. الله الله على راحة الله ..