أشباه الرجال 🫀مكتملة🫀

🫀الجزء 69🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 69●°

نزلات من الطموبيل عاد حلات تيليفونها لي كان دايرا ليه صيلونص .. لقات ميساج ياقوت فالواتساب و إتصالات كلثوم دخلات قرات الميساج و عقدات تعابيرها و شافت ف هند لي يالاه سدات الطموبيل لايحة الساروت فالصاك ..

هند( .. شافتها كاتشوف فيها إبتسمت ليها و نطقات) .. مالك ؟ ..

ياسمين( .. يالاه بغات تسد تيليفونها باش تجاوبها حتى طلع ليها ميساج قراته و عينيها كايوساعو) .. هاويلي النتائج خرجو !! .. (سدات تيليفونها مابغاتش تشوف النقطة) .. زيدي ا هند زيدي اليوم تدفني كلثوم وانا حية ! ..

هند( .. مفاهمة والو) .. قولي مالك ؟ .. كاين فاش نعاونك ؟ ..

ياسمين ( .. حركات راسها بالنفي) .. لا اصاحبي غير تحركي تدخلي مكاين شاي !! ..

دخلو لدار و ياسمين مشات نيشان كاتقلب على كلثوم لقاتها جالسة مع العيالات شافتها كلثوم كاتشيير و ناضت عندها جراتها لبلاصة خاوية مايسمعهم حد ..

كلثوم( .. مزيرة على يديها و سنانها) .. وليتي تمشي لبيران ابنت الحرام ؟ .. ( .. جراتها بقوة من كتفها) .. وليتي تسكري ؟ ..

ياسمين( .. تضهشرات بحال شي صفعة قوية جاتها على غفلة) .. شمن بار يهديك الله اماما شمن ؟؟ .. (جرات كتفها و حجبانها معقودين) .. اشبيني و بين شي بار أنا؟ ..

كلثوم( .. ضربات فخضها بفقصة و أشارت لوذنيها) .. بودني سمعتك ابنت الحرام قلتيها !! .. ( .. حطات يديها على وجهها كاتولول) .. ناس يولدو بنات الناس وأنا والدة الخطية !! .. اشدرت فحياتي اسيدي ربي اشدرت !! .. ( بعيون مدمعة و بحرقة كتاكل صدرها.. ) .. لا راجل يحمر الوجه لا ولاد يعمرو الكتاف !! .. ضربت معاكوم تمارة و حفيت صحتي عالخوا .. شي نهار نهز حوايجي ماتعرفوني فين زدت !! ..

ياسمين ( .. وجها رجع حمر قالبة فمها و الغصة واحلة فحلقها) .. صافي ا ماما !! .. ( بعدات منها بخطوة) .. نكدتي عليا خرجتي !! .. ماتخليوني نعيش حياتي كي بغيت ماتخليوني نخرج وقتما بغيت !! ..

كلثوم( .. عاضة على غضبها مابغاتش تشوه مع الناس) .. ربي يشوف من حالي و يهنيني منكم !! .. ( .. شهقات و الدمعة وصلات لخدها) .. ربي يديني فالضو و مانزيدتش نتعذب معاكوم .. لا حياة معاكوم لا مستقبل !! .. ( .. ضربات صدرها ) .. الله يشوف من حالي عييت و صبري تقاضى !! ..

واقفة بلاصتها و كلامها خلا خاطرها يضرها !! .. فين عرفات ؟ و فين سمعات؟ .. فبالها ياقوت هي لي قالت ليها فين مشات !! .. عقدات تعابيرها و هي عارفة ياقوت ماشي من النوع لي كايوصل الهضرة .. تنهدات و مشات خلات كلثوم واقفة شادة فراسها مابغاتش تزيد معاها دقيقة أخرى كلامها ضرها فخاطرها و ماستحملاتوش ..