أشباه الرجال 🫀مكتملة🫀

🫀الجزء 30🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: ثلاثون (30)●°

عمر(سمع صوتها ماشي هو هداك عقد حجبانه): واشا صراليك ؟ ..

زاينة(دموعها كيسقطو على خدها بدون توقف): تلفات بيا دنيا اولدي ! .. مشى لي كانتسندو عليه ..

عمر(غمض عيونه بصبر و قال ): واشا دارو ليك عاود ؟

زاينة(مسحات دموعها):  ماديرش فبالك .. فاتو امتحاناتك ؟ ..

عمر: سيمانة تفوت و نجي ! ..

زاينة: الله يوفقك اولدي تهلا فراسك ! ..

قطعات عليها و هزات بنتها بغات تنعسها و تنعس حتى هي ترتاح ! ..

فلتحت جالسين لويسات و العكوزة لي محمزمة راسها بزيف ! .. راسها بدا يضرها بسبب زاينة مابغاتش تخضع لحكامهم الخاوي ! .. ضايرين بماهم جوج فجيهة و جوج فجيهة ..

العكوزة(شادة راسها): واشا راها باغا تهبلني ! ..

اللوسة(خسرات ملامح وجها و قالت بغيض): هاديك امي حسن تهود لدار لتحت .. تسكن مع الفيران و سراق الزيت و هي و البزاوز الدار مانقدروش نخرجوها منها الناس مايرحموناش (بتفكير طويل بعده كملات كلامها بخبث) .. نگطعو عليها الماء و الضوء تمشي تروح من هاد دار براسها ! ..

العكوزة(ناضت من بلاصتها): وصلي لها الهضرة تجمع حوايجها و تهود لتحت ! ..

طلعات عندها باش توصلها الخبار دخلات عليها بلا حتى مادق وقفات عليها كي ملك الموت ماعرفات منين خرجات ليها ..

***: كالت لك مي هودي لدار لي لتحت تسكني فيها! ..

زاينة(كانت كاتنعس فبنتها عقدات حجبانها فور مشافتها دخلات): مكاتعرفيش تهضري بشوية؟ .. شاغاندير أنا فلتحت؟ ..

***(طلعات حاجبها): غاتهودي لتحت ! .. كلتي زواج لا و دابا لا راكي ضسرتي! ..

زاينة حركات ليها راسها و هوما كيخنزرو فبعضهم .. ناضت جمعات حوايجها و حوايج بنتها ايما حتى حوايج عمر كيديهوم معاه لدخيلية ! ..

اللوسة: صاي ! جمعي حوايجك الفراش كاين لتحت!

هزات بنتها فظهرها و حوايجهم نزلات لتحت كامل لي كايقول ليه لاكاب .. مع حلات الباب ضربات فيها ريحة الغمولية و الغبرة مشتتة تما .. أعوام و أعوام و تما مسدود يحسابلها نقي و فيه كولشي ولكن تصدمات فاش لقات حالتو حالة ! .. دخلات قاست الفراش لي تما كان مغبر و شابع غبرة نييت .. حيدات زيفها و فرشاتو على الأرض وحطات فيها بنتها .. حلات باب الطواليت لقاتها بعدا مزيانة ماشي بحال الدار ! .. لقات سطل تما مع الكراطة و الشطابة .. دارت السطل تحت الروبيني حلاته لكن الماء مكاينش ! .. خرجات من تما وقفات حدا دروج كاتعيط للوستها ..

زاينة(بصوت مرتفغ باش تسمعها): فين راه الماااء ؟؟

كانت طالعة لسطح حتى سمعاتها من الفوق إبتسمت بمكر و جاوباته بكل برود  ..

-المااء مݣطووع ! .. (طلات عليها من فوق حديد د دروج) .. و حتى الضوء !

#❤️🔥🔥🔥❤️