أشباه الرجال 🫀مكتملة🫀

🫀الجزء 131🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 131●° 

طلعت الشمس و صبح الصباح فاقو بكري باش يرجعو لدار ! .. عمر داز وشرا فوقية يلبسها حيت اليوم كاينين الطلبة عاد كملو طريقهوم لدار لقاو الكيطون حدا الدار مجموعين فيه الرجال ..

عمر( .. قفل الطموبيل مطلع حجبانه ) .. ماتخرجيش من الدار !! .. تحبي شي حاجة گوليهالي !

ياقوت( .. حركت راسها و إبتسمت) .. واخا ا عمري !

دخل عند الرجال وهي دخلت لدار وطلعت لفوق كاتقلب على ياسمين مبانتش ليها عرفتها غاتكون مع النساء لي جاو يعيزو فالصالون .. تصادفات مع كلثوم لي كانت خارجة بنيت من الصالون للباسها الأبيض  و حليمة خرجات بعدها ..

كلثوم( .. شافت ياقوت) .. ياقوت فين كنتي ابنتي ؟ ..

ياقوت( .. مشات عندها و باستها) .. كونت مع عمر بتنا فالأوطيل ! ( سلمت على حليمة) ..

حليمة( .. حركت راسها) .. عماماتك لداخل .. عمل راسك ماشفتيومشي ! ..

ياقوت( .. خسرت ملامحها) .. علا اساس غانطيح عليوم و نعنقهم !! (تأفأفت) .. ياربي تسمحلي حتا الشوفة ماتقدرشي تكمليا فيوم من كتر ما قلبهم كايعكس وجههم !!

كلثوم( .. تنهدت) .. الله يهديهوم وصافي !

دخلت لصالون عينيها جات نيشان فياسمين .. لاحت السلام عليكم و مشات جلسات حداها ..

ياسمين( .. إبتسمت و غمزتها) .. فين كنتي ابنت الهم امم ؟ ..

ياقوت( .. إبتسمت و نطقت ) .. كونت مع عمر !

ياسمين( .. طلقت ااه طويلة) .. عندك لي يوقف معاك و يونسك فهاد الفترة يااختي !! ( .. همست ليها و شافت بنص عين فبنت عمها لي كاتشوف فياقوت) .. بنت عمتك كاتشوف فيك هي و عمتك !

ياقوت( .. طلعت حاجبها) .. ماتشوفشي فيا تينا خليا تميق كيف بغات! ..

العمة( همست لبنتها) .. هادي ياقوت ولا كدبت ؟ ..

البنت( .. كاطلع فيها و تنزل) .. ماعرفتشي !! بانلي غادكون هي !!

العمة 1( .. جامعة يديها عندها و همست لختها لي حداها) .. هاديك لي جالسة حدا ياسمين راه هي ياقوت !!

العمة 2( وسعت عينيها لي محطوطين على ياقوت) .. اممم كبرات و زيانت !! ولات تحماق بالزين كانت ضعييفة دبا غلاضت شني كلات هادي !

البنت( سمعتها و عقدت حجبانها بغيرة) .. فاين جاها الزين ؟ .. كادبقا منحوسة ..

العمة 1: .. كاع ماسلمت علينا !!

العمة 2( بتساؤول) .. واش دزوجت مزال ولا شني عملت ؟ (عيطات عليها) .. ياقوت هادي تينا ؟

ياقوت( .. دورت عينيها بتعابير طبيعية) .. اييه انا ياقوت ؟