أشباه الرجال 🫀مكتملة🫀

🫀الجزء 82🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 82●°

بعدما طلعات و هي كاتبكي بدلات حوايجها و لبسات بيجامتها و جلسات مربعة يديها و هو فاش حل عليها الباب قلبات وجهها .. نيشان مشى بدل عليه الفوقية لي لابس و لبس سروال دجين فالكحل و قميجة فالكحل حتى هي شافته كايبدل يحساب ليها غايخرح ناضت بزربة عنده معنقاه من لور و مزيرة عليه ..

ياقوت( بعتاب) .. علاش غوتي عليا قدامهوم؟ ..

عُمر( .. شدها من يديها و دورها عنده و دفعها على الماريو حتى توجعات من النطحة لي تنطحات) .. علاه هودتي بلا ماتشاوريني ؟ .. واشراك ديري مع السبعة دصباح فلتحت ؟ ..

ياقوت( .. بصوت باكي) .. عزيزة هي لي عيطاتلي نزل عاندا !! ..

عُمر( .. بحدة) .. عزيزة هي لي كاتبة علك ولا نا ؟ ..

ياقوت: .. لا نتينا ! .. ( نزلات عينيها) .. نتينا مشيتي تصلي !! ( طلعات فيه عينيها و مدات يديها سدات ليه جوج صدايف محلولين فقاميجته و حطات يديها بجوج على صدره) .. صافي سماحلي !

عُمر( .. عقد تعابيره و نطق بجدية) .. ماتمشي لحتا بلاصة بلا ماتگوليهالي !! .. نبغي هادشي مايتعاودش !

ياقوت ( .. طلعات يديها مرراتهم على عنقه حتى استقرو فشعرو و أصابع يديها كايداعبو شعرو من جدور) .. صافي ! .. ( كملات كلامها بدلال) فاش نكون ماشا لشي بلاصة غانقولالك هي لولة ! و هاتشي عمرو يتعاود ! ..

عُمر( .. غمض عيونه من ظفارها لي كايقيسو شعرو حيد ليها يديها و شدها بين يديه كايبوسها) .. يديك هاد عمرها تتحط فالما دالشقا! .. ( زاد فقبلاته من برا يديها و لداخل و عينيه فعينيها) .. و ماتخدم حد ! ( غمض عيونه كايستنشق ريحة يديها لي كانت كادهنها بالمرطب إبتسم و نطق) .. نتي تأمريهوم و هوما يخدموك !! ..

ياقوت( .. وساعت إبتسامتها و زيرات على يديه) .. يدياتي يخدموك غير نتينا ! ..

..

عُمر(شابك أصابعه مع أصابعها) .. راني گابض روحي علك بالسيف!! ( .. طبع قبلة على عنقها حتى تأوهات و سد ليها فمها) .. شوووت ! ..

ياقوت( .. دورات يديها عليه و دفنات راسها فعنقه عضاتو بسنانها بشوية بخجل) .. ماتخلينيشي نغوت ؟ ..

عُمر( .. إبتسم و عنقها مزير عليها) .. زگي على خاطرك الياقوت شكون يريضك !

ياقوت( حلات عينيها) .. غير كادقولي هايدا ! .. ديما كاتسدلي دوقمي فاش كانغوات ( وسعات عيونها و بعدات عليه و وجهها حمر) .. اواعدي الصباح هادا ! .. (عضات شنايفها) .. خليا حتى ليل فاش ينوعسو ! ..

عُمر( .. ضحك من كلامها الڤيلا قدها قداش فين ايسمعوها ولكن هي دايرا إحتملات بزاف فراسها سايرها فكلامها و داعب خدها) .. ارواحي تفطري نخرجك تحوسي ! ..