أشباه الرجال 🫀مكتملة🫀

🫀الجزء 84🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 84●°

زاينة( .. حولات نظرها جيهة عائشة) .. من بعد و نخرجو مجموعين ! ..

الحاج أحمد: ديك الجردة خصنا نصلحوها و نزيدو شي حاجة كاتبانلي ناقصة ! ..

عُمر( .. خلى لي فيديه) .. بحالاش الحاج ؟

الحاج أحمد: .. بعدا نصلحو لابيسين هو لول ! زليج لتحت فاش خواه العساس من الما بدا بتشقق و البلاصة لي جيهة الإسطبل خاص شي حاجة تزاد تما بحال شي جليسة تقليدية حيت الفوتويات لي كانو تما و الطبالي حيدانهوم فاش قطعنا دوك الشجار !! (شاف ف زاينة) .. شي جليسة بحال دوك لي كتبغي زاينة ..

زاينة( إبتسمت) .. لا خير نديروها بستيل أخر ! ..

عُمر( .. مسح جناب فمه و يديه) .. صاي أنا نتكلف ! (شاف في ياقوت) .. الياقوت تختار واشراه يتدار تم ! ..

ياقوت( .. سمعاته و إبتسمت بخجل) صافي واخا ماعنديشي موشكيل! ..

زاينة: .. الله يرضي عليك اولدي ! .. (بإبتسامة لطيفة شافت فالحاج) .. كون خليتي الحاج يتكلف باركة كاع داكشي لي راك دير اولدي ! ..

.. ناض من بلاصته و شافيها بعيونه غمضهم و حلهم كأنه كايقول ليها كولشي نديرو أنا ! .. إبتسمت ليه زاينة و ناضت ياقوت من بلاصتها فاش شافته ناض و وقف انسحبو من حداهوم مخليين الحاج أحمد و زاينة و عائشة و الحاجة فاطمة ..

زاينة( .. شافت فالحاج) .. كون غير ماگلتي ليه والو الحاج باركة غير المسؤولية لي هاز و العائلة على گدها !

الحاج أحمد: .. راكي عارفة ازاينة ! حتى لبغيت ندير شي حاجة مايخلينيش نديرها! .. (بإبتسامة) .. هو راس العمدة ازاينة فهاد الدار و العائلة كاملة !

زاينة( .. بادلاته الإبتسامة) .. الله يخليه لينا الى خطانا غادي نضيعو كاملين ! .. و مانعرفو فين نحطو راسنا ..

الحاج أحمد( .. هز يديها باسها) الله يطول فعمرو ! و انا معاك بعد ولدك ..

زاينة( شافت فالحاجة كاتضحك) .. ولدك عمرو يكبر الحاجة ! ..

الحاجة فاطمة ( إبتسمت ليها) .. الراجل هو لي عمرو يكبر مع مراتو ..

الحاج أحمد( شاف بنص عين فعائشة لي كانت خدامة فتيليفونها) .. بقالنا غير طاهر هو لي نزوجوه ! ..

عائشة(طلعات راسها شافت فيه و إبتسمت ليه بإصطناع) ..

زاينة(تنهدات): ان شاء الله حتى تجي لي توالمو !

عائشة( طلعات راسها بزربة و شافت فيها عاقدة حجبانها و ناضت من بلاصتها مشات خلاتهوم متبعين ليها العين ) ..

الحاج أحمد: .. ياكما تقلقات ؟

زاينة( .. بدلات ليه الموضوع) .. غانوض نوصي الخدم يوجدو الغذاء ! .. (إبتسمت) .. اليوم نتغذاو فالجردة ان شاء الله و نعيط على هند تجي ! ..