أشباه الرجال 🫀مكتملة🫀

🫀الجزء 107🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 107●° 

تبعاته بنظرة بإستغراب حتا وقف عليها بإبتسامة و عيون متفحصة من وجهها بالكامل و لمعة إعجاب وسطهم حيدات نظاظرها الشمسية و حطاتهم فحجرها ..

- ممكن دقيقة من وقتك ! غير تنزلي نهضر معاك و رجعي !

ياقوت( .. بإستغراب) .. مانقدرشس نزل اخاي .. شعنداك ؟

-(جبد تيلفونه و مده ليها ) .. واخا تخلي ليا نمرتك ؟

ياقوت( .. عقدات تعابيرها و خنزرات فيه ) .. شني كادقول تينا ؟ (طلعات يديها و وراته الخاتم) .. مزوجة اخاي بعاد مني يرحام يماك راجلي غايدجي دبا يلقاك معايا مايعجبوشي الحال !

-(إبتسمت لجنب هو أصلا من لول راه شافها معاه  ) .. احم واخا سمحيليا !!

يالاه بغا يدور حتى حس بيد جاراها من حوايجه بجهد حتى تقلب مفزوع .. نظراته ركبو فيهم الرعب بجوج لا هي لا هو ! عمره شافت ملامحه ولا نظراته هكا و من خوفها بزربة نزلات و رجليها فاشلين عليها و البكية فعينيها و هي علا سبة اي حاجة فهاد الفترة تطيح دموعها ..

ياقوت( .. بنبرة مرتجفة) .. عُمر !!

عُمر( .. جره بعنف ) .. الخاوة !! عجباتك الوگفة هنا اولا ؟( زدحو مع الطموبيل و الشي لي شافه قبيلة و نظراته ليها خلاوه يتجنن و السيطرة فقدها مابقا يبانليه والو و بيديه هزها و خطبه على كتفه حتا مشى ورجع شده شنق عليه عاض لسانه من لداخل و عروق عيونه برزو و بنبرة قوية نطق) .. واشتا صرا لسانك ؟ تبلع ولا واش ؟

- ( عقد تعابيره من النطحات لي دار ليه دفع يديه و خنزر فيه) .. سبحان الله !! غا سولناها شحال فالساعة مالنا اخويا ؟ ( قاد حوايجه لي تكمشو كايخنزر و هو غادي فحاله حتى وقفه عمر بكلامه) ..

عُمر( .. زفر أنفاسه الساخنة و نطق بهدوء عكس الهيجان لي فداخله) : .. وگف وگف !! فيراك غادي ؟ مزالني مساليت هضرتي ابن عمي !

حط ذقنه و مشى خطى عنده بمشية بطيئة و عيون حادة كايزير على فكه حتى كايتحدد و يرجع يطلقه على طبيعته و لاخر واقف كايشوف فيه و يتسنى يقول شنو عندو باش يكمل طريقه حتا بغفلة ماعرف حتا الدقة كيفاش جاته فنيفه حتى سال الدم بين يديه لي شاد بيها نيفه و زاده الثانية فين تبان للولة ماخلاش ليه الفرصة فين يرد الدقة حيت غفلو و هو يحساب ليه غير غايهضر معاه الناس  تجمعو .. و هي من داك المنظر لي شافته قلبها زاد طاح بين رجليها مشات كاتجري عنده شداته من يديه ..

ياقوت( .. بصوت باكي) .. عُمر صااافي ماتزيدشي تضاربو عفاك صاافي !!

مسح على وجهه كايتمتم ب كلمة أستغفر الله بين شنايفه دفع يديها من فوقه و شدها بين يديه جرها معاه لطموبيل و عينيه مشاو لهاداك لي تجمعو عليه الناس شادينه و شي جا عند عُمر طالبين منه ينعل الشيطان تحتى و هز الشاصي لي طاح ليه طلع فسيارته و دار السمطة و هي قالبة وجهها مكاتشوفش فيه صوت بكاءها هو لي كايتسمع و شهيقها لي محاولة تحبسه لكن تايخرج ليها بلا ماتحس .. الصهدة طالعة معاه فاش كايتذكر بلي راجل من غيره هضر و وقف مع مراته و كون غير كان شي واحد من عائلته و قريب ليه ولكن واحد غريب عمرو شافه ولا عرفه و لا حتا هي عارفاه و عمرو طاح فهاد الموقف و لا تضارب و تقاتل مع شي واحد كايعطي غير البارد و كلامه يسالي بيها الخلافات ولكن غيرته عليها خلاته يتصرف هكا و لي مزيره كتر هو كون غير جا وقف عليه هو أولا وقف على غيرها يسولها السطاسيون الناس داخلة و خارجة منه علاش هي قصدها بالضبط ؟ لي طاح فباله بالي كانت نيته حاجة أخرى ماشي يسول شحال فالساعة !! ..
لاح ديك الميكة بالزعافة لور حتا قفزات بالخوف و قدرات تشوف فيه و كيفاش باينة فيه بالي أعصابه هايجين و هنا سكتات و دورات وجهها كاتمسح دموعها بأطراف صبعها لي كايترعدو و هي معروف عليها حساسة و هشيشة القلب ماتقدرش على هادشي كامل .. غمضات عيونها ماهضراتوش عارفاه غايضور فيها و غايقول ليها هضرة ماتعجبهاش و هنا قررات تلاتزم الصمت حتا يبرد على خاطر خاطره متفهمة غيرته ليها و التصرف لي دار لاخر هي براسها ماعجبهاش ولكن رد فعل عُمر خلعاتها غمضات عيونها حتى غفات فنعاسها باغا غير يدوز الوقت دغيا ويوصلو  !! ..