أشباه الرجال 🫀مكتملة🫀

🫀الجزء 76🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 76●°

10 ديال الصباح فڤيلا ديال اليازيدي برا  فالجردة الواسعة لي  مساحتها  شااسعة و مسافة بينها وبين الدار  بعيدة على لابيسين كاين عمال لي مع تريتور لي مكلف باحياء حناء العروس ودفوع لعروسة ..كل واحد ووفين لاهي... كاين لي كايصايب الخيمة لي غاتكون فيها العروسة  ولبلاصة لي غاتكلس فيها ..   وكاين لي كايصايب البيفي... ولي يصايب الطوابل فين غايكلسو المعروضين  .. الداخل من الصغير لكبير فالعائلة كاين ! .. كولشي حاضر و كل واحد و منين جا العائلة لي فالمغرب لي محسوبة من عائلة الحاج أحمد .. و العائلات لي برا المغرب حتى هوما و عائلة زاينة و معارفهم كولشي حاضر ليوم الدفوع ! .. عائلة ياقوت و حلمية لي كانت قليلة مقارنة مع عائلتهم .. فالبيت لي الفوق جالسة فالكرسي بشموخ لابسة بينوار حريري منقوشة فيه سميتها لور .. ميكاب أرتيست و كوافورات لي خدمتهم متقونة و كايخدمو غير لشكون و شكون ! .. بعدما قادو ليها ضفرانها و لبسوها الفولار و قادوه ليها بطريقة زوينة و مناسبة للعرايس و ماكياجها لي كان سامبل بطلب عُمر لي مابغاهاش تكتر منه و الرجالة حاضرين! .. رضوها أميرة فنهارها و لبسوها التكشيطة  من الثليجة الحرة الخضرة لي لابسا ولمضمة لي هداتها زاينة مزينة خصرها وقفت وهيا مبهورة بشكلها و تا لبنات عجبتهوم طاح عليها السر ...مادارت تا اكسسوار لا فعنقها لا فيديها بتوصيات زاينة ومن تقاليد يبقا عنقها خاوي .. من غير خاتم الزواج وساعة مايكل كورس ساوية الثمن  من لي جابلها عمر فالكادو فاش كانو فأنكاد ..

تحل الباب ودخلت كلثوم وجوج نكافات معاها غا شافو لعروسة بقاو يصليو على النبي وكلثوم  كاتصلي على النبي و تقرا المعودتين على الياقوت فخاطرها  حيت جات فاتنة و كاتحمق  ..

كلثوم (بإبتسامة):ما شاء الله عليك ابنتي الله يحفظك من العين !

هند :(لابسة تكشيطة بلدية فالأحضر ملكي وجامعة شعرها مشيطة و أكسيسوارات خفاف و مكياجها سامبل و مركزة غير على العكر )واش بداو يجيو الناس .. ؟

كلثوم  :جاو  وخاص نزلو دابا !!

عائشة( لابسة قفطان موبرة و شعرها مغطي بالزيف) . ..واه خاص تهود العروسة گالتلي ماما مور ساعة غايجيو !  ..

نزلات ياقوت والنكافات معاها ولبنات تا وصلت للجردة التحت وكاع الحضور نتابهو ليها ونكافات كايصليو على النبي ويزغرتو تا كلست فبلاصتها  كانو الحضور عدد قليل  وكاملينهوم  نساء قليل مقارنة مع طوابل لي مصايبيين .. لعواصر كاتفرق والكاطو و البب
يفي مفتوح لي بغا شي حاجة كاينة و الاغاني مطلوقين على انغام المختار البركاني واغاني الشرق لعلاوي والركادة  ولبنات دايرين جوج صفوف وكايشطحو على العلاوي بهدوء غير بكتافهم و يديهوم ..  سمعو كلاكصون ديال الطموبيلات من برا كاين لي خرج لباب برا و نسا لكبارات بقا كالسين .. على برا على طول الشارع لي فيه الفيلا لواطا على الجههد وغا الفريع ماكاين غا الرونج وجي كلاص ولي اودي كانو فم لباب فرقات ديال لعلاوي والشيوخ لي ماكايخطاو تا عرس وجدي و جوج رجال هازين لحليب والتمر فالاستقبال  بلا الامن الوطني لي محاوط الفيلا كااملااا حبيات  فاللول بورش راكب فيها عمر وحداه الحاجة فاطمة نزل بهيبتو لابس كومبلي كحل  بلا كرافاط  حل الباب للحاجة لي كانت لابسة بلوزة وجدية ودايرا صرع ديال اللويز فعنقها من موراه الحاج لي لابس فوقية سوسدي و زاينة لي لابسة تكشيطة فالابيض و تا هيا دايرا لويز لي ماكايخطاش نسا وجدة و مضمة تقيلة ديال الدهب والفرحة باينة فوجهها و عاد بقاو ينزلو عائلتو و نساهوم كل وحدا اناقتها تنسيك فلخرا  غا بداو ينزلو و يوقفو قدام الباب تا بداو الشيوخ فالبرطيات مشا الطاهر هو اللول لودن الشيخ وبقا يسميليه فودنو علامن يبرح ..جبد ضمسة ديال لفلوس من جيبو و عطاهاليه في خاطر لعريس وبداو كل واحد من عائلتو ولاد عمامو يعلقو للعريس فرحانين بيه وعمر داير يدو على صدرو وكايرض التهاني والابتسامة مافارقتش وجهو وهاد شي لي مخلي مينة لي واقفة مع الحاجة كاتسمم فخاطرها تا غرغرو عينيها بالدموع مين شافت الطيافر كاينزلو من واحد الطموبيل و هازينهوم لي مكلفين بالدفوع  تا بقاو يدخلوهوم واحد مور واحد وحطوهم كدام الياقوت فلبرزة ظيالها فين كالسا تا شافت عمر جاي و شاد فيدين زاينة من جيهة و الحاجة من جيهة خرا تا وصل لعندها وباس راسها وجلس قدامها و الجردة عمرات بالناس على الجهد تا تلامو على لعروسة وجاو لي جابو طيافر كايحيدو عليهوم لغطا .. كانو 12 لطيفور واحد فيه اونسومبل ديال الدهب كوليي تقيل و خاتم وحلقات ديالو وساعة روليكس ومشمار دهب
و الزاوج كان فيه الورد والحنة  ولي باقيين فيهوم ماركات عالمية كل من شانيل ..كوتشي .. اف سانت .. لوغو  .. هيرميس ديور !!
صيكان ونعايل و كتاتن من كولشيي كاين فداك الدفوع  ..